"The darkest places in Hell are reserved for those who maintain their neutrality in times of moral crisis"

- Dante Alighieri

الملل واليونانيين

مرة قريت مدري وين انه الفلسفة ظهرت بالتاريخ البشري قبل 2500 سنة تقريباً، وباليونان تحديداً لسبب معين هو أنه قبل هذا التاريخ، البشر جان يومهم كله عبارة عن بحث عن الطعام وتأمين المأوى وحماية انفسهم من المفترسات. ولما إكتشفنا الزراعة -قبل 12000 سنة- حالنا صارت احسن، لكن يومنا همين جان عبارة عن شغل وتعب وما عدنا وقت فراغ leisure... إذا إنت إنسان من عصر قبل التاريخ فإنت شبه أكيد جنت hunter-gatherer (تصيد الحيوانات بمنطقتك، وتقطف الثمار والنباتات اللي تلكاها) وهلشي يتكرر كل يوم بحيث هذا يكون هدف حياتك حرفياً...
لحد قبل 5000 سنة بدينا نحصل شوية اوقات فراغ، وهلشي نتج عنه إختراعات وإكتشافات السومريين، البابليين، والمصريين القدامى وكتابة أساطيرهم...
أما بالنسبة لليونان، قبل 2500 سنة، دويلات المدن اليونانية (أثينا، إسبارطة، ... وجماعتهن) شهدن فترة رخاء صار بيها عند اليونانيين هواي عبيد يشتغلون بدالهم ويسوون أعمالهم الهم، الجنود جانوا يحمون المدينة، العبيد يقومون بأعمالها اليومية، والنساء يهتمن بالبيت وتربية الأطفال... بالنتيجة اليونانيين الأحرار (رجال اليونان بالتحديد) صار عدهم وقت فراغ كلش جبير، وقت فراغ جان كافي حتى يخليهم يخترعون السياسة بمفهومها الحالي، مجلس النواب، الديمقراطية، فلسفة سقراط، ديموكريتس، وأبيقور... ببساطة جان عدهم الوقت الكافي حتى يحيرون بهيج مسائل "وجودية"، او بعبارة ثانية:
جانوا يحسون بالملل بحيث كاموا يفكرون بالمسائل الوجودية اللي صعب يفكر بيها العبد اليوناني (لأن حيكون مشغول برعاية الماشية، والزراعة، والتنظيف)، او النساء (لأن جانت مهمتهن تتلخص بتربية الأبناء والبنات وكم شغلة منزلية ثانية)

هلشي تذكرته لأن حالياً داكفر من الملل، واني مو وحدي بهذا الشي... نص اللي تحجي وياهم بفترة الحظر والحجر الصحي، يكولولك انهم يحسون بالملل... جزء من السبب هو لأن ما عدهم شي يسووه حرفياً. أعمالهم واكفة (عدا اليشتغلون من البيت)، دراساتهم واكفة (التعليم الألكتروني ميعتبر "دراسة" لأن تكدر تسخت بيه ومحد يكوللك ليش)

بالنتيجة عدنا وقت فراغ اكثر يمكن حتى من اليونانيين... الفرق أنه وقت الفراغ ممزوج بتوتر وخوف (سالفة الرواتب بالنسبة للموظفين، الدراسة للطلاب -خاصة السادس-، والخوف من أنك تتمرض) بالإضافة الى اننا نمتلك شي سيء مجان عند اليونان... هو أنه نكدر نقضي وقت فراغنا بأشياء تافهة كلش (بالنسبة الي، قبل شوية كضيتلي فوك الساعة على اليوتيوب اشوف فيديوهات قديمة لcollege humor 🤦‍♂💔)

بإختصار، هذا الوقت اللي احنة بيه صعب يتكرر بعد... Unless someone eats a bat again
"إستفيد" من وقت فراغك بكتب، كورسات، تمرينات، او انه تقوي علاقتك وية عائلتك... جان كلت استمتع، بس صعب تستمتع هواي وإنت محبوس بالبيت

مسوين reference للرواية "The red dragon" المقتبسة منها شخصيات المسلسل... واللوحة "The great red dragon" لويليام بلايك، المقتبس منها اسم الرواية 🌚💚

أبو تحسين الصالحي
أبو تحسين من أشهر مقاتلي الحشد الأصلاء، الّي ولاءه عراقي قح.
هالرجل لازم نعتبره قدوة حقيقية إلنا... ليش؟
سئلوه گلوله شنو علاقتك بالعراق؟
فچان جوابه: (العراق وطني، وأغلى شيء عندي هو الوطن، أموت 70 موتة وأحيا وأموت وأحيا وأرجع أقاتل من أجل العراق)
ويگول: (أوصي العراقيين الشرفاء، على كل عراقي أن يضحي من أجل العراق).
أبو تحسين الصالحي عراقي مو "ذيل" لأحد، وبمقولته هاي فضرب أفكار خميني وولاية الفقيه عرض الحائط ودمرها...
لأن ولاية الفقيه وعلى لسان الخميني يگول: (الوطن ليس بالبصرة أو الشام، الوطن الحقيقي هو الإسلام).
وهذا مجرد شعار يتخذه خميني حتى يضحك بيه على البسطاء ويجرهم لحروبه.
لازم نقتدي بابو تحسين، شيخ القناصين الّي يعتبر العراق فوق كل انتماء.
لو نجي ننقد مقولة أبو تحسين ومقولة الخميني حنلگي أنّه مقولة ابو تحسين واضحة، ومن الممكن تطبيقها، فمصالح العراقيين وحدة.
مقولة أبو تحسين محددة، وما بيها لف ودوران.
مصالح العراق هي بناء أرضه وتثقيف شعبه وضمان حقوقهم.
بينما مقولة الخميني وافكار ولاية الفقيه كلّش عامة، وما حددلك يا إسلام؟ إسلام السنة لو الشيعة؟ وإذا شيعة فيا شيعة بالضبط؟ زيدية جعفرية فاطمية؟
زين هي شنو مصالح الإسلام بالضبط؟ محد يعرف...
خميني دمَّر الهوية الوطنية وخلّاها رهينة بإيد فكر ولاية الفقيه.
خلوا ببالكم، مصالحنا كعراقيين على اختلاف انتماءاتنا هي واحدة... لكن مصالح "المسلمين" مو بالضرورة تنفع العراقيين.
فكروا بالعراق أولًا، مثل ما سوة أبو تحسين.
أخواننا العراقيين من شيعة وسنة ومسيح وصابئة وايزيدية أولى بجهودنا من غير العراقيين مهما كانوا.

Angel of darkness

ياخي اياد الريماوي❤️

‏كل التطبيل والدعايات للحرب، كل الصراخ والكذب والكراهية، تأتي دائماً من الناس الذين لن يذهبوا إلى الحرب !

- جورج أورويل.

@YTAudioBot - 02:26, 2.32 MB