حرفياً رح يحصل

خلوني أسولفلكم على نموذج من نساء التاريخ إلّي قليل يعرفوها رغم كل عظمتها

هيباتيا الإسكندرية ؛ إنولدت بمصر بأيام الرومان قبل الفين عام ، دَزها أبوها ثيون أمين مكتبة الإسكندرية لليونان علمود تدرس العلوم والفلسفة والفَن .. بعد سنين رجعت هيباتيا للإسكندرية بعُمر العشرين وهيَّ فيلسوفة وعالِمة رياضيات وفَلك ، كَمية المعرفة إلّي تمتلكها جانت تكره إنو تبقيها لنفسها وبَس .. لهالسبب بدّت تجمع الناس من كل طبقات المجتمع حواليهَا وتسولفلهم عن الكَون، والنجوم، والمجرات، والهَندسة، والفَلسفة، والأخلاق، والتاريخ، والحكمة .. جان مجتمع المدينة منقسم بين الوثنيين - المسيحيين - اليهود ، بَس الناس يَم هيباتيا جانوا يكونون متوحدين بحيث يتركون كل إختلافاتهم ويكعدون يَمها يسمعون سوالفها ويكتسبون من معرفتها ويتعلمون أشياء جديدة بحياتهم ، بنفس الوكت بُقت هيباتيا تطور نفسها لحد ما إخترعت إلنا جهاز الهايدرومتر لقياس الكثافة النستخدمه لليوم ، بعدها صارت تدرس النجوم على طول سنين لحد ما رسمت إلنا أول خريطة سماوية للنجوم والأجرام بالتاريخ إعتمد عليها باقي العُلماء .. هميّن إهتمت بدورها كَ إبنة أمين أعظم مكتبة بالعالم وطورت مكتبة الإسكندرية وضافت إلها هواي مخطوطات وكُتب جديدة ، هيباتيا جانت كلش حلوة فَ هواي شباب جانوا يكرشون عليها من تنطي محاضرات للعامة بشوارع المدينة بَس هي ثكيلة وما تنطي مجال لأحد كبل تلزكه " بأنت مثل أخوية " .. بآخر فترة جانت هيباتيا تفكر بشكل الأرض ، كروية لو مسطحة ؟ ، المركز هو الشمس لو الأرض ؟ ، إستمرت تفكر وتكتب وتدرس وتجرب وتخطط فترة طويلة ، لحد ما بآخر أيامها تيقنّت إنها كروية عكس ما يكولون الناس ، حاولت تثبت هالشي للناس .. بَس بنفس الأيام صار صراع بالمدينة بين اليهود ويّة المسيحين ، هيباتيا جانت تجمع فئة جبيرة من الناس وجانت تحارب الجهل وتخلّق نور بمجتمعها ، كل شلّة من هذول يريدوها تعلن إنتمائها الهم حتى يقيدوها بيهم ، هم جانوا يعتبروها عميلة للحاكم اورستوس لأن جان مقرب منها ، بحيث حطوها كدام محكمة وسألوها ؛ شنو دينج أنتي مسيحية لو يهودية لو وثنية ؟
جاوبتهم ؛ إن ديني هو الحقيقة .. الطرفين صاروا ضدها ، اليهود يكولون عنها فاجرة مسيحية ، أما المسيحين يكولون عنها ساحرة يهودية ، تالي مَتالي دخلوا المتشددين للمكتبة وحركوا كل المخطوطات والكُتب والوثائق إلّي عمرها آلاف السنين وقتلوا أصحابها ، بعدها أتبعوا هيباتيا إلّي جانت راجعة من حلقة تدريس قدمتها للأطفال وكمشوها بتهمة الكفر وحرف الشباب والسحر والزندقة ، سحلوها بشوارع المدينة ورجموها بالحجارة وحرقوها وسحلوا جثتها وقتلوا كل ناسها إلّي حاولوا يدافعون عنها وتِركت العالم وهي شابّة بعمر 35 عام ، من آلاف السنين جانوا أصحاب السُلطة من السياسين ورجال الدين وأتباعهم مرتعبين من قوة المرأة وفكرها وعلمها ونابذيّن الوعي والمَعرفة والفِكر ..
@Mahdi_ahmed

one of the hallmarks of psychoanalytic theory is that you learn through voluntary contact with what frightens you or disgusts you, much like the story of Jonah and the whale (and its recurring pattern in St. George’s and the hobbit’s) goes.

- Jordan Peterson

وحدة من اهم الانتقادات ضد فرويد هي انه افكاره ونظرياته جانت unfalsifiable بحيث متكدر تسويلها اختبار او دراسة وتثبتها او تنفيها، خاصة الrepressed memories او الذكريات المدفونة باللاوعي... حرفياً مجان اكو دليل اذا هاي الذكريات موجودة من صدك لو المحلل النفسي هو الزرعها بعقل المريض (عمداً او سهواً عن طريق الsuggestion)

"كأن الآلهة تقول أن أحكم رجل هو الذي يعرف، مثل سقراط، أن حكمته لا تساوي شيئاً"

“يا رجال أثينا، لقد حكمتم عليّ بالموت. بالنسبة لأصدقائي الذين صوتوا لتبرئتي، دعوني أقول لكم أن الموت قد يكون أمرًا جيد. فإما يكون الموت حالة من العدم واللاوعي أو يكون، كما يقول البعض، مجرد هجرة من هذا العالم إلى عالم آخر.

فإذا كان حالة لاوعي مطبَق، مثل نوم هادئ بدون أحلام، فسيكون الموت مكسبًا لا يوصف. وفي حال كان رحلة إلى عالم آخر حيث يعيش الموتى، فسيكون ذلك أيضًا رائعًا حيث سأتمكن حينها من إكمال بحثي عن المعرفة الحقيقية والكاذبة. في العالم التالي، مثل هذا العالم، سأتمكن من اكمال استجوابي للناس العظماء من الماضي للبحث عن الحكيم ومن يدّعي الحكمة.

لذا لا تدعوا الموت يحزنكم، فلا يمكن أن يحدث الشر لرجل صالح سواء في هذه الحياة أو بعد الموت.

حسنًا، لقد حانت ساعة الرحيل، يجب علينا أن نذهب كلُّ في طريقه، أنا للموت وأنتم للحياة. أيهما أفضل؟ الآلهة وحدها تعلم ذلك”

استيقظ وعش لدوروثي براند

بمِثل هذا اليوم المُقدس .. يصير عمر عراقنا أكثر من ستّة الآف عام من الحَضارة حسب أقدم تقويم تاريخي بشري " التقويم البابلي الآشوري "

على طول مِئات السنين حاولوا العُملاء والخونّة إنتزاع هويتنا " العراقية " بأستبدالها بإنتمائات حِزبية وقَومية وطائفية عَلمود ننسى إنتمائنا لهالأرض وتكون دمائنا وقود لأنتمائات مالها صلّة بتاريخنا

العراق كيّان ما ينتمي لأي دين أو طائفة أو قومية أو إيديولوجية .. العراق جان إله لُغته وتراثّه وشَعبه من قبل ما ينوجّد كلشي فرقنا بيوم من الأيام

أول مُدن حضاريّة بالتأريخ .. أول لُغة بالوجود .. أول تشريعات بتاريخ البشرية .. أول فَن وغِناء وموسيقى بتُراث بني جنسنا .. كلهن أصلهن هالأرض

إحنة عراقيين بهويتنا قبل أي إنتماء آخر ، أحفاد سُلالات سومَر وأكّد وآشور ، أبناء آشوربانيبال وسرجون وحمورابي وشلمنصر وعشتار وكوبوبا ، لازم نُعرف تاريخنا ؛ علمود نرسم مُستقبلنا بإيدينا..

نتمنى يكون عامنا العراقي الجديد عام إنتصار وتغييّر وسَلام على الأمة العراقيّة .. نتوحّد بأيامه تَحِت رايّة بلدنا ، نعايّد شُهدائنا القديسين من أبطال حروبنا ضد الإرهاب إلى أبطال الثورة العراقيّة الخالدة كما نعاهدهم بدمائنا على مواصلة مسيرتهم المُقدسة ، نعايّد جَرحانا ونتمنى يكون هذا العام عام شفائهم وعودتهُم علمود يشاركون ويانّا ببناء بلدنا ، نعايّد أبطالنا الصادمين .. المخطوفين والمُعتقلين وراء قُضبان سجون السلطة المُجرمة .. نكول إلهم " صبراً "

أعايّد بنفسي كل " صويحب " جان يمشي وياي بَس اليوم صار شَهيد أو مُعتقل فقدته بثورتنا العراقيّة

#أكيتو_بريخا_يولو

المنتدى الروماني

And you're blowing my mind
'Cause I find that your theories of life
Are insane, feed my brain
I could listen all night
I can't leave till we kiss
It's a moment of madness

And I just wanna stare at your hair
And imagine you opening your door
In your drawer there's some leather in there
I refuse, you persist
It's a moment of madness

شلون يتكون حمض المعدة Gastric acid (اللي هو حامض الهيدروكلوريك HCl نفسه -وية شوية ايونات ثانية-) ؟

بالمعدة، الgastric glands هي اللي تفرز حمض المعدة المسؤول عن هضم الطعام. لما تتحفز الglands او الغدد هاي من خلال الvagus nerve او بسبب وجود بروتينات مهضومة جزئياً بالمعدة، لما تتحفز، ف اكو خلايا اسمها G-cells داخل الغدة رح تفرز هرمون اسمه Gastrin، هذا الهرمون رح يحفز نوع ثاني من الخلايا بداخل الغدة هي خلايا الECL اللي رح تفرز الهستامين اللي رح تستقبله الخلايا الجدارية بالمعدة parietal cells (الهستامين يرتبط بمستقبلات H2 بالخلايا الجدارية) وهذا رح يحفز انتاج أيون الهيدروجين H+ (بالكيمياء يسموه بروتون، وهو الجزء المسؤول عن الصفة الحامضية لأي حمض) بداخل الخلايا الجدارية للمعدة والهيدروجين بعدين رح تفرزه الخلايا الجدارية (عبر بوابة معينة اسمها H+/K+ ATPase) لتجويف المعدة حتى يهضم المواد الغذائية وخاصة البروتينات.

هذا الحامض الpH مالته تتراوح بين 1.5-3.5 يعني حامضي كلش لدرجة الجدار الداخلي للمعدة يكون مغلف بطبقة مخاطية سميكة بالاضافة الى انه الخلايا تتجدد كل فترة بسبب حامضيته العالية.

اكو نوعين من الادوية اللي تعالج حرقة المعدة، والقرحة المعوية، هن:

- H2 antagonists (antihistamines)
هذا النوع من الادوية يهاجم نوع معين من الreceptors المستقبلات الخاصة بهرمون الهستامين Histamine. هذا الهرمون الة تأثيرات مختلفة بأجزاء مختلفة من الجسم، بس بالمعدة يحفز انتاج الحامض مثل ما كلت فوك. ف الميكانزم مال هاي الادوية هي انه ترتبط بمستقبلات الهستامين بحيث الهستامين ميكدر يرتبط بيها، وبالتالي الخلايا الجدارية متتحفز حتى تنتج الحامض، بالتالي يقل انتاج الحامض ونعيش عيشة سعيدة.


النوع الثاني هو:

- Proton-pump inhibitors (PPIs)
كلت فوك انه الحمض ينتقل من الخلية للمعدة عن طريق بوابة خاصة بالخلية الجدارية parietal cell هي H+/K+ ATPase.
اللي تسويه هاي الادوية انه ترتبط بشكل قوي وبآصرة تساهمية وية هاي البوابة بحيث متسمحلها انه تقوم بتمرير الهيدروجين لتجويف المعدة وبالتالي يقل انتاج الحمض.

الفرق بينهن هو انه الPPIs تكون فعالة أكثر لأنها توقف الخطوة الأخيرة بإنتاج الحامض بالإضافة الى انها irreversible، يعني جزيئة الPPI لما ترتبط بلATPase رح ترتبط بيها قوي وما رح تعوفها الا بعد ما يقارب ال24 ساعة.