الحبيب الي حلفت اني ماعاد امره
‏انكسر حلفيي ومريته مرور الغادي

‏كل ما اشتاقت عيوني رحت اشوف صوره
‏واتمقل في صوره وابتسم وانادي

‏واتغزّل واتخيّل وجنته محمره
‏والا انا في وادي لحالي وهو في وادي

‏ويوم جاني في منامي ميت من الحره
‏مزعله كثر الكلام وضحكي المتمادي

قال لا تضحك معاي ولا تعيد الكره
‏لين برطم واحتظنته من صميم فوادي

‏قلت له لك من ارضي خاطرك واسره
‏بس تكفى يا حبيبي لا تكدّر زادي

‏ابتسم لي مت من طعم الحياه المره
‏ابك انا من قبل اعرفك والله اني غادي

‏هذي اول مره ازعلك واخر مره
‏قال عادي ، قلت والله؟ قال والله عادي!
َ

‏أخفي عليك الحزن و الضحك تلفيقه
‏مـا أحن روحي لكن من ضيقك أحنك
‏ِ
‏يحير دمع العيون و ما هي . . تريقه
‏مدري وش اقول فيك ومدري وش كنّك
‏ِ
‏أشكي عليك الحزن ؟ ولا أشكي الضيقه
‏ولا أشتكي لك عليك مما حصل منك .
َ

‏كل مارفعت غالي على روس الهضاب
‏أتفكر بعد كم يوم واشوفه .. تحتتت ):
َ

#سنابيه☕️🖤.

‏الليالي عيفتني وانا طبعي عيوف
‏لين نفسي فضلت صبرها وسكاتها

‏شي من حدة مزاجي وشي من الظروف
‏ومتشبع من ضجيج العرب واصواتها.
َ

تو عمره فـ أوله مير الهموم تكبر
‏انشدوني عن صواديف الزمن وطعونه .!

‏الكلام الزين لكسور الزمان مجبر
‏اقصروا حبل الهروج الجارحه من دونه

‏جعل حزن الفقد عن ذاك القبال يدبّر
‏الحزن موحش وشفته في سواد عيونه

‏كل ماحاول يعبر مايعرف يعبر
‏الدموع تخون رمشه.. والكلام يخونه):
َ

‏احبك كثر مناظرت وجهك نظرة الاعجاب
‏اجدد كل يوم العهْد فيه ومابغي الفكّه

‏احبك لين اموت ولين اعود لتراب تراب
‏لو ان العمر صكات الليالي فيه مشتكّه

‏بكاي بدعوتي بـ أنك بخير وفي حظن محراب
‏تدل اني احبك صدق ولا عاد به شكّه !؟

‏ناظريني واعقدي لي طرفك المتسامح
‏انا ما احب الحياه بلا وجودك فيها

‏وان نشدتي ويش مضمون الزمان الرايح
‏قلت حطيتك حياه اعيشها وابغيها

‏والطيوف اللي تجيبك لي غلاها راجح
‏والله ما اغلا من الطيوف إلا غلا راعيها ):
َ

‏ليه تستغرب لا زادو فالحياة أحبابك؟
‏أنت حبك ينولد مع البشر بالفطره

‏حب وانثر في عيون الحاسدين ترابك
‏ولا تصدق من يقول أن المحبة خطره

‏والقصايد والبيوت اللي تنال اعجابك
‏ما تجي من قل لا والله تجي من بطره

‏أخذ منها اللي كتبته تحت ظل أهدابك
‏وأترك اللي يستحق الشطر ياخذ شطره ):
َ

‏كثر ماسترت اسمك لاتدري به العذال
‏يطرّيك صمتي والجوارح تهذري بك

‏قد اصعب سؤال يمر الاسماع.. كيف الحال؟
‏وقد اغلى الوسايل عندي ..اللي جمعني بك

‏ولاهوب محزنّني سوا ان شاشة الجوال
‏تجيب اتصالك … بس ماتقدر تجيبك ):
َ

ضيّعت درب الكلام وشفت خطواتي
‏تشكلت في قفار الصمت جرتها

‏أشره على الوقت ما أشره على ذاتي
‏مراحل العمر مرت قبل حزتها

‏سود الليالي خذت مني طموحاتي
‏وانا إلى اليوم مدري وين ودتها .
َ

ان نسيتك طاري الود ذعذعه النسيم
‏وذكرياتك قد لها ايام تاخذ حقها
‏ٰ
‏والله انك يوم قفيت وضلوعي هشيم
‏و ودي اني قلت من حر بعدك وقها
‏ٰ
‏شوفني لاظلم الليل فـ الوقت العتيم
‏ولق وجهك صوب وجهي وعينك لقها
‏ٰ
‏بطلبك مدام قفيت يالجرح القديم
‏كل حاجه ترتبط بك ! فـ قلبي بقها ):
َ

انا . . وقلبي ودّنا . . مانطرّيك
‏والله ماجبنا لك من العام سيره
‏'
‏حن قد نجينا من هواجيسنا فيك
‏ولا نجينا من . . نجاة الصغيره ):
َ

عشت ليلة وداعك بين شك ويقين
‏منكسر خاطر والدمع ، ماله ذرى

‏جيت عابر سبيل ورحت عابر حنين
‏خطوتي لـ الامام ونظرتي لـ ورى ):
َ

تمنيت اشوفه يوم كان الطمع فـ الشوف ‏
والحين قد مطمعي ادري وش هي علومه ):

حلت الفرقا وضاقت علي الوساع
ومالت الدنيا وهي كان لي متواسيه ):
َ

إبْسم ⁦ عسى ⁩ ⁦ تبسم ⁩ ⁦ حياتك ⁩
‏يا قايد الخـفرات و العين

‏عطاك ربّي لك غناتك
‏واصبحْت سيدٍ في المزايين

‏هِنّيت يـا سيدي بـْصفـاتك
‏وانا غني بك م الملايين ):
َ

انا انتظر كلمةٍ .. مانيب قايلها
‏اخاف غيري لا يسمعها وياتيني

‏ذي كلمةٍ تجذب العالم وترسلها
‏والله جعلها بـ شفره بينك وبيني
‏َ
‏ّاسلم يا أحلى ويا أغلى الناس وأجملها
‏سولف يا صوت يموتني ويحييني
‏َ
‏وعطني علومك وطولها وفصلّها
‏وترحب اذني ويدي وقلبي وعيني

لبيه يا همسة ٍ يوم اتثاقلها
‏احس كنها تبعّدني وتنفيني
‏َ
‏وابعد عن الأرض وابعد عن مشاكلها
‏وصوتك عن الناس والدنيا يكفيني
‏ّ
‏ولبيه يانظرة لاقمت اخايلها
‏تحقق احلامي اللي ب أوّل سنيني
‏ّ
‏ولبيه يابسمةٍ يوم أتأملها
‏عرفت وشلون تزعلني وترضيني ):
َ

لاتعاتبـني .. عـلـى .. قل اتـصـالي
‏وأنت تدري لو تبيني عنـد عـيـنـك

‏ولاتحاسبني علـى الغيبة لـحـالـي
‏قبل تسأل أنت وينك أنت وينك ؟
َ

توديع الاحباب مثل الموت له سكره
ادمى جروحي وشق الصدر منيا

والقلب طيرن ضلوع الادمي وكره
لاشاقه الطلع لاسلم ولا حيا

مصير الاحزان تنساني وتفتكره
ماكل الايام بيض وسمحة محيا

قل غيرها منت لامجبر ولا مكره
لاصار ماهو غلا مابيلك احميا

لو في يدي شي ماقلت الوعد بكره
حزمت حدب الضلوع وقلتلك هيا

لو كل غالي تجي دايم على ذكره
ماصرت اشوفك هناك وحبك هنيّا

ياليتني لابغيت اكره قدرت اكره
ماكان قلبي ليا جيت اكرهك عيا ):
َ