‏ياكثر ما اكرر على الناس واعيد
‏واشعر بـ فرحة ساكنه وسط صدري

‏تقرب من احساسي ومن عيني بعيد
‏واداري أيامي والايام تدري

‏تبقى النوايا البيض لا أصحابها عيد
‏مانزلت جاهي ولا طاح قدري

‏ولا قصيد الحب في باشة الغيد
‏عذري مع الأحباب ياناس عذري ):
َ

‏عّلي من صواديف الدهر ذالزمن صدوف
‏ولا بااح سدي لين بانت بيّ الخللللله .
َ

‏مرحبًا يا هوى بالي وغاية مراده
‏عد ما الشوق لك فالروح كفى ووفى

‏والله أن صوتك الطيب حياه وسعاده
‏ردت الروح في قلبي عقب ما توفى

‏العمر دون شوفك ؟ ماوراه استفاده
‏تشهد دموع عيني عن عذابٍ تخفى

‏أتلعثم وقدهي كل ما ألقاك عاده
‏ضاع كل الكلام ولا قدرت أتحفى

صدك اشد ؟ من وقت ذبحني اجهاده
‏ووصلك ألذ من طعم الرحيق المصفى

‏صدر مغليك عقب الصد شاف النكاده
‏مثل بيتٍ وسيع ونور سوره مطفّى ):
َ

كل المباني والسكك والممرات
‏وكل الديار اللي ربيت بوطنها

‏وكل الهياكل والملامح والاصوات
‏وكل القصايد والحروف ولحنها

‏تساوت بعيني مجرد فراغات
‏ماعاد اميّزها وأحس بثمنها

‏ضايق واعيش إوقات ماتحسب اوقات
‏اجامل احلامي واساير زمنها

‏خل الظروف القاسيه والخيانات
‏مافيه حاجه ماتضايقت منها

والنفس مابين الهوى والملذات
‏انا اللي أغواها وانا اللي سجنها

‏ويالي خذاك الحظ في رحلة اشتات
‏وخليتني والوقت يامر وينها

‏كل مانسيتك رحت اجدد علاقات
‏وكل ماتذكرتك تراجعت عنها ):
َ

‏مستحيل اسألك شاللي جاك مني
‏لاني أدري ماتجـي مني مضّـره

‏رد صـوتي لاترد العلم عـني
‏من لقا صوتي من أوتاره يجرّه

‏شي طبيعي لو ابي ابعد لأني
‏حالتي وياك ماهي مستقرّه

‏كل ماظنيت فيك يخيب ظني
‏كم مرّه انخذلت وكم مـرّه ؟

‏أتحلف لي في غلاتي وادري اني
‏مـاالي بقلبك ولا مثقال ذرّه ..
َ

ماعلمك طول الفراق اني كبير ؟
‏واني على كثر اشتياقي ما اتبعك

‏ماقلت لك قبل التمادي استخير ؟
‏خل العناد اللي غدا بك ينفعك ):
َ

‏أدعس على اللي ما يبي غير فرقاك
‏اللي يجيك بيوم ويغيب .. عشره

‏وخلك مع اللي ياصلك .. ويتمناك
‏واصغر طموحه .. يسعدك كل مره ):
َ

‏وليّس الهجَر يؤلمني ولكّن
‏ جمًال الذُكرياتِ يهُز قلّبي
‏ أخادَع حُزن روّحي بالتمْني
‏ فأين حنًانِ ذاك القلّب عّني .
َ

‏أعرف مكاني وترتيبي وتقديري
‏وما أطيح حتّى لو إنّي أحياناً أتعثّر

‏اللي خسرني هنيئاً له هوى غيري
‏واللي كسبني هنيئاً له .. وأنا أكثر ):
َ

الحبيب الي حلفت اني ماعاد امره
‏انكسر حلفيي ومريته مرور الغادي

‏كل ما اشتاقت عيوني رحت اشوف صوره
‏واتمقل في صوره وابتسم وانادي

‏واتغزّل واتخيّل وجنته محمره
‏والا انا في وادي لحالي وهو في وادي

‏ويوم جاني في منامي ميت من الحره
‏مزعله كثر الكلام وضحكي المتمادي

قال لا تضحك معاي ولا تعيد الكره
‏لين برطم واحتظنته من صميم فوادي

‏قلت له لك من ارضي خاطرك واسره
‏بس تكفى يا حبيبي لا تكدّر زادي

‏ابتسم لي مت من طعم الحياه المره
‏ابك انا من قبل اعرفك والله اني غادي

‏هذي اول مره ازعلك واخر مره
‏قال عادي ، قلت والله؟ قال والله عادي!
َ

‏أخفي عليك الحزن و الضحك تلفيقه
‏مـا أحن روحي لكن من ضيقك أحنك
‏ِ
‏يحير دمع العيون و ما هي . . تريقه
‏مدري وش اقول فيك ومدري وش كنّك
‏ِ
‏أشكي عليك الحزن ؟ ولا أشكي الضيقه
‏ولا أشتكي لك عليك مما حصل منك .
َ

‏كل مارفعت غالي على روس الهضاب
‏أتفكر بعد كم يوم واشوفه .. تحتتت ):
َ

#سنابيه☕️🖤.

‏الليالي عيفتني وانا طبعي عيوف
‏لين نفسي فضلت صبرها وسكاتها

‏شي من حدة مزاجي وشي من الظروف
‏ومتشبع من ضجيج العرب واصواتها.
َ

تو عمره فـ أوله مير الهموم تكبر
‏انشدوني عن صواديف الزمن وطعونه .!

‏الكلام الزين لكسور الزمان مجبر
‏اقصروا حبل الهروج الجارحه من دونه

‏جعل حزن الفقد عن ذاك القبال يدبّر
‏الحزن موحش وشفته في سواد عيونه

‏كل ماحاول يعبر مايعرف يعبر
‏الدموع تخون رمشه.. والكلام يخونه):
َ

‏احبك كثر مناظرت وجهك نظرة الاعجاب
‏اجدد كل يوم العهْد فيه ومابغي الفكّه

‏احبك لين اموت ولين اعود لتراب تراب
‏لو ان العمر صكات الليالي فيه مشتكّه

‏بكاي بدعوتي بـ أنك بخير وفي حظن محراب
‏تدل اني احبك صدق ولا عاد به شكّه !؟

‏ناظريني واعقدي لي طرفك المتسامح
‏انا ما احب الحياه بلا وجودك فيها

‏وان نشدتي ويش مضمون الزمان الرايح
‏قلت حطيتك حياه اعيشها وابغيها

‏والطيوف اللي تجيبك لي غلاها راجح
‏والله ما اغلا من الطيوف إلا غلا راعيها ):
َ

‏ليه تستغرب لا زادو فالحياة أحبابك؟
‏أنت حبك ينولد مع البشر بالفطره

‏حب وانثر في عيون الحاسدين ترابك
‏ولا تصدق من يقول أن المحبة خطره

‏والقصايد والبيوت اللي تنال اعجابك
‏ما تجي من قل لا والله تجي من بطره

‏أخذ منها اللي كتبته تحت ظل أهدابك
‏وأترك اللي يستحق الشطر ياخذ شطره ):
َ

‏كثر ماسترت اسمك لاتدري به العذال
‏يطرّيك صمتي والجوارح تهذري بك

‏قد اصعب سؤال يمر الاسماع.. كيف الحال؟
‏وقد اغلى الوسايل عندي ..اللي جمعني بك

‏ولاهوب محزنّني سوا ان شاشة الجوال
‏تجيب اتصالك … بس ماتقدر تجيبك ):
َ

ضيّعت درب الكلام وشفت خطواتي
‏تشكلت في قفار الصمت جرتها

‏أشره على الوقت ما أشره على ذاتي
‏مراحل العمر مرت قبل حزتها

‏سود الليالي خذت مني طموحاتي
‏وانا إلى اليوم مدري وين ودتها .
َ

ان نسيتك طاري الود ذعذعه النسيم
‏وذكرياتك قد لها ايام تاخذ حقها
‏ٰ
‏والله انك يوم قفيت وضلوعي هشيم
‏و ودي اني قلت من حر بعدك وقها
‏ٰ
‏شوفني لاظلم الليل فـ الوقت العتيم
‏ولق وجهك صوب وجهي وعينك لقها
‏ٰ
‏بطلبك مدام قفيت يالجرح القديم
‏كل حاجه ترتبط بك ! فـ قلبي بقها ):
َ