مدينة أثينا اليونانية بالقرن الرابع قبل الميلاد جانت تضم حدائق عامة اسمها gymnasium. هاي الحدائق جان يجتمع بيها شباب أثينا وكبارها حتى يمارسون الرياضة ويتعلمون المصارعة والموسيقى وعلوم اللغة، وبنفس الوقت، جان يجتمع بيها الفلاسفة حتى يلقون محاضراتهم على العامة وعلى الشباب بالأخص.
الحدائق جانت ايضًا تضم أماكن للاغتسال وأحيانًا تضم مكتبات إما داخل الجمناسيوم او بمكان قريب منه. (هالشي يشبه أنّك تروح للجيم وتشوف عدهم مكتبة جبيرة هناك ومكان خاص لتعليم العزف على الكيتار بالإضافة لقاعة يلقون بيها كورسات للغة الانكليزية)

التعليم بالنسبة لسكان أثينا جان يعني تطوير العقل والجسم على حد سواء. أفلاطون، اللي يعتبر أب الحضارة الغربية، جان يحب المصارعة كلش وشارك بعدة مناسبات رياضية، ويُقال أنّه جان رئيس -مدير- الجمناسيوم بمنطقة أكاديميا، وبعدين حوّلها لمدرسته الخاصة اللي سماها "الأكاديمية". حتى سقراط، معلم أفلاطون، جان جندي بحروب أثينا ضد اسبارطة ومن هواة المصارعة.
الإهتمام بالجسد والعقل جان بديهي ومتعارف عليه بالنسبة الهم لدرجة أنّهم ما احتاجوا يكتبون عن أهميته وفوائده إلا القليل. لهذا اللي وصلنا من كتاباتهم القديمة أغلبه بالعلوم والفلسفة والدين، أمّا الرياضة وأهمية تدريب واحترام الجسد، ما كتبوا عنه هواي لأن ما جانوا يعتقدون أنّه رح يجي زمن لازم تنكتب بيه مقالة عن (7 فوائد صحية وعقلية لممارسة الرياضة يوميًا) مثل زمننا الحالي.

على العكس من اليونانيين، احنة كلش متعودين على الفكرة الخاطئة اللي تكول أنّ العقل والجسد كيانين مفصولات عن بعض؛ إذا تريد تقوّي واحد منهم، فلازم يكون هالشيء على حساب الآخر. وكلنا عدنا الصورة الرومانسية (اللي صارت أقوى بسبب الأفلام والروايات) عن الشخص العبقري اللي يدفع ثمن عبقريته على شكل مشاكل جسدية ونفسية مثل شيرلوك هولمز المدمن على التدخين، ستيفن هوكينغ المصاب بالشلل، نيوتن اللي يُقال أنه مصاب بالتوحد، وشوبنهاور صاحب مقولة:
(أن تعيش وحيدًا، هو مصير جميع العقول العظيمة).
الأشخاص اللي يهتمون بجانب واحد من أنفسهم وينسون الباقي، هم اللي وصفهم فريدريك نيتشه بـ"ذوي العاهات المعكوسة" وشبّههم بقزم ذو أذن ضخمة كلش*، كل أعضاءه صارت ضامرة إلا اذنه لأنه يستخدمها أكثر من أي شيء ثاني... نفس الشيء هم الأشخاص اللي يهتمون لعقولهم أو أجسامهم فقط؛ هم ذوي عاهات ضمر كل جزء من ذواتهم إلا الجزء الوحيد اللي يستخدموه.

صار عدنا المعتقد الخاطئ أنّ إهمال الجسد هو مرادف لتطوير العقل، والعكس كذلك. بينما إذا تنتبه للتاريخ رح تشوف الشخصيات العظيمة أغلبها جانت شخصيات طوّرت كل أجزاء ذاتها، من عقل وجسم (وما ننسى، حس الفكاهة)، مثل:
- ريتشارد فاينمان الحائز على نوبل بالفيزياء جان يحب يشرح التفاضل والتكامل بالنوادي الليلية. لما اشترك بمشروع مانهاتن السرّي للقنبلة النووية، جان مكضيها يسوي مقالب بالعاملين هناك.

- أشهر ساموراي بتاريخ اليابان، مياموتو موساشي، بالإضافة لخبرته بالمعارك والقتال بالسيف، جان فيلسوف ومؤلف وترك النا كتاب (The book of the five rings).

- البير كامو، من فلاسفة القرن العشرين، جان مكضيها يلعب طوبة ويطلع بdates وية بنات فرنسا. وبالحرب العالمية الثانية شارك بالمقاومة الفرنسية ضد الألمان.

- بروس لي، بالإضافة لحبه للفنون القتالية، جان يدرس فلسفة بجامعة واشنطن. (أغلب الفنون القتالية إذا مو كلها، تضم جانب فلسفي وعقلي يعتبر أساسي لما الواحد يتعلم هالفن).

*القزم ذو الأذن الضخمة جان يمثّل الحسد

فالجواب هو ببساطة لأن الجسم المثالي بالنسبة لليونانيين جان يدل على عقل وشخصية متكاملين، لهذا حرصوا على تصوير فلاسفتهم وعظماءهم على أنّهم ذوي أجسام مثالية (بالحقيقة اجسامهم ما جانت لهالدرجة مثالية، لكنهم مع ذلك جانوا رشيقين وجسمهم مرتب أكثر منا اليوم)

نسيت هوايات ميشيل فوكو.....

Did I?

يقول الطفل: أنا جسد وروح. فلماذا لا يتكلّم هؤلاء الناس كالأطفال؟
أمّا الإنسان الذي إنتبهَ وأدركَ حقيقته فيقول:
إنني بأسري جسدٌ لا غير، وما الروح إلا كلمةٌ أُطلِقَت لتعيين جُزء من هذا الجسد.

إنّ الجسم المبدع أوجَد العقل لخدمته كساعِدٍ يتحرّك بإرادته

- فريدريك نيتشه، هكذا تكلم زرادشت

قال (ص): حقُّ الوَلَدِ على الوالِد أنْ يُعَلِّمَه الكتابةَ والسباحةَ والرماية

There are two types of people:
the WHY?
And the WHY NOT?

- Ryan Hall's mom

Much more genius is needed to make love than to command armies.

- NINON DE L’ENCLOS

كتاب the mating mind يطرح نظرية تكول أنّ عقولنا زادت بالحجم والتعقيد لأنها تمثل أعضاء مغازلة (مثل ريش الطاووس) وهالشي يفسّر ليش الدماغ البشري جيد جدًا بفعل أشياء هي في ظاهرها غير مهمة للنجاة والتكيّف مع البيئة مثل الغناء، سرد القصص، والرسم (الفن عمومًا). تفسير ثاني مكمّل للأول يكول أنها زادت بالحجم والتعقيد بالتزامن وية زيادة التعقيد بالعلاقات والمجتمعات البشرية. لأن صرنا نحتاج نتذكر تفاصيل أكثر حول حياتنا الإجتماعية وحياة باقي الناس وعلاقاتهم ببعض. وهذا ممكن يفسر ليش إحنة جيدين جدًا بأُمور مثل التواصل واللغة والنميمة ونقل الإشاعات. أضِف إلى هذا، علماء الأحياء جانوا دائمًا يلاحظون أنّ حجم الدماغ بالنسبة لأي نوع من القردة والرئيسيات يتناسب وية حجم وتعقيد المجتمع اللي تعيش بيه هاي القردة والرئيسيات (من ضمنها الإنسان).

يعني باختصار:
الدماغ تطوّر حتى نكدر نرتّب ونستغل علاقاتنا الاجتماعية المعقدة + حتى نجذب شركاء للتزاوج

هالنظرية كلش احبها لأن تكدر تنطي تفسير (وتفسير شاعري) للسبب بنشأة اشياء مثل الفن، الموسيقى، ليش نحب نغتاب الناس، وليش اهتمامنا بالمجتمع وبنظرته النا هو جزء اساسي من طبيعتنا بصفتنا بشر

Art, poetry, and storytelling are the peacock tail and birds' songs of human courtship

https://www.instagram.com/p/COTaiLDn-c0/?igshid=khvnybv77nds
الفديو الثاني شوفوا

"المرءُ يَنسى موتَ أبيه بسهولةٍ أكبر من نسيانه ضياعَ ميراثه"

- نيكولو مكيافيلي، الأمير

بشهر 12 من العام الماضي جان عدد الإصابات اليومي بالهند 30 الف إصابة والوفيات توصل 350 وفاة، وهم جان عدد الإصابات اليومي ببريطانيا بين 30 - 50 ألف والوفيات توصل 400 وفاة

الدولتين بلشوا بحملات التلقيح وحاولوا يلقحون أكبر عدد ممكن من سكانهم وية إجرائات وقائية عامة للحد من الإصابات وكبح الموجة القادمة من الجائحة..

بالهند جان صوت جهل بعض رجال الدين والدجالين ومُنتفعي العلم الزائف عالي، وتم تحريض الناس ضد اللقاح وإنتشر طرح نظرية المؤامرة وتسخيف الفايروس وإستبدال علاجه بسوالف روحانية او عشبية فارغة، وإستمرت الحياة طبيعية وبآخر فترة صارت اكبر مهرجانات وطقوس دينية بالمدن الهندية وحضروها ملايين، وكل واحد بقى يخوط بكيفه لحد ما أغلب الناس رفضت اللقاح وسخفتّه، رغم وجود فئة أقلية راغبة بالتلقيح..

وصلت نسبة التقليح من إجمالي عدد السكان بالهند لحد اليوم للجرعة الأولى 9.1%، أما للجرعة الثانية (تلقيح كامل) وصلت النسبة 1.9%

أما ببريطانيا جانت أصوات رفض اللقاح هم عالية، وهم بعض رجال الدين وربع المؤامرات وجماعة العلم الزائف وكفوا ضد التقليح ولعبوا بعقول الناس بإعلامهم، بس جان القانون أقوى وتمت محاسبة كل شخص يحرض ضد التلقيح بدون طرح علمي منهجي، وعن طريق العلم والتجربة ونتائجها الواضحة للمجتمع.. كدرت الحكومة بالنهاية تقنع شريحة واسعة من الناس بالتلقيح رغم مخاوف التجلط وغيرها

وصلت نسبة التلقيح من إجمالي عدد السكان ببريطانيا لحد اليوم للجرعة الأولى 51.2%، أما للجرعة الثانية (تلقيح كامل) وصلت النسبة 21.1%

بالنتيجة.. اليوم بعد مرور 4 أشهر

الإصابات اليومية بالهند 380 الف إصابة، اما الوفيات أكثر من 3500 وفاة يومياً، وشبه إنهار النظام الصحي والمجتمع عايش رعب وخوف وقلق والموت بكل مكان

اما الاصابات اليومية ببريطانيا بحدود 2000 إصابة يومياً (اقل من العراق بستة آلاف اصابة)، الوفيات ما تتجاوز 25 وفاة باليوم فقط، وكل جوانب الحياة بدّت ترجع طبيعية وببعض الاماكن إنرفع وجوب إرتداء الكمامة ورجع المجتمع يتعافى وإقتصاده ينمو..

الجهل والعلم الزائف وسوالف سجدة النص ساعة نتائجها خسارة أرواحنا وفراق ناسنا، كل إنسان بينا حر بكيانه بأخذه للقاح من عدمه بس التحريض ضده بلا أدلة ما يختلف عن الإرهاب، وممكن يخلق إلنا مصير أسوء من الهند..

The other world is this world rightly seen.

- Nisargadatta Maharaj

گلگامش يصف الموت قائلاً :
يموت ُالمرء ُعندما ينكسر قلبه
و يفنى المرءُ عندما يحزن فؤاده
فالإنسان مهما علا .. لن يبلغ السماء طولاً
و مهما اتسع لن يغطي الأرض عرضاً
البشر ايامهم معدودات على هذه الأرض وتتناثر مع الريح ذكراهم
لكني سأدخل أرض الابدية و انقش لنفسي اسماً خالداً بعمل صالح سيخلد لي اسماً باقياً على مر الازمان

ملحمة گلگامش
فراس السواح