.

لما نيكولاي تشاوشسكو منع الإجهاض وكل وسائل منع الحمل بالستينيات (اقرة البوست الفوك حتى تعرف ليش)، معدل النمو السكاني صعد كلش هواي، بس بالثمانينيات رجع إنخفض... نتيجة لهذا قرر الدكتاتور ما يأتي:

تأسيس (شرطة لمراقبة الحمل Menstruation police) اللي همّ عبارة عن فرق جوالة من أطباء نسائية، يروحون للنساء خلال أوقات عملهن ويجرولهن إختبارات حمل مفاجئة... اذا جانن حوامل، رح يتم مراقبتهن لحد ولادتهن والتأكد من سلامة الطفل... وإذا لا، وإستمرن لفترة طويلة بدون حمل، يتم فرض عقوبة عليهن لعدم الحمل (وببعض الحالات حتى توصل للإعتقال).

*** الشيوعية

"My God, My God, why have you forsaken me?"
"إلهي، إلهي، لماذا تركتني"

- يسوع على الصليب

Why did I ever come out of the womb to see trouble and sorrow
    and to end my days in shame?

[Jeremiah 20:18]

صار الواحد يفتح نت ميلكى بس ميمز دراسة وناس تبجي من الدراسة

Ruinenlust
Is a German word for the pleasure one feels while seeing or being in an ancient monument or ruins

Ruinen (Ruin) + Lust (obsession, pleasure)

السُكري:
هواي أطباء بالقرن ال19 وقبله جانوا يكولون لمرضى السكري أنّ ياكلون اكل كلش هواي (وية السكريات) حتى يعوضون المواد المغذية والسكريات اللي تنطرح وية الادرار. واحد من الاطباء (بعد ما اكتشفوا أن البنكرياس هو العضو المتأثر بالمرض) جرّب مُستخلص من بنكرياس الأرانب كعلاج للسكري وحصل عليه براءة اختراع بالولايات المتحدة بس -الحمدلله- انكطع عنه التمويل بسبب الاعراض الجانبية الخطيرة والحرب العالمية الاولى آنذاك.

الزئبق:
بعض الأطباء جانوا يستخدمون الزئبق (اللي هو مادة سامة) حتى يعالجون أمراض مثل السفلس.

الهيروين:
أما بالنسبة للهيروين، فتم اكتشافه أكثر من مرة، لكن شركة Bayer الألمانية (اللي جانوا سبب جبير بانتشار الأسبرين مثل منعرفه اليوم) هم اللي سوّقوه على أنّه علاج للسعال -حتى للأطفال- وبديل أقل إدمانًا من المورفين اللي جان دواء شائع آنذاك (رغم أنّه اكثر قابلية للإدمان بالحقيقة)

لكن خلال ال200 سنة الأخيرة، تحوّل الطب من كونه فن وحرفة إلى علم دقيق ومعقد. حلّ المنهج العلمي مكان التقاليد اليونانية والأدوية الشعبية... خلال هاي ال200 سنة تعلّمنا عن جسم الإنسان والأمراض وكدرنا نحقق تقدم ما شفناه بتاريخ البشرية كله🍻

الحرس السويسري Swiss Guard

جانوا قوات مرتزقة (ميليشيات) بعصر النهضة وما بعده، يتم تدريبهم بسويسرا وإرسالهم لأنحاء أوروبا حسب الطلب.
ملوك فرنسا من القرن ال15 جان عدهم حرس سويسري خاص بيهم لحماية القصر والملك (سمّوهم المئة سويسري Cent Suisses). أما الفاتيكان، فهو لليوم عنده حرس سويسري يمثلون حراس البابا الشخصيين بملابسهم اللي ترجع لعصر النهضة وطقوسهم الخاصة بيهم.

بعد الثورة الفرنسية سنة 1789، الثوار الفرنسيين إحتجزوا ملك فرنسا لويس السادس عشر Louis XVI وعائلته ووياهم الحرس السويسري مالتهم بقصر تويليري بباريس وأسكنوهم قسريًا بيه. هالشي استمر لحد سنة 1792؛ بهاي السنة صارت حرب بين فرنسا والنمسا، وفرنسا خسرت اولى معاركها بشكل كارثي. الشعب جان غاضب والوضعية السياسية والإجتماعية مخربطة لأقصى حد. آخر شي... جموع الثوار إحتلت باريس واتجهت لقصر تويليري حتى تقتل الملك وتنهي الملكية للأبد. لما دخلوا الثوار لقصر تويليري، لكوا الحراس السويسريين بالداخل وبدت بينهم معركة شرسة إنتهت بمقتل أغلب الحراس السويسريين (شي 600 منهم) بمجزرة تويليري Tuileries Massacre وقبضوا على الملك وأعدموه لاحقًا.

سويسرا بعدها بسنوات (بالقرن ال19) لغت سالفة الحرس السويسري ومنعت إرسال جنود جدد لأي مكان بأوروبا، ما عدا بالنسبة للحرس السويسري الخاص بالبابا اللي لليوم بعدهم بالخدمة.
وتكريمًا للحرس السويسري اللي انقتلوا بفرنسا، صنعوا هالنصب التذكاري اللي يمثل أسد ضعيف ومجروح بسبب القتال الدامي، كنايةً عن السويسريين اللي انقتلوا وهمّ يأدون واجبهم بحماية ملك فرنسا ونقشوا أسماءهم بالحايط الصخري جوة الأسد.