جيت أحسب أن في عيونك للِهداية مزار
‏والضايع اللي لقى بك ضيَعته مِهتدي
‏ِ
‏يوم العمر يستفزّ أقدارنا .. وأنت بار
‏الله يحِلّ، ويسامح ويهدي من هديّ
‏ِ
‏دارت ليالي مزوحك، والهوى يوم دار
‏عرَّضت بارد نسيمه كل جرحٍ ندي
‏ِ
‏جيتك مجي الطيور اللي أهجرَت كل دار
‏أن ضاقت بْها حدودك وينها بتغدي؟.
َ

محبتك بس من مده الى مده
‏والوصل دايم على كيفك ومشهاتك

‏دامك نويت الجفا والبعد والصده
‏مافيه داعي تتراجع عن قراراتك

‏ان كان جوّ الملل حدك على الرده
‏مالله خلقني عشان أملا فراغاتك .
َ

وش كرهك فالوصل وش حبّبك بالغياب
‏وشعورك اللي مايشعر بيّ وش حكايته

‏الى متى وأنت تمشي بـ أتجاه السراب
‏قبلك مشى من مشى ولا وصل غايته

‏إذا أنت فرصه وفاتتني ذهاب وإياب
‏فـ أنا واحدٍ مايلد .. العين لـ الفايته ):
َ

" عزة النفس أن تبتعد عن كل من يحاول أن يقلل من قيمتك ومكانتك."

سمح خاطري و أستثقل الصبر والمقعاد
‏لو أنك الوحيد الفارع و صفوة الصفوة
‏ㅤ
‏مراحي جهاد ورجعتي لك عنا وجهاد
‏بدا غافل الأيام يصحى من الغفوة
‏ㅤ
‏برود المشاعر شاخ بين القلوب وساد
‏ماعاد أعرفك بالشكل و الأسم و الحفوة !
ايبالله❤️❤️.

‏عادي ولو كل الوجيه أفتقدها
‏احساسي البارد ذبحني وأنا حيّ

‏أنا وصلت لـ مرحله ما بعدها
‏لا تشدّني حاجه ولا يهمني شي .
َ

‏" لاتحد الواحد علىّ أقصاه وتلومه ".

كافي⁩ ⁦ تتصنع⁩ بحبك عود مهتم بيه
انته غير حجاره قلبك منين حنيه .
َ

‏على طاري الذكرى وشوف الديار عصير
‏وجودي وجود مودعٍ راح ما وادع

‏الى من طرا لي وقتنا اللي مضى بالخير
‏توهقت لي في دمعةٍ مالها رادع ):
َ

‏لا تحاول تستثير العواطف في القلوب
‏كيف أداوي جرح قلبك وجرحي ما برى ؟

‏روح وأنا بروح يمكن تـجمعّنا الدروب
‏عاد ذاك الـوقت يمـديك تذكر ما جرى

‏ان قدرت اسج بـ اسج من حبك واتوب
‏وان طرى لي طاري الشوق ماغيرك طرى ):
َ

‏" الاوله شفنا نتقرب منك لا تبعد وراك
‏عطني يمينك بعد مايمناي لك مديتها

‏والثانيه لامن تعرضت المخاطر والهلاك
‏فلا تقول اني لاجل غيرك قبل سويتها

‏والثالثه لا قلت أحبك لا تلقيني قفاك
‏وتصد وتقفي وكأنك دمعتي ما وحيتها "
َ

على بداية صباح ⁦ الخير⁩ ⁦ صبحني⁩
‏الوصل ياسيد الغالين يحييني

‏معك الدقايق تناسبني وتفرحني
‏ويجيني احساس لاتسال وش يجيني ):
َ

‏دامك معي ما التفت في وقتي وجوره
‏فداك نفسي بما تحمل . . من احزاني

‏بعض البشر فالصحيح اجمل من الصوره
‏الا انت في كل منها . . اجمل من الثاني ):
َ

لاخاب حلم اليتيم بـ حلمه الزاهي
‏ما فيه حاجه بـ يبكي من سبايبها
‏ٓ
‏فدوة مواطيك روح ٍمابقى الا هي
‏في سوق ويلي على لاماك جالبها
‏ٓ
‏تبقى على ⁦ منت⁩ ⁦ والساعه⁩ على ماهي
‏تبكي على حزة الفرقى ... عقاربها ):
َ

‏قلبي وأعرفه .. ما يفيد الرجا فيه
‏لا حب حب ولا زعل حيل يقسى ):
َ

‏من الضحى وانا عن المجتمع صاد
‏اخفي طعوون الصدمه اللي تموّت

‏عفت العرب والدار والنوم والزاد
‏وقنعت وخياام الهقااوي تطوّت

‏الفرصه اللي خيرً من الف ميعاد
‏فااتت وهي مفروض ما تنتفوّت

‏وامسيت اردد كل مااوحيت نشاد
‏الله على الايااام وشلون سوّت ):
َ

‏يا طواري تالي الليل لاحان المبيت
‏اعتقي صدر طعونه جداد ومبطيه

‏قابل بـ أقل الاشياء من الوصل ورضيت
‏لاتحجج بـ انشغالك وضعف التغطيه

‏انت حلم في حياتي عطيته ما عطيت
‏وخابر الاحلام تاخذ ولاهي معطيييه

‏سامح الله طيب ظني كثر ماقد هقيت
‏وكل هقواتي مع الوقت تطلع مخطييه ):
َ

‏اخطيت يا خلّي و انا مثلك اخطيت
‏و ما فادني صبري .. ولا فاد صبرك

‏لا تحسب اني كارهك يوم صدّيت
‏قلبي على حطّت يدينك .. و خبرك

‏سويت كل حاجه تجيبك ولا جيت
‏وش باقي اسوي ؟ سواة الله ابرك ):
َ♥️♥️.

‏حبيبي خذ جميع الذكريات ورح بعيد هناك
‏انا متعب من شتات الشعور وباقي احلامي
‏'
‏شتانا قرب وبرد الليالي فوق برد . . شتاك
‏صعب اتحمله عاري كتوف بعاصف أيامي !
َ

‏لو اقول ان البحر مثل الهوى ماهوب قدي
‏ماقدرت اقول قلبي تاب واعرض عن دروبه
‏َ
‏ولو اتوب من الذنوب اللي جنت الايام ضدي
‏ما قدرت اتوب عن ذنبٍ يعن القلب صوبه
‏َ
‏كيف اتوبك يا اجمل ذنوبي وأوقف عند حدي؟
‏وانت ذنبٍ لا غفره الله . . ولا لي عنه توبه .
َ

‏ما شكيت إلا غلاك ولا حطبني غير فاسك
‏ولو قطعت الوصل ماقلت لك يامال القطيعه

‏بس لا هزّك حنين الشوق والتفكير حاسك
‏أفرد جناح اللقاء وأرجع على هاك الطبيعه

‏وحطّ قلبي في عيونك لا بغيت تحطّ راسك
‏والله أن الصدر كلّه ضيق و عيونك وسيعه ):
َ