In psychology, there's something called the broken-leg problem. A statistical formula may be highly successful in predicting whether or not a person will go to a movie in the next week. But someone who knows that this person is laid up with a broken leg will beat the formula. No formula can take into account the infinite range of such exceptional events.

— Atul Gawande

تخيل لو تصنع معادلة، أو تكتب برنامج على كمبيوتر خارق ما عنده غير هدف واحد: يتوقع شكد إحتمالية أنّ "فلان" رح يروح للسينما الاسبوع الجاي. حتى تخلّي توقعك صحيح قدر الإمكان، رح تجمع أكبر قدر من المعلومات عن الشخص هذا: مكان سكنه (ومدى قُربه من السينما)، راتبه، عنده سيارة لو لا، تفضيله للأفلام، شوكت يعطل وشوكت يداوم... الخ. وبالنهاية تطلع بنسبة معينة، مثلًا 93% أنّ فلان رح يروح للسينما الاسبوع الجاي. بس لما يجي الاسبوع الجاي، فلان ما يروح للسينما ويكسر كل توقعاتك... ليش؟ لأن رجله مكسورة.

هاي يسموها "مشكلة الرجل المكسورة" بعلم النفس. فكرتها ببساطة أنّ انت ممكن تجمع كومة معلومات وتوصل لتوقعات دقيقة كلش عن شي معين، بس بالنهاية ممكن تبقى معلومة وحدة صغيرة انت ما تعرفها (مثل أنّ رجله مكسورة) هي أهم من كلشي ثاني، وبالنتيجة رح تخرب كل توقعاتك.

العلاقات البشرية تتضمن نفس المشكلة عادةً. انت ممكن تعرف كلش هواي عن المقابل (من لونه المفضّل لحد ذكريات طفولته) بس قد تبقى معلومة وحدة صغيرة، سر صغير مدفون، أو صفة مستورة وما لاحظتها قبل ممكن تغيّر تصوّرك (وبالنتيجة توقعاتك) تجاه المقابل تمامًا.

هالمسألة قد يمكن تجاوزها من خلال التركيز على صفات وشخصية المقابل أكثر من التركيز على حوادث حياته الشخصية. تكدر تكتشف طبيعة الإنسان وتتوقعه بشكل كبير من خلال تعامله وية الغير سواءً وية عائلته وأصدقاءه أو بالشارع أو بالعمل أو بأماكن الدراسة أكثر بهواي مما لو تراقب تعامله وياك لأن ممكن يكون مزيف بهذا التعامل. مثلما يكول فد بوست بالإنستا:
I never trust a person who's nice to me but rude to the waiter.

Love brings to light the noble and hidden qualities of a lover—his rare and exceptional traits: it is thus liable to be deceptive as to his normal character.

— Why I write such excellent books, Friedrich Nietzsche

.

*Bot*

"Man erblickt nur, was man schon weiss und versteht"

اليوم الدكتور كال شغلة مشابهة كلش:
أنّ أساس دراستك العملية هو النظري، لأن انت ما رح تشوف إلا اللي تعرفه

.

هاي بروتينات كلش مهمة تفرزها الخلايا الجنينية لأنها هي المسؤولة عن تحديد الشكل العام للجسم (مثل أنّ عندك عيون 2 وإيدين 2 و midline structures وغيرها). سمّوها بإسم القنفذ hedgehog لأن شافوا أنّ لما يتعطل هذا الجين ببيوض الذباب رح تتحول إلى شكل يشبه القنفذ.

من تصير بيهن مشكلة لأي سبب كان رح يسببن تشوهات خَلقية تتراوح بين البسيطة نسبيًا مثل شفة الأرنب cleft lip & palate إلى تشوهات غريبة كلش مثل الأجنة اللي عدهم عين وحدة بس بنص وجههم cyclopia. الميكانزم اللي يشتغل بيها الـ hedgehog pathway كلش حلوة. أكو فيديو لـ Osmosis شارحيها بطريقة لطيفة تكدرون تشوفوه.
بالمناسبة هذا الـ pathway يستمر لحد البلوغ بشكلٍ أو بآخر ولما تصير بيه مشكلة ممكن يتسبب بأنواع مختلفة من السرطانات. لهذا بدأوا العلماء بتطوير أدوية تستهدفه. حاليًا أكو دوائين منهن مُرخَّصات من الـ FDA لعلاج نوع من سرطان الجلد BCC.

البشر عدهم 3 بروتينات بهذا الـ pathway ينتجها الـ notochord بالجنين، أسماءهن هنّ:

• Sonic hedgehog (Shh) protein
• Indian hedgehog(Ihh) protein
• Desert hedgehog (Dhh) protein

علماء البايولوجي هم طلعوا يعرفون يحششون

Mazzini’s farewell words were very touching. He asked me where we were going. I replied, “For Lugano, which from all accounts is a sort of Paradise.” He smiled, sighed a little and said, “For youth, Paradise is everywhere.”

- I Am Dynamite, A Life Of Friedrich Nietzsche