الفكرة هي أنه لما تخلي الناس يسوون شي بدافع إجتماعي... رح يسووه عن طيب قلب، وينفذوه بشكل جيد، وأفضل بالعادة من أن تطلب منهم يسووه فقط لدافع إقتصادي (هذا الشغل مالتك، إنت تستلم راتب... إذن سوي هذا الشغل حتى تستلم الراتب)

وحتى الهدايا (مهما كانت قيمتها صغيرة، مثل سنيكرز ب50¢) تشكل دافع مثالي حتى الناس يسوون المطلوب منهم وبإتقان، جست لتذكر سعر الهدايا -مهما جانت غالية أو رخيصة- لأن هلشي حيخليهم يفكرون بيها بشكل إقتصادي مو إجتماعي

الحلو بالكتاب أنه كل فصل مبني على تجارب عملية وإقتصادية هو سواها (وية باحثين آخرين)، ومرات تلكة أكثر من تجربة إستنتج من خلالها المعلومات المذكورة بالكتاب

This leads me to a final thought: when you're in a restau­rant with a date, for heaven's sake don't mention the price of the selections. Yes, they're printed clearly on the menu. Yes, this might be an opportunity to impress your date with the caliber of the restaurant. But if you rub it in, you'll be likely to shift your relationship from the social to the market norm.

- Predictably irrational, by Dan Ariely

جان شرحتلكم عن تجاربه بس مبية حيل اكتب بعد

الكتاب هو عبارة عن جزئين:

الجزء الأول هو سيرة الجراح المثير للجدل سبنسر بلاك Spencer Black اللي جان يعيش بمدينة فيلادلفيا سنة 1870 من طفولته، خلال سنوات شبابه، وسفراته لأنحاء العالم، ولحد إختفائه الغريب قرب نهاية حياته

سبنسر بلاك جان إبن سارق قبور، وبأيام شبابه جان يدرس بجامعة فيلادلفيا للطب. خلال سنوات دراسته، سبنسر بدة يفكّر بفرضية غريبة: هل من الممكن أن تكون المخلوقات الأسطورية الشهيرة مثل الحوريات، القنطور، والمينوتور هي الأسلاف التطورية للبشر؟

الكتاب الثاني هو codex extinct animalia اللي هو أطلس مال تشريح للمخلوقات الأسطورية اللي لكاها سبنسر بلاك وشرّحها ووضع وصف إلها