A good rule of thumb

ولو هي المعلومة غلط...
بس "rule of thumb" علساس بالأصل جاية من قانون إنكليزي يتيح للزوج أن يضرب زوجته بعصا ميهم شكد طولها، بس سمكها لازم ميكون اكثر من سمك الإبهام 🤦‍♂

Healing,
Papa would tell me,
is not a science,
but the intuitive art
of wooing Nature

- W.H. Auden

Encephalitis lethergica

#وباء_مرض_النوم

السنة 1917، الحرب العالمية الأولى رح تنتهي قريباً، ووباء الإنفلونزا الإسبانية دينتشر أكثر... طبيب نمساوي بمدينة فيننا لاحظ وجود كم مريض بالمستشفى يعانون من أعراض غريبة:
بدأت عدهم أعراض إنفلونزا عادية، لكنها خلال يوم أو يومين، تطورت إلى أعراض عصبية neurological... الأعراض جانت حادة acute وتتضمن حمى، نعاس شديد، تعب lethergy، ومشاكل بالحركة... الأعراض جانت متعددة جداً لدرجة أنه من الممكن أن يظهر أي عارض عصبي فجأة خلال أيام او حتى ساعات (ولهذا بالبداية المرضى جان يتم تصنيفهم على أنهم مصابين بإلتهاب سحايا أو تصلب متعدد) لكن الأعراض جانت متنوعة وغريبة بحيث جعلت الطبيب النمساوي يقرر أنها مرض جديد سماه "encephalitis lethergica" ونشر ورقة علمية عنها... الكلمة الأولى معناها إلتهاب دماغ، والكلمة الثانية معناها تقريباً "مسبب للتعب المرضي"

بنفس الوقت بمستشفى عسكرية بفرنسا، طبيب فرنسي جان ديعالج مرضى بنفس الأعراض ونشر ورقة علمية عن نفس المرض بعد أيام من نشر الطبيب النمساوي لورقته... وخلال الفترة الباقية من 1917 و1918 والسنوات الوراها، جانت التقارير تطلع من كل مكان، وكلهن يتكلمن عن مرض عصبي جديد ذو سبب مجهول... المرض صار وباء أصاب ما يقارب المليون شخص حول العالم خلال فترة ظهوره وإختفائه فجأة ما بين شتاء 1917 إلى ال1930s... ولحد اليوم، ما كدرنا نكتشف المسبب لهذا المرض ولا شلون ظهر فجأة، او شلون إنتهى فجأة.

والأسوء من هذا، أنه المرض بيه فترتين:
حادة acute، ومزمنة chronic (ممكن يتداخلن)
الفترة الحادة تبدأ بأعراض مثل الإنفلونزا، وتتحول لأعراض عصبية تختلف حسب المريض، لكن أكثر عارض إنتشاراً جان شلل أو حركات لاإرادية بعضلات العين، وتعب شديد ونوم لفترات طويلة كلش (المريض يكون نايم لكن بنفس الوقت واعي باللي يصير حوله وسهل تكعده)... ومرات العكس جان يصير، هو أنه المرضى يظهرون حركات لاإرادية بالفك والعين والأطراف، هلوسات وخربطة بالنوم، وبعدها فترة تعب تستمر لأيام مرات.

الفترة المزمنة جانت تبدأ بعد سنة إلى 5 سنوات من الفترة الحادة (مرات حتى بعد عقود، وحدة من الحالات بدأت عده بعد 45 سنة!) وتتميز بأعراض مشابهة لمرض باركنسون (شلل رعاشي، مشاكل بالمزاج)، تصلب بالعضلات، حركات أطراف وعيون لاإرادية، شلل بعضلات العيون، وهلوسات... المرضى بهاي المرحلة يكونون فاقدين للحركة والكلام، يكونون واعين للي يصير حولهم، لكن بحالة بين الحلم والواقع. ممكن تلكاهم كاعدين على كرسي طول اليوم، فاقدين للطاقة، الرغبة بفعل أي شي، الشهية... يعرفون اللي يصير حولهم لكن بدون تركيز واعي، وبعدم إكتراث تام... "حضورهم ضائع مثل الأشباح" مثل ميكول أوليفر ساكس بكتابه awakenings.
@error0error

They would be conscious and aware – yet not fully awake; they would sit motionless and speechless all day in their chairs, totally lacking energy, impetus, initiative, motive, appetite, affect or desire; they registered what went on about them without active attention, and with profound indifference. They neither conveyed nor felt the feeling of life; they were as insubstantial as ghosts, and as passive as zombies.

- Awakenings, by Oliver Sacks

الشغلتين اللي كلش يخوفن بالمرض وبنفس الوقت صار لغز طبي مثير للإهتمام كلش، بإختصار:
اول شي... سبب المرض غير معروف أبداً (بعض النظريات تقترح سببه فايروس مشابه لشلل الأطفال، ونظريات ثانية تعتبره مرض مناعة ذاتية... لكن ماكو شي مؤكد حتى ورة 100 سنة من الوباء)

الشي الثاني... هو مدى الأعراض اللي بالمرض؛ حرفياً المرض ممكن يؤدي لأي عارض عصبي مهما كان، كل الأعراض هي تابعة للمرض🤦‍♂

*بالمناسبة ما زالت تظهر حالات فردية قليلة من المرض هنا وهناك*

نظريات المؤامرة أكفر بيكم اذا تحجون... المرض سولفت عنه كلغز طبي، مو سوالف ماسونية🤦‍♂

النفط الاميركي صار 3 دولارات بالعقود الآجلة :)

العقود الآجلة هي أنه شركات أو دول تشتري كمية من النفط بالمستقبل... يعني مثلاً شركة س تشتري (100 مليون برميل نفط) بحلول سنة 2021

الفكرة من العقود الآجلة هي أنه الشركات والدول تضمن مخزون معين من النفط بحيث تتفق وية دولة معينة تزودها بالنفط بالمستقبل حتى متحير باجر عكبة تدور نفط (خاصة أنه النفط أسعاره متقلبة)

العقود الآجلة تعتمد على العرض والطلب (supply & demand) وبأزمة كورونا، الطلب صار قليل لأن الشركات والحكومات تخاف تشتري نفط بهيج وضع استثنائي، بينما العرض بقى نفسه (الدول بقت تنتج نفس الكمية الجبيرة من النفط) وما قللوا العرض إلا قبل فترة قليلة (أوبك خفضت الإنتاج العالمي بنسبة 10%) لكن حتى ال10% جانت هواية... ومخازن النفط بالعالم كله بدت تمتلي وصار اكو حالة إكتفاء بسبب إنتاج النفط العالي ببداية الازمة... وهذا الشي خلة محد يريد يشتري نفط بعد (ماكو مخازن يحطون بيها النفط، والإقتصاد اولردي متزعزع) وبما انه محد يريد يشتري نفط، أسعار النفط نزلت... وخاصة أسعار الWTI (خامة غرب تكساس من النفط الأميركي)

*المختصر للسالفة*

بالمناسبة صار دولار و4 سنتات

مبقة شي وينطونا فلوس حتى ناخذه ..

2020...