الصراحة الاغنية حلوة 🥺😹

00:00

‏يا صبرُ قل لي هل أنا أيوبُ؟
‏أم أنني في لوعتي يعقوبُ
‏ أفنيتُ دهرا في انتظار أحبتي
‏فمتى الحبيبُ إلى الحبيبِ يؤوبُ؟

الإسم: Liberty leading people (الحرية تقود الشعب)
الرسام: يوجين ديلاكروا (فرنسي)
السنة: 1830
التيار: رومانسية
الابعاد: 250×325 سم
المالك: متحف اللوفر
الفكرة: إحياء لذكرى الثورة الفرنسية، والإمرأة تجسد إلهة الحرية تقود الشعب، تعتبر من أفضل اللوحات الي أنرسمت بالتاريخ وصارت رمز للثورة وللقومية الفرنسية لحد الآن.

"Data doesn't speak of itself, it has to be interpreted"

#المدرسة_السلوكية #behaviorism


المدرسة السلوكية بعلم النفس تهدف لدراسة السلوك الظاهري للفرد او الكائن الحي بدل دراسة العمليات الإدراكية اللي تصير بالدماغ cognitive processes. يعني انه تحصل معلومات "مادية" وتستخدمها كدلالة للعمليات العقلية اللي تصير بالكائن الحي

يعتبر الطبيب الروسي آيفان بافلوف Ivan Pavlov هو مؤسس المدرسة السلوكية لما جان يدرس الجهاز الهضمي للكلاب لاحظ انه الكلب يبدي يسيل لعابه drooling لما يشوف او حتى لو يشم ريحة الأكل. ولهذا أجرى وحدة من أشهر تجاربه بعلم النفس (واللي هي رغم انه تبدو كلش بديهية هسة، إلا أنها ابد ما كانت مدروسة بشكل علمي بالقرن ال19) وهي أنه كان يجيب جلب وينطيه أكل (وهذا اسمه الunconditioned stimulus المحفز غير المشروط) وبنفس الوقت يدك جرس معين (وهذا الconditioned stimulus او المحفز المشروط). الفكرة هي انه الجلب لعابه رح يسيل (وهذا هو السلوك behavior) بسبب المحفز غير المشروط (الأكل)، لكن بنفس الوقت، الأكل يكون مرتبط بمحفز ثاني هو صوت الجرس يرن (المحفز المشروط)..... وبعد تكرار العملية عدة مرات، الجلاب ربطت صوت الجرس بالطعام، وبالتالي السلوك (اللعاب يسيل) اللي جان مرتبط بس بالطعام (المحفز غير المشروط) ارتبط هسة بالجرس (المحفز المشروط). وبافلوف لما يرن الجرس، فلعاب الجلب رح يسيل حتى لو ماكو طعام. وهذا لأن الجلب ربط صوت الجرس بالطعام دائماً.

#علم_النفس #المدرسة_السلوكية_2


بالثلاثينات من القرن الماضي، عالم النفس من المدرسة السلوكية ب. ف. سكينر B.F. Skinner إبتكر صندوق لدراسة سلوك الحيوانات بالمختبر (إشتهر فيما بعد بصندوق سكينر Skinner Box).
فكرة الصندوق بسيطة نسبياً؛ يتم وضع حيوان إختبار -فأر مثلاً- بالصندوق اللي يحتوي على زر يضغطه الحيوان علمود يحصل طعام يحبه من الفتحة اللي بجانب الزر.

الغرض من هاي التجربة جان دراسة شي إسمه التعزيز reinforcement. اللي هو المكافأة اللي يحصلها عنصر الإختبار مقابل قيامه بنشاط معين (ممكن يكون ممرتبط بشكل مباشر بالمكافأة). مثلاً لما فأر الإختبار يضغط على الزر، هو يحصل على مكافأة متمثلة بالطعام، بالتالي حيتم تعزيز reinforcing نشاطه (اللي هو الضغط على الزر)... وبالتالي، بعد عدد كافي من المرات، يتعلم الفأر أن الفعل behavior (الضغط على الزر) يتعزز بالمكافأة reward (الطعام) وبالتالي رح يضغط على الزر هواي علمود يحصل الطعام اللي يريده

بالمناسبة جان اكو اشاعات خاطئة عن انه سكينر مرة حط بنته بالصندوق😂🤦‍♂... بس تم نفي هاي الاشاعات بعدين من قبل بنته نفسها

وبالمناسبة لهذا ممكن تسمع عن أن الvideo games هي بالحقيقة عبارة عن Skinner box

لأن اللعبة -علأقل البسيطات منهن- تعزز الفعل (انه تلعبها اكثر) من خلال نوع من المكافأة اللي ممكن يكون على شكل فلوس، او لفل اعلى، او شخصية تريد تحصلها او اي شي، بحيث دائماً حيكون اكو شي تريده ومتحصله الا من خلال اللعب

واخيراً رح اسولف عن
#little_Albert_experiment 😂


بسنة 1920 قام العالم جون واتسون John B. Watson بإجراء تجربة إشتهرت فيما بعد بإسم (تجربة الصغير ألبرت little Albert experiment). الفكرة جانت انه الأطفال لما ينولدون فهمة ما يخافون الا من أشياء اثنين، الخوف من السقوط، والخوف من الأصوات العالية... أما بقية أنواع الخوف فهي مكتسبة

اول شي، العلماء القيّمين على التجربة جابوا طفل عمره 11 شهر -ألبرت- وحطوا يمه فأر مختبر. شافوا أن الطفل ميخاف منه، أصلاً كعد يلعب وياه ويريد يلزمه.
وراها، رجعوا سووا نفس الشي. لكن بتفصيل واحد جديد؛ كلما الطفل يشوف الفار، فالعلماء جانوا يطرقون على قطعة حديدية ويسوون صوت عالي كلش والطفل جان يبجي بسبب الصوت... بعد تكرار هذا الشي لعدد معين من المرات، صار الطفل يبجي لمجرد انه يشوف الفار حتى لو ما جان اكو صوت طرق. ومو بس هذا، خوف الطفل تعدى الفار، وصار لتل ألبرت يخاف من الأرانب والالعاب، وأي شي لونه أبيض وعدنه فرو (حتى صار يخاف من واتسون نفسه لما لبس لحية مزيفة لونها أبيض)

الفكرة من التجربة هي إظهار أن مختلف أنواع الخوف مكتسبة، يكتسبها الشخص خلال مراحل حياته المختلفة. ممكن تكون بمرة من المرات غركت بالمي الا شوية، او شخص تعرفه غرك... بالتالي صرت تخاف من السباحة وما الى ذلك

حيدر عنده خبرة بالغرق سألوه اذا يعجبكم :")

ماخاف من المي، المي يخاف مني

نسيت هاي🌚💔