بالبداية, الخلايا العصبية تتألف من ٣ اجزاء هي:
- جسم الخلية (نواة، سايتوبلازم وكذا)
- التشجرات dendrites وهاي وظيفتها تستلم الإشارات العصبية
- المحور axon وهذا وظيفته ينقل الإشارة العصبية من جسم الخلية لخلية عصبية ثانية

وأكو 3 انواع من الخلايا العصبية، sensory تكون حساسة للمس، الضوء، الحرارة وغيرها... Motor وهاي وظيفتها تنقل الاشارة العصبية من الدماغ او الحبل الشوكي للعضلات (تنطي ايعاز للعضلات بالحركة).... والاخيرة هي interneurons وهاي تربط بين الخلايا العصبية الموجودة بالنسيج العصبي نفسه، مثلاً بالدماغ او بالاعصاب

الاشارة العصبية تتولد لما يصير اكو action potential اللي هو نوع من فرق الجهد يكون على طول المحور العصبي axon. طبعاً هذا يكون بسبب حركة ايونات الصوديوم Na+ من خلال قنوات خاصة داخل المحور العصبي اسمها voltage-gated ion channel ميشتغلن الا عند فرق جهد voltage معين.
بالتالي هاي الايونات رح تتحرك على طول المحور العصبي الى ان توصل لل axon terminal او نهاية المحور...

لما الايونات توصل لنهاية المحور axon terminal رح تحفز حويصلات خاصة تحتوي على neurotransmitters او نواقل عصبية.... هاي الحويصلات رح تتحرك بإتجاه غشاء الخلية (بالطرف مال المحور) وتتحد وياه وتطرح محتوياتها من النواقل العصبية للخارج، بالتحديد لمنطقة اسمها synaptic cleft او الشق المدري شنو ترجمته بالعربي... المهم هي هاي المنطقة تصير عبارة عن فراغ صغييير كلش بين المحور مال الخلية الاولى والتشجر dendrite مال الخلية الثانية، وبالتالي النواقل العصبية تنتقل من الخلية الاولى للثانية.

لما النواقل العصبية توصل للتشجر مال الخلية الثانية، رح ترتبط بمستقبلات receptors خاصة بالناقل العصبي... وهنا يبدي الشي يصير معقد كلش. بس ببساطة، المستقبلات بعد ما ترتبط بالناقل العصبي (اللي هو مركب كيميائي) ممكن تتحكم بفتح او اغلاق وحدة من ال ion channels بالخلية وبالتالي تؤدي لتوليد action potential جديد بالخلية الثانية لنقل الايعاز العصبي لخلية ثالثة وهكذا تتكرر السلسلة...

يتبع ..

أمّا بالنسبة للmotor neurons اللي هي الخلايا العصبية المسؤولة عن حركة العضلات:

الaction potential لما يتولّد بالخلية العصبية، رح تنتقل أيونات الصوديوم Na+ عبر المحور العصبي الى ان توصل لنهايته، هناك يرتبط المحور العصبي بالعضلة، وينفرز من الحويصلات ناقل عصبي اسمه acetylcholine (هذا يعتبر من أهم النواقل العصبية وموجود بكلش هواي synapses)... هذا يؤدي لتغييرات بفرق الجهد للخلية العضلية membrane potential، لأن الخلية العضلية بالعادة تحتوي على K+ داخلها وايونات Na+ خارجها وبالتالي يكون على سطحها فرق جهد تقريبًا -60 مللي فولت... الاستيل كولين يؤدي بالخلية العضلية إلى أنْ تفتح قنوات الأيونات ion channels بالغشاء البلازمي وبالتالي يصير تبادل للايونات... هذا التبادل بالأيونات رح يرفع فرق الجهد إلى فرق جهد معين إسمه action potential. لما يصير ال action potential، رح يحفز الخلية حتى تطلق مخزونها* من أيون ثالث هو Ca+2 (الكالسيوم) الموجود... الكالسيوم يخلي بروتينات محددة بألياف العضلة ترتبط وية بعض وتصير اقوى وطولها يقل.... بالنتيجة، تتقلص العضلة.

*الخلية العضلية تخزن أيونات الكالسيوم بالشبكة البلازمية الداخلية endoplasmic reticulum بس بالخلايا العضلية تكون محوّرة حتى تناسب وظيفة الخلية العضلية، وبالتالي اسمها يصير sarcoplasmic reticulum.

Haidar A. Fahad

My possstttttt🍻

.

Human interactions are the most interesting thing ever

نفس الاغنية بس بصوت فرانك سيناترا💚🌚

قدك الميّاس معناها قوامك المائل..

عشرات الآلاف من السنين والبشر يتجمعون حول النار بالليل وية عوائلهم واقاربهم واصدقاءهم... يمكن لهذا احنة نحب هالأجواء كلش ونعتبرها اجواء intimate... السالفة مغروسة بطبيعتنا البشرية من آلاف السنين

البارحة قريت أنه كلمة (رفيق، شريك) بالصينية (伙) جاية بالأصل من كلمتين هنّ: شخص 人 (إنسان) + نار 火

لأن الصينيين قديمًا (وكل الشعوب) ما جانوا يسمحون لأي شخص يكعد وياهم حول النار إلا اذا جان قريب منهم ومن معارفهم، فالشخص اللي كاعد كدام النار وياك، بالنتيجة هو لازم يكون رفيقك أو شريكك.

بلهجة تايوان أعتقد (伙) معناها مجموعة group... همين لنفس السبب فوك

"To live is to suffer, to survive is to find meaning in that suffering"

- Friedrich Nietzsche

.