Bot:
Then are we animals!?🐜

We are animals that try to believe they're not

George Carlin once said:

We're semi-civilised beasts with baseball caps & automatic weapons

نحن وحوش شبه-متحضّرة بقبعات رياضية وأسلحة آلية

الكاهن الأعظم (المفتش الكبير)

هو فصل من فصول رواية "الإخوة كارامازوف". بهذا الفصل، يقص ايفان المُلحد قصة اسمها (المفتش الكبير) على أخوه الأصغر، الراهب أليوشا.

القصة تجري أحداثها بمدينة أشبيلية الإسبانية بالقرن ال15، في ذروة محاكم التفتيش المسيحية اللي جانوا يقتلون بيها الكفّار والمسلمين والساحرات. بأثناء ما الكنيسة جانت تقتل المئات من الكفار وتصلبهم على الخازوق، يسوع المسيح يقرر ينزل للأرض ويتمشى بمدينة أشبيلية. الناس عرفوه بمجرد أن وقعت عيونهم عليه وانجذبوا لسِحره ومظهره الإلهي. وما هي إلا دقائق ويسوع بدة يجترح المعجزات. شفى الأعمى وأحيا الميت والناس تجمهرت حوله بهستيريا جماعية وكلهم يطلبون بركاته ومغفرته ومعجزاته.

أمّا الكاهن الأعظم، المفتش الكبير المسؤول عن محاكم التفتيش، لما يعرف بنزول يسوع للأرض، يشق طريقه بسرعة من بين الجموع المؤمنة والذائبة بحب مخلّصهم. ولمّا يوصل ليسوع، فجأة يطلب من الرهبان اللي وياه أن يكبّلون المخلص ويقتادوه لغرفة صغيرة مظلمة للإستجواب!

الحوار اللي دار بعدها بين يسوع والمفتش الكبير (واللي هو عبارة عن خطبة طويلة القاها المفتش، لأن يسوع ما نطق بحرف واحد طول القصة، عدا حركة درامية وحدة وعظيمة بالنهاية) جان واحد من أعظم الحوارات بالرواية وبالأدب العالمي. جان حوار فلسفي وديني وأخلاقي من مستوى عالي. وبنفس الوقت جان الجدال يدور بين ايفان (الملحد) وأليوشا (الراهب) حول القصة وحول الايمان الشخصي لكل واحد منهم.

النتيجة جانت وحدة من تحف دوستويفسكي لما يشمرلك فكرتين متعاكسات بمكان واحد ويتركهم يوصلون لنتائجهم المنطقية. بس مع ذلك هو أذكى من أن يبيّن منو اللي انتصر بالنهاية... اليوشا لو ايفان؟ يسوع لو المفتش الكبير؟... وهنا بالضبط تكمن عظمة هالكاتب

ما رح اسولف شصار بالحوار، روحوا اقروه انتوا... تكدرون تقرون الفصل (الجزء الثاني/ص185-218) بدون ما يأثر كلش أو يحرگ باقي القصة.

For never was there anything more unbearable to the human race than personal freedom!

لأنّ لا شيء أكثرُ من الحريّةِ ثُقلًا على كاهلِ البشرية

Man is born a rebel, and can rebels be ever happy?

وُلِدَ الإنسانُ متمردًا، فهل يُمكن للمتمَرِّد أنْ يكونَ يومًا سعيدًا؟

بعد اكو كومة كلمات عظيمة لكيتها بالفصل هذا... بس ما رح انشرها مرة وحدة لأن كل وحدة تستحق على الأقل تفكير يوم كامل.