.

«وَاللَّهُ خَلَقَكُمْ ثُمَّ يَتَوَفَّاكُمْ وَمِنكُم مَّن يُرَدُّ إِلَىٰ أَرْذَلِ الْعُمُرِ لِكَيْ لَا يَعْلَمَ بَعْدَ عِلْمٍ شَيْئًا إِنَّ اللَّهَ عَلِيمٌ قَدِيرٌ»

[سورة النحل]

«وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا • وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا»

[سورة الإسراء]

ومَن لا يُعتَبَط يَسأَم ويَهرَم
وتُسْلِمُه المَنونُ إلى انقطاعِ

وما للمَرءِ خَيرٌ فِي حَياةٍ
إذا ما عُدَّ مِن سَقَطِ المَتاعِ

هي وسيلة دفاع نفسية defense mechanism. لما يواجه الشخص مشاكل بحياته ويجد صعوبة بالتعامل وياها، عقله غير الواعي ممكن "يرجع" أو "يَنكُص" لمرحلة عمرية أصغر من اللي هو بيها. هاي الحالة ممكن تشوفها بكل الأعمار من الطفولة للمشيب: مثلًا لما امرأة عجوز تنصدم بمرض جسدي شديد أو بوفاة شخص قريب جدًا عليها، فممكن يصير إرتداد أو "نكوص" لفترة الطفولة، بحيث تلكاها تبجي على أقل نقاش، أو تبدي تعتمد على الآخرين بكل احتياجاتها اليومية حتى لو هي جسديًا قادرة على فعلها. أو لما طفل عمره 7 سنوات يعاني من مشاكل بالبيت، وفجأة يبدي يتبول لاإراديًا بالليل أو يرجع يتعلق بلعبة أو دب هو المفروض ما مهتم بيه بهذا العمر.

النكوص ممكن تشوفه هواي بالكبار بالعمر خاصةً بالمستشفيات لما يُصابون هم أو أزواجهم بمرض جسدي. بهيج حالات ممكن خوفهم من الموت أو الانفصال عمّن يحبون (بالموت) يخلي الواحد منهم بشكل غير واعي "يتقهقر" ويتراجع لحالة أكثر طفولية، ومرات حتى يُشخّص خطأً بمشاكل عصبية مثل الخرف والزهايمر ومرض باركنسون. رغم أنه سليم جسديًا من كل هالأمراض، بس مشكلته النفسية تجعله معتمد تمامًا على الآخرين (بالضبط مثل طفل) وممكن يكون "عمليًا" كأنه مُقعَد أو ضعيف العقل.

أما العلاج، فالصراحة ما تعمقت بالموضوع، لكن حسبما شفت فالعلاج الدوائي مو كلش فعال، والعلاج النفسي هم مو كلش فعال، وما تكدر تكول للمريض: "هاي مشكلة نفسية، جسديًا انت ما بيك شي، يلا كوم امشي" لأن كلش متوقع أنه يعاندك بكل بساطة ويتمسك بمرضه أكثر. بالـ case study اللي قريتها، فالمرضى ثلاثتهم صاروا functionally disabled كأنما مُصابين بالخرف. يعني الـ prognosis باختصار هو: «واخفض لهما جناحَ الذلّ من الرحمةِ» لحد ما الله ياخذ أمانته.

أما ترجمة كلمة regression فحسبما شفت "نكوص" هو الترجمة الشائعة، اللي هي بمعنى التراجع، وممكن تجي بمعنى الرجوع للوراء.

الترجمة الأفضل برأيي المتواضع هي "الرِّدّة" وممكن "الارتداد" أو "التقهقر" وكلهن بمعنى الرجوع للوراء (تتراجع خطوة، حرفيًا ومجازيًا). بس المشكلة بالردّة هي أنّ أغلب الناس رح تفكر بالردّة من الإسلام...

بطفولتي جنت أحب أجمّع أشياء عشوائية تثير فضولي وتعجبني لسببٍ ما. جانت عندي خزنة صغيرة، لونها أحمر وبيها رمز سري، تذكرني بلوكرات المدارس الأمريكية اللي جنت أشوفها بالأفلام، جنت أضم بيها أشياء عشوائية: عملات معدنية، أصداف (ونجمة بحر)، مغانط بأشكال مختلفة، ألعاب صغيرة ألكاهن ببيضة كندر، أوراق اني كاتب عليهن، خرائط راسمهن لعوالم خيالية، درنفيس يفتح براغي النوكيا (لتسأل ليش)، أوراق يوغي يو، وعلبة علج تنتل إذا تلزمها...

A diary of curiosities
أحب أفترض أنّ 0/0 هي امتداد لهاي الخزنة الحمرة. القناة بالنسبة إلي مثل مذكرات، أو متحف، أو غرفة عجائب (Wunderkammer) أضم بيها الأشياء اللي تعجبني وتصدمني والجمال اللي أحس لازم أشاركه وية الآخرين. الدافع إلها هو أقرب للدافع اللي يجيك لما تريد تشارك فرحتك أو عَجَبَك أو مرات حتى غضبك وية الآخرين.

هدفي من القناة هو، ببساطة، مشاركة المتعة والفضول والغرابة والصدمة والسخرية اللي تصادفني لما أقرة أو أكتب أو أفكر بشي معين. القناة لَم توجَد لنشر العِلم والثقافة أو زيادة الوعي بهذا الموضوع أو ذاك، على الأقل مو بهالشكل العشوائي، لأن حتى لو بسّطت المعرفة بأكبر قدر ولخصتها بأقصر شكل، فإنت ما تكدر تعلّم شخص ماله خلك يتعّب روحه.

ولهذا أيضًا، هواي أشياء مانشرها بـ 0/0 بس أنشرها بقناة خاصة هي "أحلام العصر" سويتها لأن هالأشياء لو مثيرة للجدل لو ممكن تنفهم غلط، واني مالي خلك أدوخ روحي بسوء فهم ونقاشات عقيمة.

آخر شي، رح أنشر رابط أحلام العصر لأي شخص يحب يدخل. رح تلكون بيها محتوى الـ 3 سنين السابقة بالإضافة لمحتوى جديد؛ كلشي ماكدر/ماريد أنشره بـ 0/0 أو جنت أنشره بـ 0/0 بشكل مختصر بدون التفاصيل. أضِف إلى هذا، القناة ما رح تكون من جانب واحد (جانبي اني) بحيث اني أنشر كلشي وانتوا فقط تقرون، رح يكون أكو community خاص بالقناة، التعليقات والرياكشنات مفتوحة، ومربوط بيها كروب تكدرون تتناقشون بيه سواءً بالمواضيع اللي تُنشَر أو بمواضيع ثانية من اختياركم، واني هم رح أشارك بهاي النقاشات. تكدرون تقترحون مواضيع نسولف بيها، واسئلة نحاول نجاوبها.

الـ community ونقاشاته رح تكون بعيدة عن التفاهة، وهدفها مو إقناع الآخرين بأفكارك وإيديولوجيتك بقدر ما أنك تفهم الآخر (حتى وإن اختلفت وياه) وتحاول تتعلم من الآخرين أشياء ما جنت تعرفها.

القناة رح تكون باشتراك شهري، رمزي، حتى ما يدخلها إلا اللي صدك إلة واهس. إذا أخليها عامة فما رح تفرق عن 0/0 أصلًا.

https://docs.google.com/forms/d/e/1FAIpQLSeJmG047dZTKafBX9hNbOV-WLBZktFBZc9bnwWT3MVDri42Zg/viewform?usp=dialog
الاستبيان يهدف إلى تقييم وعي المستهلكين وتفضيلاتهم ومواقفهم تجاه مكونات مقاومة الشيخوخة المبنية على الدليل العلمي مثل الريتينويدات، مضادات الأكسدة، والببتيدات.

اصدقائي هذا الاستبيان  لشخص عزيز عدنا جداً ويحتاج عدد من المشاركات اتمنى مساهمتكم بالموضوع
بس ملاحظة الاستبيان موجه للأفراد  الغير منتمين للمجال الطبي
ونحتاج عدد كبير بفتره قصيرة جداً
فاتمنى مساعدتكم

Vanity (n.)
Inflated pride in oneself or one's appearance; self-idolatry. It's a species of pride; the mother of all deadly sins. It was through pride and vanity that Lucifer became the devil.

Self-idolatry (n.)
It's the implicit worship of the self. St. Augustine of Hippo describes it as the love of self even to the contempt of God «amor sui usque ad contemptum Dei». Self-idolatry is pride turned religion; the ego inflated bigger than the world; worship turned inward.

أَفَرَأَيْتَ مَنِ اتَّخَذَ إِلَٰهَهُ هَوَاهُ

[سورة الجاثية]

عن رسول الله (ص): «لا كَبيرَةَ مع استِغفار، ولا صَغيرَةَ مع إصرار»

.

Fool's cap map of the world,
From the 16th century by an unknown artist

At the top of the jester's staff it's written: "Vanitas vanitatum et omnia vanitas" (Vanity of vanities, all is vanity), from Ecclesiastes 1:2. Below the map is a text taken from Ecclesiastes 1:15: "Stultorum infinitus est numerus" (The number of fools is infinite).