بالنسبة لكارل يونغ، النفس البشرية "psyche" تتكون من 3 أجزاء:

الجزء الواعي conscious: يمثل المشاعر والاحاسيس اللي نحس بيها ونعرف انها موجودة

الجزء اللا-واعي الفردي personal-unconscious: يمثل الجزء اللاواعي من مشاعرنا وذكرياتنا وتجاربنا

الجزء اللا-واعي الجمعي collective-unconscious: يمثل لا-وعي البشرية كلها، اللي تشكّل عبر آلاف وملايين السنين من التطور والحياة على الأرض... وهذا يتكون من جزئين: الأول هو "الغرائز"، والثاني هو شي اسمه "الشخصيات البدائية archetypes"

ببساطة، الarchetypes للنفس البشرية، هي مثل الأعضاء لجسم الإنسان، كل واحد يؤدي وظيفة محددة

ليش عدنا لا-وعي جمعي وشلون صار؟
- أغلب إذا مو كل البشر يتشاركون أنماط حياة متشابهة (نفسيًا) ببعض الجوانب، كلنا نحصل الحكمة من اشخاص اكبر منا، كلنا نألّه حبيبنا/تنا الأول بسبب السذاجة ولأننا أول مرة ندخل هيج تجربة عاطفية، كلنا لما ننرعب كلش، نتجمد بمكاننا... بالنتيجة، وعبر ملايين السنين من التطور، كل البشر صارت عدهم صفات نفسية متشابهة هي:
1- الغرائز: الدوافع المتشاركة بين كل البشر... مثل غريزة الخوف من شي مرعب كلش بحيث "نصير مثل الحجر،" غريزة الشعور بالجوع، العطش، وغيرها...

2- الشخصيات البدائية* (ترجمة ركيكة لarchetypes) هي "تراكيب إدراكية cognitive structures" متشابهة، إسمها الarchetypes... مثل ما كلت فوك، الأركيتايبس بالنسبة للنفس البشرية، هي مثل الأعضاء بالنسبة للجسم. كل عضو منهم يخدم وظيفة معينة ضمن النفس. ومثل ما كل البشر عدهم قلب، رئتين، وكبد... كل البشر عدهم archetypes أساسية ومتشابهة، بس بعضها تكون مكبوتة، بحيث البقية "ياخذون مكانها" ويصيرون "inflated" مثل ميكول يونغ

شنو دليلنا على وجود شي اسمه archetype اذا إحنة منكدر نعرّفه أصلًا؟
- كارل يونغ، مثل معلّمه فرويد، جان مُغرم بالأساطير القديمة (الحقيقية والخيالية)، وجان كلما يقرة أسطورة يلكة بيها تشابهات وية أساطير من أماكن ثانية بعيدة جدًا. وإنت نفسك لما تشوف فلم، رواية، أسطورة دينية وغيرها... كلهن رح تلكة بيهن عناصر نفسية متشابهة. غريزة الخوف مثلًا موجودة بكلش هواي أساطير، وكلش هواي منها تتحدث عن (التحجّر من الخوف petrification) لما نقابل مخلوق مرعب؛ الأساطير اليونانية بيها ميدوسا، اللي يباوع على عيونها يتحول لحجر. هاري بوتر بيه وحش البازيليسك، اللي همين اي شخص يباوع بعيونه يتحول لحجر، بالعهد القديم (التوراة) يُذكر أن الرب بعد ما قرر إنزال العذاب بقوم لوط، أمر لوط وزوجته أن يبتعدون عن المدينة وما يلتفتون عليها، لكن زوجته إلتفتت وشاهدت الرعب وتحولت فجأة إلى عمود ملح... بالأفلام نلكة أبطال Jurassic park جانوا يكولون: ابقى جامد بمكانك، الديناصورات متشوف بس الأشياء المتحركة.

وبكل الأساطير تتواجد شخصية الرجل الحكيم (wise old man) اللي ينطي الحكمة للبطل ويساعده بطريقه؛ هاري بوتر عنده دمبلدور، النبي محمد عرف بنبوته عن طريق ورقة بن نوفل، النبي موسى عاش وية شعيب، جون سنو عنده مايستر أيمون، وغيرهم...

*كارل يونغ نفسه ما وفّر تعريف صريح للarchetypes، وكلش طبيعي متفهمها من أول مرة، لكن وية الأمثلة حيكون عندك تعريف لا-واعي للأركيتايب.

شغلة لازم تتذكرها:
يونغ أغلب حجيه هو تشبيهات ورموز، لهذا ما لازم تؤخذ حرفيًا... مثلًا لما يكول أنه من ضمن الصفات الأنثوية هو تقلب المزاج والمدري شنو، فهو ما يقصد أنه كل الإناث متقلبات مزاج أو كل الذكور عدوانيين... ببساطة هو يستخدم رمز "الأنثى/الذكر" الموجودة اولردي بهواي أساطير وفلسفات (مثلًا: الين يانغ) حتى يشرح فكرته

الكوانتم ميكانكس أسهل من شرح كلام يونغ...

معلومات اضافية

أنواع الarchetypes

بالنسبة ليونغ، أكو كلش هواي أركيتايبس (بعدد المواقف المتشابهة اللي يتعرضلها البشر)، لكن أكو 3 أركيتايبس كلش مهمة بعلم النفس الخاص بيونغ، هي:

1- الظل (shadow)
هذا يمثل شكو صفة يعتبرها وعي الشخص حقيرة، تافهة، شريرة، ومخزية. ببساطة هي "ظل" الشخص والجزء السفلي من اللا-وعي الفردي مالته اللي يحاول يبقيه بعيد عن الpersona وبالتالي عن المجتمع. بالنتيجة، هيج صفات يتم كبتها باللا-وعي ومنعها من الظهور بشكل واعي... وكلما يتم كبتها، كلما تصير "blacker and denser" مثل ميكول يونغ. بالنتيجة رح يبدي الshadow يتسلل بشكل لا-واعي ويعبّر عن نفسه... وحدة من هالطرق هي (الإسقاط projection) يعني لما نسقط صفاتنا السيئة -ظلالنا- على أشخاص آخرين.
من الصفات اللي يمثلها الظل تشمل الغضب، الكراهية، الرغبات الجنسية بأنواعها، والممنوعات الإجتماعية، وغيرها...

2- ال anima/animus
هنّ كلمتين لاتينيات الأصل
ال(anima/مؤنث) تتواجد عند الذكور وتمثل صفاتهم "الأنثوية" مثل تقلب المزاج والsensitivity وغيرها...
ال(animus/مذكر) تتواجد عند الإناث وتمثل صفاتهن "الذكورية" مثل العنف.
بنفس الوقت، الanima/animus تمثل الصورة المثالية اللي يمتلكها الشخص بالنسبة للجنس المعاكس (فارس الأحلام aka)
بالأساطير والقصص تتمثل الanima/animus بالشخصية اللي يحبها البطل كلش ويخاطر بكلشي علمودها، وهي تمثل مصدر للقيم السامية باللا-وعي الفردي (على عكس الظل shadow اللي يمثل القيم السيئة والحقيرة باللا-وعي الفردي.) مثلًا بفلم V for Vendetta، شخصية Mr. V جانت تسولف وية تمثال سيدة العدالة lady justice، جماعة كيم اوف ثرونز يعرفون أنه روبرت براثيون سوة ثورة ضد الملك المجنون وصار حاكم الممالك السبعة كله لأن راد ينقذ خطيبته ليانا، وبعد وفاتها ب17 سنة بقى يكول:
Someone took her away from me, and seven kingdoms couldn't fill the hole she left behind.

3- الرجل الحكيم wise old man (يونغ جان يسميه self/الذات الحقيقية، لأنها تربط وتجمع بين اللا-وعي والوعي)
بكل القصص، حقيقية أو خيالية، تلكة الرجل الحكيم المُسن اللي يرشد البطل؛ هاري بوتر عنده دمبلدور، النبي محمد عرف بنبوته عن طريق ورقة بن نوفل، النبي موسى عاش وية شعيب، جون سنو عنده مايستر أيمون، وغيرهم... ذولة كلهم يمثلهم archetype واحد إسمه الرجل الحكيم المسن wise old man. إلى حد ما، هو يمثل التوازن والتناغم بين اللا-وعي وبين الوعي.

القناع الإجتماعي Persona

الرومان القدماء جانوا يسمّون الأقنعة اللي يلبسها الممثلين على المسرح ب"persona."

يونغ، كالعادة متأثر بالأساطير والتاريخ، سمّى الشخصية اللي يظهرها الفرد العادي أمام الناس والمجتمع بpersona. هاي الشخصية هي قناع نلبسه حتى منظهر من شخصياتنا إلّا اللي يوافق عليه أقراننا ومجتمعنا. هالشي ميمثل مشكلة مبدئيًا، لكن المشكلة تظهر لما الناس ينسون أنهم لابسين قناع ويبدون يتخيلوه وجههم الحقيقي... لما الشخص يعتبر القناع (persona) هو نفسه الحقيقية (psyche) رح يبدي يكبت العناصر الثانية اللي متظهر بلpersona ويدفعها أكثر للا-وعي... وهالشي محيخليها غير أنه تتسلل بأشكال أقوى وأكثر تخريبًا.

الفوك كله جان مقدمة حتى الواحد يفهم الindividuation اللي بيه كل الinteresting stuff 🤦‍♂😂

الجزء اللاواعي الجمعي علق عليه أحد السايكولوجستس قبل فترة ب"هلاوس متفق عليها بين البشر"

اخيرا حيدر كمل السلسلة الي بديت بيها قبل فترة و تورطت لان مافهمت منها شي 😂😂😂😂😂.

+ شوفوا القناة كلش حلوة للي يحبون التاريخ والميثولوجيا

Consciousness does not exist
-dr. Robert ford

Humans fancy that there's something special about the way we perceive the world, and yet we live in loops as tight and as closed as the hosts do, seldom questioning our choices, content, for the most part, to be told what to do next. No, my friend, you're not missing anything at all.

بالعادة لما اقرالي شي او اشوف لقطة من مسلسل، الحوار ممكن يذكرني بشي ثاني قاريه او سامعه قبل... إلا ويستوورلد (وبالذات هذا الحوار،) حسيته ألعاب نارية بعقلي، لأن ذكرني بألف فكرة وكتاب وفلسفة وية كل كلمة، من البوذية للأخوة كارامازوف💚

بالأخوة كارامازوف جان اكو مقطع خيالي يتحدث عن رجوع المسيح للأرض مرة ثانية، وإعتقاله ومحاكمته بوحدة من محاكم التفتيش المسيحية بالقرون الوسطى. القس المسؤول عن محاكمة المسيح، يعرف بحقيقته، لكنه ما يسمحله بالخروج وإعلان عودته لأنه يتّهمه -المسيح- بكونه: أعطى للناس حرية الإختيار ووضع على كواهلهم كل هذا الثقل وكل هاي المسؤولية... وبالمسلسل فورد يكول:
[We, humans] seldom questioning our choices, content, for the most part, to be told what to do next.

كمية الإبداع بتصميم شخصية مثل د. فورد 🌚💚