البايسكل اخترعوه سنة 1885

الناس سنة 1884:

ياريت صاحب المسج يدزلي
@da_luz2

مَاذَا لَقِيتُ مِنَ الدُّنْيَا وَأَعْجَبُهُ
أَنِّي بِمَا أَنَا بَاكٍ مِنْهُ مَحْسُود

— أبو الطيب المتنبي

سيرة حياة الطبيب العراقي
خل نبدي القصة من النص، شوف خالي:
انت تتخرج من الطبية عمرك 24 (بافتراض أنك ما متأخر ولا سنة). طول هالفترة انت تقريبًا معتمد على أهلك كليًا لأن بالكاد عندك وقت وطاقة حتى تسوي شي ثاني.

ورة التخرج تكعد فد سنة ونص، وعمرك صار فوك الـ 25 سنة. بهاي السنة ونص اللي انت كاعد بيها رح تدور شغل لأن تحتاج تكوّن نفسك وتشتري سيارة وتتزوج، وعيب عمرك 25 وبعدك معتمد على أهلك، فمنطقيًا رح تدور شغل باختصاصك وتروح للمستشفيات الأهلية وتكتشف محد يشغلك اذا ما عندك واسطة قوية، مو بس «فلان يسلم عليك». الصيدليات والمندبة ممنوع تشتغل بيها، وأصلًا عليها لود قوي لأن الصيادلة وضعهم اسوأ منك وقسم صارلهم 3 سنين بلا تعيين. هنا تبدي تدور شغل ماله علاقة باختصاصك وتنصدم بشغلتين:

أول شي، عمرك 25 سنة كضيتها كلها دراسة وشگال فلان مرض وشحجى فلان دوة، فتدرك أنّ غالبًا ما عندك أي مهارة خارج الطب، وما تسوة تكضي أشهر لو سنة تتعلم مهنة جديدة وتعوفها ورة سنة لو سنتين لما تتعين، فلا حظت برجيلها ولا سيد علي.
ثاني شي، مجرد أنّ عندك شهادة "طبية" رح يخلي هواي أرباب عمل يرفضون يشغلوك حتى لو انت رايد الشغل ولأسباب طويلة مختصرها «هالشغلة ما ترهم لطبيب»... فترجع للمربع الأول وتبقى تدور شغل و "لفّي بينا يدنيا"

بعض الأطباء المتخرجين يدبرون شغل بمستشفى أهلية أو بأي قطاع ثاني عالواسطة والمعارف والأهل، وبعضهم عدهم الإمكانية المادية حتى يكعدون هالسنة وسنتين ويرتاحون ويسوون اللي فاتهم بسنين الدراسة. وبعضهم (واعتقد همة الأكثرية) ما عدهم لا الواسطات ولا الإمكانية فيضطرون يدورون شغل بأي مكان حتى لو الأجر قليل والساعات طويلة بس حتى يدبرون العيشة، ويظلون يسمعون نفس الربابة مال «غير بلد سيء، اذا انت طبيب وكاعد تشتغل هيج شغلة». صحيح غالبًا المتكلم ما يقصد الانتقاص من الطبيب بل يذكر وضع البلد السيء، بس بالنهاية رح تضطر تسمعها لحدما تكفر بعيشتك واليوم الدخلت بيه طب.

«واجب إنساني» وهالسوالف
لهذا من تشوف طبيب صارله 4 أشهر يعالج مرضى ويكتب شهادات وفاة ومشاهدات حوادث وعركات بالمستشفى وكلهن هو يتحمل مسؤوليتهن وفصولهن ومجالسهن التحقيقية، ويوعدوه بـ 352 ألف بالشهر ما تكفي الجكاير (أكيد يدخن على هالوضع)، ولا فلوس الكية والتكسي والبانزين اللي ديجي بيهن للمستشفى... وحتى هاي مستكثريها عليه وما ينطوها، هنا انتهى الواجب الإنساني تجاه المريض اللي أداه على أتم وجه لمدة 120 يوم بدون ما يحجي حرف، واليوم صار الواجب الإنساني هو واجب المواطن والحكومة تجاه الطبيب، اللي مهما ردت تحجي عليه وتشتكي منه، بس بدونه ما عندك حتى طوارئ تروحلها وراح تظل تحت رحمة هذا وذاك.

البيان الرسمي لاطباء دفعة 25 ❤️‍🔥

يكلك تعال عقد وراتبك 600
خوية هو العقد من جان 350 ما تنطوه

+ هو لو يريد يشغل دفعة 25 من صدك، ما يشمل بس الرصافة وكركوك وعايف البقية، وبدون آلية تقديم فوكاها

بس يريدها جرة اذن عود