أكو أشياء إسمها one-way functions (دوال أحادية الإتجاه)، هي دوال رياضية تحط بيها قيمة أولية X وتنطيك ناتج Y... بس السبب بتسميتها "أحادية الإتجاه" هو أنك صح تعرف الناتج هو Y بس متكدر تعرف شنو القيمة الأولية اللي نتج منها Y

الpublic key هو عبارة عن دالة أحادية الإتجاه (one-way function)، بينما الprivate key هو دالة معاكسة تاخذ الناتج وتنطينا القيمة الأولية... X

There are three kinds of lies—lies, damn lies, and statistics.

- American proverb, wrongly attributed to Benjamin Disraeli

كتاب الإلمام بالحقيقة (factfulness) بيه معلومات كلش لطيفة عن شلون تقرة الإحصائيات بشكل صحيح، وشلون تميز بين الاحصائيات المضللة وبين الحقيقية

نحن نشيخ لأننا ندخلُ نفسَ الأيام،
‏من أبوابٍ أخرى.|
علي عكور

We're about to fall in love with a new villain 💚🌚

عود داروح اقرة، جان الكة هالأغاني اللطيفة...

"Diogenes Sitting in His Tub" By Jean-Léon Gérôme

شكو لوحة حلوة وتاريخية اشوفها، تطلع من ابداع هالرسام ...

بالنسبة لكارل يونغ، النفس البشرية "psyche" تتكون من 3 أجزاء:

الجزء الواعي conscious: يمثل المشاعر والاحاسيس اللي نحس بيها ونعرف انها موجودة

الجزء اللا-واعي الفردي personal-unconscious: يمثل الجزء اللاواعي من مشاعرنا وذكرياتنا وتجاربنا

الجزء اللا-واعي الجمعي collective-unconscious: يمثل لا-وعي البشرية كلها، اللي تشكّل عبر آلاف وملايين السنين من التطور والحياة على الأرض... وهذا يتكون من جزئين: الأول هو "الغرائز"، والثاني هو شي اسمه "الشخصيات البدائية archetypes"

ببساطة، الarchetypes للنفس البشرية، هي مثل الأعضاء لجسم الإنسان، كل واحد يؤدي وظيفة محددة

ليش عدنا لا-وعي جمعي وشلون صار؟
- أغلب إذا مو كل البشر يتشاركون أنماط حياة متشابهة (نفسيًا) ببعض الجوانب، كلنا نحصل الحكمة من اشخاص اكبر منا، كلنا نألّه حبيبنا/تنا الأول بسبب السذاجة ولأننا أول مرة ندخل هيج تجربة عاطفية، كلنا لما ننرعب كلش، نتجمد بمكاننا... بالنتيجة، وعبر ملايين السنين من التطور، كل البشر صارت عدهم صفات نفسية متشابهة هي:
1- الغرائز: الدوافع المتشاركة بين كل البشر... مثل غريزة الخوف من شي مرعب كلش بحيث "نصير مثل الحجر،" غريزة الشعور بالجوع، العطش، وغيرها...

2- الشخصيات البدائية* (ترجمة ركيكة لarchetypes) هي "تراكيب إدراكية cognitive structures" متشابهة، إسمها الarchetypes... مثل ما كلت فوك، الأركيتايبس بالنسبة للنفس البشرية، هي مثل الأعضاء بالنسبة للجسم. كل عضو منهم يخدم وظيفة معينة ضمن النفس. ومثل ما كل البشر عدهم قلب، رئتين، وكبد... كل البشر عدهم archetypes أساسية ومتشابهة، بس بعضها تكون مكبوتة، بحيث البقية "ياخذون مكانها" ويصيرون "inflated" مثل ميكول يونغ

شنو دليلنا على وجود شي اسمه archetype اذا إحنة منكدر نعرّفه أصلًا؟
- كارل يونغ، مثل معلّمه فرويد، جان مُغرم بالأساطير القديمة (الحقيقية والخيالية)، وجان كلما يقرة أسطورة يلكة بيها تشابهات وية أساطير من أماكن ثانية بعيدة جدًا. وإنت نفسك لما تشوف فلم، رواية، أسطورة دينية وغيرها... كلهن رح تلكة بيهن عناصر نفسية متشابهة. غريزة الخوف مثلًا موجودة بكلش هواي أساطير، وكلش هواي منها تتحدث عن (التحجّر من الخوف petrification) لما نقابل مخلوق مرعب؛ الأساطير اليونانية بيها ميدوسا، اللي يباوع على عيونها يتحول لحجر. هاري بوتر بيه وحش البازيليسك، اللي همين اي شخص يباوع بعيونه يتحول لحجر، بالعهد القديم (التوراة) يُذكر أن الرب بعد ما قرر إنزال العذاب بقوم لوط، أمر لوط وزوجته أن يبتعدون عن المدينة وما يلتفتون عليها، لكن زوجته إلتفتت وشاهدت الرعب وتحولت فجأة إلى عمود ملح... بالأفلام نلكة أبطال Jurassic park جانوا يكولون: ابقى جامد بمكانك، الديناصورات متشوف بس الأشياء المتحركة.

وبكل الأساطير تتواجد شخصية الرجل الحكيم (wise old man) اللي ينطي الحكمة للبطل ويساعده بطريقه؛ هاري بوتر عنده دمبلدور، النبي محمد عرف بنبوته عن طريق ورقة بن نوفل، النبي موسى عاش وية شعيب، جون سنو عنده مايستر أيمون، وغيرهم...

*كارل يونغ نفسه ما وفّر تعريف صريح للarchetypes، وكلش طبيعي متفهمها من أول مرة، لكن وية الأمثلة حيكون عندك تعريف لا-واعي للأركيتايب.

شغلة لازم تتذكرها:
يونغ أغلب حجيه هو تشبيهات ورموز، لهذا ما لازم تؤخذ حرفيًا... مثلًا لما يكول أنه من ضمن الصفات الأنثوية هو تقلب المزاج والمدري شنو، فهو ما يقصد أنه كل الإناث متقلبات مزاج أو كل الذكور عدوانيين... ببساطة هو يستخدم رمز "الأنثى/الذكر" الموجودة اولردي بهواي أساطير وفلسفات (مثلًا: الين يانغ) حتى يشرح فكرته