الأميركان دعموا المجاهدين الأفغان من سنة 1979 أعتقد لحد 1992، بعملية سموها Operation Cyclone. الفكرة جانت لإضعاف تأثير الروس السوفييت بوسط آسيا.

على ذكر العمليات الأميركية، جانت عدهم عملية ثانية بالتعاون وية بريطانيا سموها operation Ajax سقّطوا بيها رئيس إيران (محمد مصدق) بسنة 1953 وزادوا من نفوذ الشاه المدعوم غربيًا.

ما عدا سوالفهم بأميركا الجنوبية: مسويها مثل قطعة الأرض الفارغة اللي بصف بيتكم (هي مو مالتك، بس انت معتبرها كأنما مالتك)

وعندك Operation timber sycamore
هاي إدارة أوباما دعمت بيها الثوار السوريين بالسلاح والتدريب. بالغلط، السلاح انتشر بالأسواق السوداء مال الشرق الأوسط وسبحان الله وصل لداعش وجماعتهم. بعدين إدارة ترامب لغت العملية ورة ما خسروا كومة فلوس.

المكملات الغذائية بيهن مشكلتين:
الأولى هي أنّه ما عدنا أي دليل محترَم على أنّ المكملات الغذائية يفيدن الأفراد الأصحاء. أصلًا عدنا بعض الأدلة على أنّهن يضرّن الفرد بعد الإستخدام المطوّل. الفكرة هي أنّه ما دام الأكل مالتك طبيعي وما عندك نقص بعنصر غذائي (هالشي تكتشفه بتحليل بالمختبر، مو لأن تحس روحك تعبان ف تستنتج عندك فقر دم)، معناها ما رح تحتاج أي مكمل غذائي.

المشكلة الثانية تتعلق بالـ multi-vitamins: لما تحط مجموعة مواد بحبة وحدة وتبلعهن، هاي المواد رح يلغن أو يقللن إمتصاص بعض بالجهاز الهضمي؛ الكالسيوم والحديد مثلًا يقللون إمتصاص بعض (الكالسيوم يقلل امتصاص هواي معادن ثانية)، فيتامين C وفيتامين B12 عدهم نفس السالفة، حامض الفوليك إذا تاخذه وحده ممكن يخفي أعراض نقص فيتامين B12 ويزيد المشكلة سوءًا... الخ

الفيتامينات مو علاج سحري ولا مواد "طبيعية" ما بيهن أي ضرر؛ حالهن حال أي مادة ثانية نحتاجها، زيادتها، مثل نقصانها، رح تطيح حظنا. ما دام دتاكل أكل طبيعي (مو vegan) وما عندك نقص مُثبَت بتحليل مختبري أو على الأقل بتشخيص الطبيب، فإنت ما تحتاج أي مكمل غذائي.

• زيادة الكالسيوم (وفيتامين D) رح تطيح حظ قلبك وجهازك العصبي وتقريبًا كلشي.
• زيادة فيتامين A تسببلك تسمم وزيادة بالكالسيوم، والباقي تعرفه.
• اذا انتي حامل وتاخذين فيتامين A، ما رح يصير بيج شي، بس الجنين المسكين رح يطيح حظه.
• أكو بعض الأدلة على أنّ زيادة فيتامين E ممكن تساهم بالإصابة بسرطان الرئة عند المدخنين.
• زيادة الحديد ممكن تسببلك hemochromatosis ومشاكل بالكبد والقلب والهرمونات.

زين ليش بعدنا ناخذ أشياء ما تفيدنا/ممكن تضرنا؟

لأن المريض يتصوّر اليوم أنّ أكو حبة (أو أُبرة) لعلاج كلشي والوقاية من كلشي؛ إذا انت طبيب ويجيك مريض وتكله "حالتك بسيطة، يومين وتصير زين بدون علاج" رح يعتبرك طبيب سيء لأن ما انطيته "علاج." لهذا من تصير بيه انفلونزا يحس أنه واجبه الوطني ياخذ (كبسول مال التهابات)، رغم أنه ما يفيده أصلًا.
أضِف إلى هذا، أنْ تاخذ حبة باليوم أسهل بهواي من أنْ تعدل نظامك الغذائي أو تلعب رياضة أو تكطع التدخين والشرب.
والسبب الأخير هو عمليات التسويق والمندبة اللي تسويها شركات الأدوية وتروّج لهاي المنتجات على أنّها حل سحري لكل مشاكلك.

مثال بسيط على هالموضوع هو بزمن كورونا: الكل صارت تشتري مكملات زنك وفيتامين سي، رغم أنهن ثنينهن ما إلهن أي تأثير على المرض ولا على الوقاية منه. الفرد العادي جان خايف ويريد يتمسك بأي أمل زائف بالوقاية، وطلعلنا كم واحد يسمي روحه طبيب لو خبير غذائي/صحي يروج لهاي المكملات، والشركات إستفادت براسهم كلهم.

بس تبقى بعض الحالات اللي تفيد بيها المكملات الغذائية من صدك:
• إذا الطبيب بنفسه شخّصك بأنه عندك نقص بمادة معينة.
• النساء قبل وأثناء الحمل ننطيهم حامض الفوليك لأنه يقلل التشوهات الخَلقية (وننطيهن مكملات حديد لأن غالبًا عدهن فقر دم).
• نقص فيتامين D منتشر خاصةً بين النساء، بس ما تكدر تاخذ مكملات بكيفك إلا ورة ما تسوي تحليل. زيادة فيتامين D تطيح حظك بكد نقصانه.

Nearly 50% of the men and women 50 years of age or older regularly use multivitamin/mineral supplements, making the annual sales of these supplements over 11 billion dollars.

In the United States, unlike the case for drugs, human research is not required to prove that supplements are safe or effective. Only if the (FDA) finds that supplements are unsafe, can they stop the distribution of the products.

الألم الجسدي هو عبارة عن شعور معقد تشترك بيه كلش هواي أجزاء من الجهاز العصبي:
لما تنضرب على ايدك مثلًا، مستشعرات الألم nociceptors رح يتفعلن ويرسلن إشارة عبر ألياف عصبية سريعة التوصيل، إسمها Aδ للحبل الشوكي، ومناك للدماغ. هالشي رح يخليك تحس بشي يسموه first pain اللي هو الألم الحاد اللي يجيك ببداية الإصابة. وراها، أكو ألياف عصبية ثانية هي C fibers، يكونن أبطأ من Aδ، همين رح ينقلن الإشارة للدماغ، بس لأنهن أبطأ فرح يوصلن متأخر للدماغ ويكونن مسؤولات عن الشعور بالـ second pain اللي هو الألم اللي يجي بعد دقائق من الإصابة، يكون غير واضح الحدود على الجلد وأقل حدة من الألم الأول.

مع ذلك، الألم مو مجرد إشارة عصبية تنقلها الأعصاب ببساطة للدماغ وهاهية. هو عبارة عن إشارة عصبية يتم تعديلها وتفسيرها وتحويرها عدة مرات أثناء ما تصعد بالحبل الشوكي وبالدماغ.

Types of nociceptors (pain receptors):

• Thermoreceptors (detect noxious heat/cold).
• Mechanoreceptors (detect noxious pressure, shearing, and mechanical forces in general).
• Polymodal receptors (detect both temperature and mechanical force).

Why peppers burn, and menthol freezes?

نسيت شغلة مهمة:
أكو sodium ion channel كلش مهمة بنقل الإشارة العصبية يسموها NaV1.7. الجين مالتها ممكن يتعطل فتختفي هاي الـ channel تمامًا. بهيج حالة، المريض ما رح يحس بأي ألم نهائيًا، رغم أنّ باقي أحاسيسه رح تكون طبيعية. المرض يسموه congenital insensitivity to pain. هالشي كلش سيء لأن ممكن يأذي نفسه بدون ما ينتبه أصلًا (بوحدة من الحالات، طفل مصاب بالمرض عض لسانه وكعد يمضغ بيه بدون ما ينتبه أنه لسانه). حلقة 14 موسم 3 من House MD تطلع بيها هيج حالة.

بالمقابل ممكن تصير طفرة ثانية بالجين بحيث شغله يتغير والمريض يُصاب بمرض إسمه:
Paroxysmal extreme pain disorder
يكون عكس الحالة السابقة: هنا المريض رح تجيه نوبات ألم كلش قوية بدون إصابة سابقة أو مسبّب.