شلون يشتغل المنهج العلمي:

اولاً: نلاحظ شي بالعالم الحقيقي observation... مثلاً إدموند هالي جان يكلب بكتب الفلك ولاحظ أنه بسنة 1682 ظهر مذنب بالسماء، وقبلها ب76 سنة تقريباً هم ظهر مذنب، ونفس الشي قبلها ب76 سنة... هنا فكر بشغلة:

ثانياً: وضع فرضية hypothesis قابلة للتجربة... إدموند هالي إفترض أنه كل المذنبات المسجلة بهاي التواريخ هي بالحقيقة مذنب واحد يكمل دورته حول الشمس كل 76 سنة، وبالتالي إحنة نشوفه كل 76 سنة... هالي توقع ان المذنب رح يرجع بسنة 1758، بالتالي إذا رجع، ففرضية إدموند هالي صحيحة، وإذا ما رجع، ففرضيته غلط.

ثالثاً: ورة وفاة هالي بكذا سنة، ظهر بسنة 1758 مذنب يشبه المذنب اللي وصفه هالي... وتم تسميته بمذنب هالي.
آخر مرة شفنا مذنب هالي جانت بسنة 1986 ورح يرجع سنة 2061

هاي ببساطة طريقة عمل العلم... العلماء يلاحظون ظاهرة طبيعية (يسموها حقيقة علمية) وراها يبتكرون فرضية او نظرية (النظرية تشرح وتفسر شلون تشتغل الظاهرة) وراها يفكرون بتجربة لإثبات خطأ النظرية، إذا ما طلعت غلط فهي صحيحة، وبالنتيجة تعتبر (نظرية مثبتة علمياً).

م/ النظريات متتحول لحقيقة علمية، ولا تصير قانون علمي... النظرية شغلها هو انها "تشرح" شلون يشتغل فلان شي... لهذا النظرية بالمعنى العلمي مو نفسها بالمعنى الشائع بالمجتمع (لما منكون متأكدين من شي، نسميه نظرية... بس هالشي ميمشي بالعلم)

مشكلتي وية "الصفحات العلمية" على السوشيل ميديا أنه محتواها هو عبارة عن معلومات مختصرة ماكو ربط بينها، ولا تساعد بتغيير طريقة تفكير القارئ أو تعريفه بالمنهج العلمي... حالها حال القنوات الدينية -من حيث التأثير- اللي تنشر اشياء مثل دعاء التوسل، وآية الكرسي... لا هي مدخلة ناس للاسلام، ولا هي تفيد المسلمين.

إذا نريد ننشر العلم بالمجتمع العراقي، فالواجب علينا هو أن نتعلم المنهج العلمي أولاً، وراها أن نعلّم المنهج العلمي ثانياً... تعليم المنهج العلمي هو الطريقة الوحيدة الفعالة للقضاء على الأمية الفكرية اللي دنواجهها بالقرن ال21... وهالشي ميصير من خلال نشر مقالة عن (ليش الثقوب السوداء تبعث إشعاع هوكينك) او (الإنسان والشمبانزي تطوروا من سلف مشترك واللي ميعجبه خل يضرب راسه بالحايط) والإدعاء أنه اي شخص ميصدك بهاي المقالات هو شخص، بالإضافة لكونه جاهل بعقلية من القرون الوسطى، فهو أيضاً عنيد ومغمض عيونه عن الدليل العلمي القاطع... هذا نفسه الإسلوب اللي استخدمه الوعاظ الدينيين، وشوف وين وصّلنا.

نشر العلم يبدأ بنشر التفكير والمنهج العلمي حتى نكدر نصنع أشخاص مؤمنين بالعلم ويفكرون بطريقة علمية. هاي المشكلة دنواجهها لحد الآن بالجامعات العراقية:
بالإضافة لإفتقارها لكل البنى التحتية والمختبرات والأجهزة، فهي تواجه مشكلة بنفس الخطورة... لا طلابنا ولا أساتذتنا عدهم تفكير علمي. تفكيرهم يسيطر عليه الجهل وخرافات المجتمع وهالشي صحيح حتى بالنسبة لطلاب الدراسات العليا والاشخاص ذوي المسميات العلمية المرموقة بالجامعات... بالنتيجة نلكاهم ما يتعدون كونهم "موسوعة معلومات -ويكيبيديا-" عدها رجلين، أما من ناحية التفكير، فماكو فرق بينهم وبين شخص خريج متوسطة... كل اللي سووه خلال سنين دراستهم هو أنهم جانوا يحشون كميات جبيرة من المعلومات بعقولهم من غير وضعها بإطار framework بحيث يفكرون بطريقة علمية.

بإختصار:

إذا نريد ننشر العلم بالمجتمع، فلازم نبدي من الأجيال الصغيرة، ولازم نبدي بطريقة التفكير مو بحشو المعلومات... لأن حالياً لا جامعاتنا كاعدة تحتضن فكر علمي، ولا أغلب صفحاتنا العلمية.

تفكيرنا -كعراقيين- ما زال يغلب عليه التطرف، من متدينينا، إلى ملحدينا اللي يدعون أنهم (متنورين ومروجين للعلم)... لكن بالجوهر، كلهم مجرد متطرفين يتكلمون بتعالي ويعتبرون روحهم الوحيدين اللي يمتلكون الحقيقة، وقافلين على أفكارهم اللي يؤمنون بيها بدون ما احد بيهم يحاول يتفهم موقف الآخر.

نحتاج الفكر العلمي لأنه الوحيد اللي يكول: إذا جنت تريد تتأكد من صحة فكرتك، حاول أن تثبت خطأها بكل طريقة ممكنة... فإذا فشلت، كول لباقي العلماء حتى يثبتون خطأها... فإذا فشلوا، عندها، يمكن فكرتك صحيحة.

نحتاج التفكير العلمي، لأنه الوحيد اللي يعلمنا التواضع (مو بسبب صورة الارض pale blue dot) بس بسبب أنه يبين إلنا شكد تفكيرنا قاصر، وشكد نحتاج نسمع أفكار غيرنا، والأهم... نسمع نقدهم.

Pale blue dot

Hannibal

4:22 We now know there are many many things humans can do better than a computer. She's walking down the street and she's got a certain kind of a wiggle, and YOU KNOW THAT'S JANE

An anime based on Greek mythology

"Sic mundus creatus est"

"So the world was created"

العبارة موجودة بمسلسل Dark, وبالأصل مأخوذة من كتاب إسمه The emerald tablet جان يعتبر المرجع الأساسي مال الخيميائيين الأوروبين + المتصوفين الباطنيين اللي بأوروبا (hermetism)

احب هيج مسلسلات بيها hidden meanings و easter eggs تاريخية😂

*مسلسلات، كتب، افلام، لوحات، قصائد، اي شي يشبه ال puzzle*

- The social dilemma

Laser Gandhi, Merciless Protector of Peace