Bot:
أحس أنه السلطة الأقوى بتكون للشعب، هو اللي بيقدر -إذا كان على القدر الكافي من الصلاح- أنه يقوّم الدولة، إذا كان في موارد بدون عمالة بتقدر قيمتها وأهميتها أو قادرا تستغلها بالشكل الصائب..مش بيكون لها أي أهمية! كأنها مش موجودة من الأساس، وإذا كان في مؤسسات حكومية جيدة بس الناس اللي بديرهم العكس..بردو الفشل بيكون مصيرها، حتى لو أصدرت قوانين تحكمهم، هتخسر لو كان الداخل مكركب، لأنها تنظيم مش تقويم، إنما لو كان في شعب جيد لحاله بيكفي اي ثينك

ترة اكو سالفة ماعتقد دتنتبهولها:
ماكو مؤسسة حكومية جيدة والناس يديروها بشكل سيء... لو المؤسسة والناس اللي يديروها جيدين، لو ثنينهم سيئين

لأن هي المؤسسة اصلًا ما رح تكون موجودة بدون الناس اللي يديروها

Bot:
اختاريت المؤسسات الحكوميه
واقصد بيها من زاويه تعاليم الدولة وتوجهاتها والخطط اللي هي واضعتها
وتكدر تاخذ سنغافورة كمثال
شعبها كان مرهق و قليله الموارد

ترو كلش

Bot:
هو actually شي مرتبط ب الثاني بس انطلاقا من قول تشرشل "كل شعب في العالم ينال الحكومة التي يستحقها "

لو ناخذ العراق كمثال بلد بي موارد زراعية و حيوانيه و نفطية و يد عاملة،
بس الخلل دائما نگول بالحكومة و السياسيين،
بينما الواقع هم جزء من الشعب و الشعب اعطاهم السلطة .

ف يي الشعب

تذكرت شي كاله جورج كارلين:
Politicians don't fall from the sky, they come from the same schools, churches, and neighborhoods that u came from

Bot:
لا اوريدو ان أَتَكَلَمَ كثيراً لكن بختصار ، موارد بلا شخص يستغلها صح لا فائدة، حكومة زينة بس شعب طائش متخلف فصعب جداً السيطرة عليه ، لكن شعب واعي فاهم حيكدر يحقق و يتجاوز كلشي ، حتى ان كانت موارده فقيرة نسبيااً و حكومته سيئة

ماكو شي اسمه شعب واعي... الشعب هو عبارة عن تجمع من ملايين البشر واحد بيهم يجر طول والثاني عرض

تكدر تزيد نسبة الافراد الواعين بالشعب، بس متكدر تصنع شعب واعي

Bot:
ليش تعتقدون أنّ العامل اللي اختاريتوه هو اكثر شي يساهم بازدهار الدولة؟
@contactzero_bot

ب اختصر الكلام ب حملة وهي:
اذا صلح الفرد صلح المجتمع الذي يعتبر النواه الاساسيه للدولة

وشلون تصلح الفرد اذا هو عايش بمكان نظامه التعليمي والاقتصادي والامني فاشل؟

Bot:
المؤوسسات الحكومية هي الي تتحكم بالموارد وتخلق من لا شيء شيء وهي التتحكم بطبيعة الشعب وتتحكم بالموارد عن طريق القوانين ماكو شعب كامل ولا شعب جيد وشعب مو جيد القوانين هي التخلق النظام.

بالضبط🍻

Bot:
المؤسسات الحُكومية
لما الشخص الصح ياخذ دور قانوني ويكون قوانين صارمة للشعب يقيدهم بيها
وبنفس الوقت يكدر يتحكم بالموارد تحكم صائب يرجع بالفائدة للدولة
تدريجيًا الاشياء الباقية راح تنعدل ونگدر نكول عن الدولة
"دولة مُزدهرة"

همين بالضبط

Bot:
اخترت المؤسسات الحكومية
لأنه برأيي المؤسسات الحكومية هيي الامتداد الأول للقوانين ودرجة تطبيقها في البلد. فلمّا بتكون المؤسسات عم تشتغل صح = القوانين شغالة صح وبالتالي حتى الشعب خياراته مقيدة بالقانون وقلّة اللي رح يقدروا يخترقوه ويعيثوا فساداً
لكن إذا المؤسسات فاسدة = لا قوانين = الحكومة فاسدة = الشعب عنده عدة خيارات (وهذا اللي منشوفه بكتير من الدول العربية) إما يصير فاسد ليوصل للي بده ياه، أو يهاجر، أو يضل منيح ولكن ياكلها بكل جوانب الحياة
فما بقدر احكي عن الشعب بدون ما جيب سيرة أشياء كتير أكبر منه، متل إني ما بقدر لوم شخص فقير سرق لياكل ولا احكم عليه إنه سيء بالمجمل
وقت بكون في قوانين: السيء يتزن والصالح بلاقي نتيجة عمله

ما كنت رح اكدر اشرح بشكل افضل💚

اوكي اخر رسالة:

Bot:
اهم عامل يساهم بالازدهار هوه الحكومه نفسها... اسس نفسيه الطبيعه البشريه و الاخلاق الصحيحه ثابته متتغير لكن الضروف المحيطه هي اللي ترسمهه بطرق مختلفه و توجهه اله او ل عكسها حسب مفاهيم ذاك العصر و البيئه اللي رح توفره الحكومه او الملك ذاك الوقت و هذا الشي واضح بالتاريخ.. الحكومات اللي تخطط ل مشاريع تنميه و توسيع اقتصاد الدوله (سواء تسمح بهذا الشي للافراد نفسهم او مشاريع حكومه) هذا اللي يزيد الايدي العامله بالشعب و حركه المال و بالتالي تاثر على طبيعه حياه المواطن و نفسيته ( شي مثل الهرم، اذا الخلل بالاساس ف الباقي يتهدم ). بالنسبه للعراق، ف مواردنا الهائله مدا تستخدم لمشاريع تنميه الدوله و هذا يوطي من اقتصادها الداخلي اكيد و بالتالي الفرد، هواي امور مو بيد الشعب الحكومه هي اللي لازم توجه الشعب للصحيح ب النظام لان اكو هواي مخططات الشعب ميعرفه و ممكن يشوف الامور السطحيه او عدم تفكيره بالمصلحه العامه ك دوله + الشعب بي مختلف الشخصيات و هاي اذا كل واحد يشوف وجهه نظر شكل رح تتعارض لان الفائده دترجع على هذا الفرد او المجموعه فقط لذلك هذا شغل الحكومه انو تنظمه بطريقه تكون نتيجته تعود للفرد و الدوله بصوره عامه

*يرفعله القبعة* 💚

شلون ممكن تكون مدينتين بجانب بعض ومتماثلات بكلشي، بس مستوياتهم المعيشية مختلفة كلش؟

السور اللي بالصورة يقسم مدينة نوكاليس إلى قسمين:
- قسم شمالي هو نوكاليس، أريزونا (بالولايات المتحدة 🇺🇸)
- وقسم جنوبي هو نوكاليس، سونورا (بالمكسيك 🇲🇽)

المدينتين ثنينهن موجودات بنفس الموقع الجغرافي، يمتلكن نفس الموارد الطبيعية، والسكان بالجزء الشمالي والجنوبي يتشاركون نفس اللغة والثقافة ويرجعون لنفس الأصول. بالأصل ثنينهن جانن مدينة وحدة، لحد سنة 1853 لما تقسمت المدينة الأصلية لجزء شمالي (تابع لأميركا) وجزء جنوبي (تابع للمكسيك) واستمر هالشي ليومنا هذا.

رغم أنّ المدينتين يمتلكون نفس الموارد الطبيعية، ونفس التركيبة السكانية... لكن نوكاليس اللي بأميركا أغلب سكانها البالغين تخرجوا من الإعدادية، معدل العمر عدهم طويل، ويحصلون كل اللي يحتاجوه من خدمات أساسية (مثل المي، الكهرباء، الصحة، الطرق، والأهم... تطبيق القانون).
أي شخص منهم يكدر يفتح مشروعه التجاري بسهولة، يكدر يصوت حتى يغير مسؤولي مدينته، ويكدر يتمتع بالمؤسسات القوية لأميركا... باختصار: عايشين برفاهية.

بينما نوكاليس اللي بالمكسيك أغلب سكانها ما عدهم شهادة إعدادية، النساء هناك يخافن من النسبة العالية لوفيات الأطفال، والخدمات الأساسية ما متوفرة بشكل كامل. القانون هناك فاسد وغير عادل. إذا تريد تفتح مشروع تجاري، رح تضطر ترشي كذا مسؤول وموظف، وتتأخر بالمعاملات الورقية يلا تفتتحه. المسؤولين فاسدين، والسكان يعانون وهمّ يتعاملون وية المؤسسات الضعيفة للمكسيك... باختصار: عايشين ببؤس وطيحان حظ.

رغم أنّ الفرق بينهم هو مجرد جدار عرضه نص متر، إلّا أنّ مدينة نوكاليس بنصفيها تمثّل دليل على أنّ المؤسسات الحكومية (مو الموارد الطبيعية، ولا الشعب) هي المسؤولة عن رفاهية الشعب أو بؤسه. لأن مؤسسات الدولة هي اللي تستغل موارد الدولة الطبيعية والبشرية بشكل جيد او سيء، وهي اللي تفرض القانون حتى تشجع الشعب يشتغل تحت ظله، وتعاقب المجرمين والمسيئين.