Bot:
عزيزي..
المقصد تأثير نفسي على المريض من قِبل الطبيب، فالصمت طوال مدة الفحص والتشخيص وتحديد طريقة العلاج يؤثر على أريحية المريض
لازم الحديث ما يتوقف بينهم حتى المريض يشارك كل الأعراض اللي عنده ، لأن  الموضوع ممكن يأثر عالتشخيص الصحيح للحالة
وهالشي واضح أكثر عالأطفال خلال زيارة الأطباء، الفضول والخوف من السؤال ممكن يكرههم بالزيارة، بس التودد للطفل رح يخلي يسأل عن اللي جاي يصير فيقل خوفه ويزداد فضوله
وتخيل طفل رايح لفحص أسنانه، شكد حلو لو يراويه الطبيب الادوات وشلون رح يستعملها بالفحص أو العلاج، هالشي أحسن مما يبقى الطفل خايف من الخطوة اللي رح يسويها الطبيب بالأداة اللي تأذيه

(وبرأيي ماكو هواي فرق بين الطفل والبالغ  من هالناحية)

I can relate
بسشن الأطفال جنت افحص صدرهم بالسماعات (حتى لو اني أريد افحص بطن الطفل بالأصل)، جانوا يهدأون لسببٍ ما😂

ثروباك لـ "شاكيرا" قبل ٢٢ سنة باليابان مصدومة أن أكو موبايل بي كاميرا ودتگول الحمدلله هالشي مموجود بأمريكا ما أتخيل الباباراتزي كلهم وياهم هالشي وصديقتها دتگللها هذا خطير جداً😂😭

"Love is Blue"

ابن سينا طرح هذا الرأي حتى يحل مشكلة الخير والشر اللي جانت شاغلة المفكرين بوقتها
وكتب الشهرستاني شي طريف بهذا الخصوص، خلاصتها أن إبليس احتج على ربه وسأله: إنك يا رب تعلم الذي سيصدر عني فلماذا خلقتني وسلطتني على عبادك ثم أخّرت أجلي إلى يوم يبعثون؟ فكان جواب الرب على هذه الأسئلة المحرجة: لو كنت يا إبليس صادقا مخلصا في الاعتقاد بأني إلهك وإله الخلق ما احتكمت عليّ بكلمة لماذا؟ فأنا الله لا إله إلا أنا، غير مسؤول عما أفعل، والخلق كلهم مسؤولون.

للدقة، ما جانت معضلة الخير والشر شاغلة المفكّرين بوقتها، لأن القرآن بصريح العبارة كال: وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ»، وكال بسورة الفلق: «قُلْ أَعُوذُ بِرَبِّ الْفَلَقِ • مِن شَرِّ مَا خَلَق». الإله بالإسلام يعمل "ما وراء الخير والشر" مو مثل الإله المسيحي اللي هو كلي الخير ولهذا تلكاهم حايرين بمعضلة الشر.

اللي جان محيّر الفلاسفة والمتكلمين الإسلاميين هو "معضلة الظلم" اللي تُصاغ بطريقة مثل: إذا الله خلقني ويعرف اني رح أعصيه، معناها خلقني حتى يعاقبني، معناها الله ظالم، وهالشي ينفي صفة العدل.

شهادة لله إبن سينا شوية (هواي) يمسلت بالإلهيات، ومو بس هو... المتكلمين عمومًا (اللي تأثروا بالفلسفة الأرسطية)

«وَهَدَيْنَاهُ النَّجْدَيْنِ»

بالمناسبة مو بس ابن سينا دخّل روحه بهاي المعمعة. الأشعرية وغيرهم، هم دخلوا روحهم بهالسوالف وطلعوا بنتائج ما أنزل الله بها من سلطان

Bot:
معرفة الله بمصائرنا ماتعني تدخله بقراراتنا الي راح نأخذها وقرار طاعته او معصيته راجع للانسان نفسه فالله يحاسب عالتخيير مو عالتسيير

حرية الإرادة هم موضوع صايرة بيه عركات طويلة واصلة لمرحلة نفي الفاعلية عمّا عدا الله (يعني انت حتى لما تسوي شي، فإنت دتسويه بإرادة الله مو بإرادتك)... وهكذا

تحشيش فلسفي وعلي

سُئِلَ علي بن الحسين (ع) عَن التوحيد، فقال: إنّ اللهَ عز وجل عَلِم أنّه سيكون في آخرِ الزمانِ أقوامٌ متعمِّقون فأنزلَ اللهُ تعالى: «قُلۡ هُوَ ٱللَّهُ أَحَدٌ» والآياتِ مِن سورةِ الحديد إلى قولِه «وَهُوَ عَلِيمٌ بِذَاتِ الصُّدُورِ» فَمَن رامَ وراءَ ذلِكَ فَقَد هَلك.

«سَبَّحَ لِلَّهِ مَا فِي السَّمَاوَاتِ وَالأَرْضِ وَهُوَ الْعَزِيزُ الْحَكِيمُ • لَهُ مُلْكُ السَّمَاوَاتِ وَالأَرْضِ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ • هُوَ الأَوَّلُ وَالآخِرُ وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيمٌ • هُوَ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يَعْلَمُ مَا يَلِجُ فِي الأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاء وَمَا يَعْرُجُ فِيهَا وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصِيرٌ • لَهُ مُلْكُ السَّمَاوَاتِ وَالأَرْضِ وَإِلَى اللَّهِ تُرْجَعُ الأُمُورُ • يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَهُوَ عَلِيمٌ بِذَاتِ الصُّدُورِ»

بما أنه دنسولف على تحشيشات الفلاسفة وشطحاتهم:

باختصار:
إيمانويل كانت جان خايف على الله والدين والأخلاق من الـ speculative reason، اللي هو الخريط المنطقي مال الفلاسفة، اللي خيرُ مثالٍ على ذلك هو عركات الفلسفة الإسلامية اللي لا تقدم ولا تؤخر، بس صارت عليها هوسة ومذابح حرفيًا.

المهم، كانت شسوة؟ قسّم العالَم قسمين: عالَم الظواهر phenomenal world وعالَم الجوهر أو العالَم الحقيقي nuomenal world. ليش؟ حتى يوصل لاستنتاج بسيط هو أنّ العقل البشري قادر فقط على الإحساس بالظواهر وفهمها، بدون القدرة على الوصول لعالَم الجوهر. زين ليش هالدوخة؟ باختصار حتى يكلك أنّ سوالف مثل الله والأخلاق لا تنتمي لعالَم الظواهر بل لعالَم الجوهر اللي لو يجي ربك ما توصله... منو لعد يكدر يوصله؟ بس الله (مال المسيحية) يكدر يوصله، لأنه هو «العقلُ في علياء عرشِه» ومن خلال الوحي مالته فقط يلا نكدر نتوصل لهالسوالف. باختصار: هو تخلّى عن المعرفة* من أجل الإيمان.

*للتوضيح، هو يكول أنّ احنة عدنا معرفة، ومفيدة هم. بس هالمعرفة محصورة فقط بظواهر الأشياء. أما معرفتنا بجوهر وذات الأشياء، أو بالواقِع الحق، هاي المعرفة الحقيقية هي القربان اللي تخلّى عنه كانت من أجل الإيمان.

بالنسبة لكانت، العقل لا يكدر يثبت وجود الله ولا حتى ينفيه. بهذا، وفقًا لكانت، فهو حيّد النزعة العقلانية من خطورتها (ومن فائدتها)

Bot:
إرادة الله تتجلى بالتحليل والتحريم والاثابة والعقاب حسب الالتزام والترك لهالافعال
اما فعلها من عدمه فهو راجع للانسان نفسه
فالانسان هو حر بالفعل او الترك اما العواقب فهي نتاج لاختياره