يا الله ‏أنتظِرٌ جَبّرَكَ ‏وَكُلّي يَقيْن

الباري مـن خـلـقـنـي يريد الامرين
اعبده لوحّده وابچي على الحسين
الخلقني الله على موده .. وجودي من وجوده
اعبده لوحّده وابچي على الحسين
*
خلقني مو لعب لا حاشا اسمه
عن غايه ودرايه وبيهه حكمه
اعبده يريدني وحسين اخدمه
وذنّي اثنينهن من الله نعمه
....................
لاجل حسين بث الروح بينه
وگال حسينكم اسـرع سفينه
عرفنه سر خلوده .. وجودي من وجوده
اعبده لوحّده وابچي على الحسين
*
العباده والخدامه من الله تكليف
وبنفس الـوقـت للـنـاس تشريف
بالــقــرآن ادلـه ويحوي تعريف
ترغيب الهن اقره ومره تخويف
..................
ذنّـي اثنينهن منعوف لازم
اليعبد ربّه زين يصير خادم
البشر يعرف حدوده .. وجودي من وجوده
اعبده لوحّده وابچي على الحسين
*
فلسفة الحياة بكل براءه
اعبد ربّي حين اسمع نداءه
خلقني الباري لحسين وعزاءه
انا المخلوق من دمعة بكاءه
...................
خلقني سيدي وأسمع كلامه
لحسين ألتزم درب الخدامه
بدونه الدنيا سوده .. وجودي من وجوده
اعبده لوحّده وابچي على الحسين
*
رسول الله روه ذيچ المصيبه
حچه عن كربلا ويعله نحيبه
باچر خيلهم تسـحـگ حبيبه
وزينب عالهزل ترجع غريبه
........................
للزهره النبي يروي الفجيعه
لچن ربچ خلق لحسين شيعه
يحقق كل وعوده .. وجودي من وجوده
اعبده لوحّده وابچي على الحسين
*
رسول الله وعد بنته الزچيه
الشيعه تنخلق لاجـل العزيه
لتخافين اخـبـرچ عالقضيه
ميـعـوفـون ابــنــچ للمنيه
.................
الرسول لفاطمه يروي الروايه
يطيح على النهر صاحب الرايه
چفوف ويمهه جوده .. وجودي من وجوده
اعبده لوحّده وابچي على الحسين
**
ملخّص هالخبر ياناس نقره
عِبره حسين صار وصار عَبره
لازم مانعوفه ونحـيـي امره
القابض دينه يعني بچفه جمره
...................
الرايد يرضي الله كل حياته
مايترك حسين لـحـد مماته
مايترك عهوده .. وجودي من وجوده
اعبده لوحّده وابچي على الحسين
*
#سيد علي المدني

المصادر :
١- سورة الذاريات الآية (٥٦)
٢- بحار الانوار للمجلسي ٤٤ (٢٩٣)




@HxzEU1
https://t.me/hxzeu1
قناه نشر القصائد المنبريه