يفتقْدك الصبح و انسام الصبا و الطيور
‏و الليله الشاتيه و الغيييييمه الماطره

‏و الخاطر اللى بعد ما مرّ ذاك الشعور
‏طاحت جميع امنيات العمر من خاطره ):
َ

تساميت عن حبً تساوم به الخلان
‏وتنازلت لك عن عرش قلبي ووليتك

‏ماحبيتك بقدر استطاعه وقدر امكان
‏انا فوق ما لا يمكن احب .. حبييتك !

تشوفني مصدر احزان وسبايب عنا؟
‏لا تذكر الحاضر الحاله وتنسى قبل
‏.
‏ان كنت انا اللي مطيّح دمعتينك فـ انا
‏حبيبك اللي ( زرع ) بسمة شفاك ( وذبل )
َ

كل ما طلّ وجه البرد طلّ الحنين
‏الشتاء .. كل وجه ٍغاب يسأل عنَه
‏ٰ
‏يعزف الليل ناي الذكريات الحزين
‏والسهر ما يخلًي جرح ما يحضنه !
َ

آسف ماعندي حكي واللي بقى دمعتين
‏بغيت اعلمك فيهم .. بس ما الله كتب
‏ٰ
‏تذكّر الجرح ، والقلب الضحوك الحزين
‏و أول رسالة "غلا" و آخر رسالة "عتب"

مثل سواة الهبوب اللي جعل ماتهون
‏ينفض . . غبار الثياب البالية . . هبها
‏'
‏ليت الندى اللي يليّن قاسيات الغصون
‏ماهو بينسى القلوب . . اللي أنا أحبّها !

بدا ليل الشتاء يرسل مناديبه على الملهوف
‏هلا بـ اقسى مسايير السنه واغلى مساييري

‏انا ادري ماوراك الا المتاعب والسهر والخوف
‏وحنينٍ يشعل اكوام الحطب في وسط تفكيري )؛

ياصباح⁩ ⁦ الخير⁩ ⁦ واشواق⁩ الغلا الممتنه
‏لـ الحبيب اللي على كل العباد مبدّا
‏َ
‏و الصباح اللي بدونك ياحبيبي كنه
‏حاجةٍ لا اقدر اوصفها و توجع جدّا

يا سادس يناير مرحبا والعلوم عفاك
‏لو ان فرحتي بمصافحك شبه مقتوله

‏مابه كون انا وجروحي اللي ماهي تخفاك
‏وسيوف الفراق اللي من العام مسلوله

‏عليك السلام اعداد ماعشت في ذكراك
‏وعدد ما غدا لك في الفكر صوله وجوله"

يا زيف الأحلام والواقع محطة قطار
‏وأنا هنا الواقف اللي ما معي تذكره
‏َ
‏محتاج من وقتي اللي فات رد أعتبار
‏مثل ما يحتاج قلب المؤمن " التذكره "

والله إن أقسى من البعد وأوقات الوداع
‏لحظةٍ يمشي بها الشخص وعيونه وراه .

تخطي و في نفسي أقول الخطا منّي
‏متقمّص الدور و جروحي هي جروحي

‏يهزمني الشوق لين أرضيك لو أني
‏لاني براضي عليك و لا على روُحي ):

( أنجو لأنني أملك من اللامبالاة مايكفي , لأترك الجميع خلفي )

جيتك وأنا جرحي ندي ولا بغيت إلا الضماد
‏ولا دريت إن الضماد أقسى من الجرح الندي.

ذباح مَ تدمي وجرحك لحالة.

اليا كسر في خاطرك شخص تغليه
‏حتى المعاتب .. تستحي من عتابه ):

غيدٍ عليها يغار الي مايعرف يغار
‏اللي لها الحين وانا اشوف معروفها

‏وادعتها يوم ماكان الوداع . . اختيار
‏ولا جزت عنها وعيّت تسمح ظروفها
‏‌ㅤ
‏واعدتها بالغلا ، والحب ، والإنتظار
‏وهي واعدتني مع الأيام ما اشوفها

‏ياقوّ بعض الظروف وياثقل ذاك النهار
‏ساعته اقسى من الفَرقى ومن خوفها ):
َ

‏الزمان يمرّ ويديك بايديني
‏كم عرض لي غيرك وما تعديتك

‏عجزت الشهره تغيرك في عيني
‏كل ما حبّوني الناس حبيتك ):

لو أن كسر الخواطر مثل كسر العضى
‏أمدى لكلٍ جبر كسره قبل يشتكيه

‏هذا مكانك فضى منك لكن مافضى
‏من ذكرياتك وطاريك لو أنت مانت فيه

‏إن كان تقدر تعوضني عن اللي مضى
‏و لا فلا ترتجي شيٍ ماعاد ارتجيه ):

الصدمه الي تجي من جيز خلق ⁦ الله⁩
‏تصدم جدار الثقه وتموت طوالي

‏غير البلا جات من خلٍ على خله
‏واليا تذكرتها ويلي على حالي

‏⁦ ينتابني⁩ ⁦ شي⁩ ⁦ مايعلم⁩ ⁦ به⁩ ⁦ الا⁩ ⁦ الله⁩
‏يجعلني اصد وجهي واجلس لحالي

‏من ضيقة الصدر اخاف تخونني زله
‏وتجرح لها واحد في خاطري غالي ):

بعد الفراق اللي مثل واهج النار
‏ماعاد لي في باقي الحب عازه

‏فقدت من يدرى على القلب ويغار
‏وحبه ورى حدب الضلوع ارتكازه

‏الحب .. من فرقاه خليته يسار
‏وسلمت تسليمة ' صلاة الجنازه '