الزبده انك اغلى مخلوق و اطيّب شريك
‏و جمعت طبّع الحبيب و مغريات الخوي

‏يا جعلني ما اخسر حبّك ولا اعتااض فيك
‏ولا اخلى ⁦ من⁩ غلاك و ⁦ شوقك⁩ ⁦ الفوضّوي⁩ ..
َ

انا احبها حب المرافق للأستفسار
‏مرافق مريضٍ فالعنايه تحت لجرا

‏يحاول يشوفه كل ماغمضة لبصار
‏وهو داري ان علة مريضه ماهي تبرا ):
َ

والله إن اللي تحبّه لو الدنييييا تميل
‏لا طرى وجهه يخليك ذو صدرٍ رحبّ

‏تشعر إن الذاكرة دايم تسوي جميل
‏كل ماجابت على البال وجه اللي تحبّ )؛
َ

يا سنة مرت ويا عمر أنطوى
‏ويا سنينٍ مقبله وش تحملين

‏عام راح بكل ما فيه وطوى
‏صفحة أيامه ولوعات السنين

‏مدري الأيام تبقينا سوى
‏يا محبّه طاهره أو ترحلين

‏يا ترى من هو على الفرقا نوى
‏ومن نويتي يا سنيني تسرقيّن ؟
َ

طلة عيونك صباح بكل طلة صباح
‏لو إن رمشك كسول ونظرته ذابله
‏'
‏يافتنة الغيم وأنسام الغلا والرياح
‏صباح ماهو صباحك مالله بقابله ):
َ

اللي خلق في مشاعرنا من البعد خوف
‏خلق لنا نعمة النسيان . . في غيرها
‏'
‏تموت الأحلام دايم في يدين الظروف
‏وتعيش الامال وتواصل مشاويرها
‏'
‏في ليلة تاهت الخطوه وطال الوقوف
‏هي نفسها الليله اللي . . شرها خيرها
‏'
‏جيت ومعي قلب يحب ويحن ويروف
‏رحت ومعي قلب أقسى من معاذيرها !
َ

مطيح المطر فالأرض يشبه مطيح خطاك
‏على جرّف جفني يا مطر ناظري مريّ

‏احبك - واقول أني احبك ولا يخفاك
‏انا المُعجب المُعلن وانا المعحب السري ):
َ

‏عاد لك فالبال ذكرى وفالخافق مكان
‏يابعد عمر السنين الشحاح الممحله

‏ماتنسيني لياليك ، طيّات الزمان
‏وأنت في يوم من الأيام "سيّد مرحله"
َ

في كل مبدا عام تاقف ساعة أحلامي عليك
‏أعيش بك حتى ولو ما عاد اشوفك واسمعك
‏ٓ
‏وفي كل عام أقول نفس الأمنيه وأنا احتريك
‏متى الزمان اللي خذّك مني بيجمعني معك ؟
َ

يفتقْدك الصبح و انسام الصبا و الطيور
‏و الليله الشاتيه و الغيييييمه الماطره

‏و الخاطر اللى بعد ما مرّ ذاك الشعور
‏طاحت جميع امنيات العمر من خاطره ):
َ

تساميت عن حبً تساوم به الخلان
‏وتنازلت لك عن عرش قلبي ووليتك

‏ماحبيتك بقدر استطاعه وقدر امكان
‏انا فوق ما لا يمكن احب .. حبييتك !

تشوفني مصدر احزان وسبايب عنا؟
‏لا تذكر الحاضر الحاله وتنسى قبل
‏.
‏ان كنت انا اللي مطيّح دمعتينك فـ انا
‏حبيبك اللي ( زرع ) بسمة شفاك ( وذبل )
َ

كل ما طلّ وجه البرد طلّ الحنين
‏الشتاء .. كل وجه ٍغاب يسأل عنَه
‏ٰ
‏يعزف الليل ناي الذكريات الحزين
‏والسهر ما يخلًي جرح ما يحضنه !
َ

آسف ماعندي حكي واللي بقى دمعتين
‏بغيت اعلمك فيهم .. بس ما الله كتب
‏ٰ
‏تذكّر الجرح ، والقلب الضحوك الحزين
‏و أول رسالة "غلا" و آخر رسالة "عتب"

مثل سواة الهبوب اللي جعل ماتهون
‏ينفض . . غبار الثياب البالية . . هبها
‏'
‏ليت الندى اللي يليّن قاسيات الغصون
‏ماهو بينسى القلوب . . اللي أنا أحبّها !

بدا ليل الشتاء يرسل مناديبه على الملهوف
‏هلا بـ اقسى مسايير السنه واغلى مساييري

‏انا ادري ماوراك الا المتاعب والسهر والخوف
‏وحنينٍ يشعل اكوام الحطب في وسط تفكيري )؛

ياصباح⁩ ⁦ الخير⁩ ⁦ واشواق⁩ الغلا الممتنه
‏لـ الحبيب اللي على كل العباد مبدّا
‏َ
‏و الصباح اللي بدونك ياحبيبي كنه
‏حاجةٍ لا اقدر اوصفها و توجع جدّا

يا سادس يناير مرحبا والعلوم عفاك
‏لو ان فرحتي بمصافحك شبه مقتوله

‏مابه كون انا وجروحي اللي ماهي تخفاك
‏وسيوف الفراق اللي من العام مسلوله

‏عليك السلام اعداد ماعشت في ذكراك
‏وعدد ما غدا لك في الفكر صوله وجوله"

يا زيف الأحلام والواقع محطة قطار
‏وأنا هنا الواقف اللي ما معي تذكره
‏َ
‏محتاج من وقتي اللي فات رد أعتبار
‏مثل ما يحتاج قلب المؤمن " التذكره "

والله إن أقسى من البعد وأوقات الوداع
‏لحظةٍ يمشي بها الشخص وعيونه وراه .

تخطي و في نفسي أقول الخطا منّي
‏متقمّص الدور و جروحي هي جروحي

‏يهزمني الشوق لين أرضيك لو أني
‏لاني براضي عليك و لا على روُحي ):