‏تعال وتذرى بين غصن الرجا والياس
‏تحت جذع صدري لين توقف على حيلك
‏
‏بعدها تعرف إن الذهب ذاك كان نحاس
‏و لا فيه أحد كثري من الناس صافي لك
‏
‏على سور قلبي لا تغرك جموع الناس
‏ترا ما ورا بيبانه إلا .. مداهيلك ):
َ

‏لك العذر يا طيف المحبه عداك اللوم
‏أنا اللي هجرت وصرت في دنيتي لاهي

‏كساني زماني بالمشاغل وأنا مهموم
‏مثل ما كساك الخالق بزينك الراهي

‏لكن ما نسيتك لو نساني لذيذ النوم
‏عن الوصل والله ماني بداله و ساهي

‏أنا كيف أبنسى طيف حبك وأنا لليوم
‏تراودني الذكرى على كاسة الشاهي ):
َ

سمعت صوتش يا**** من عقب طول الانفصال
ماصدقت مسامعي صوتن عبر من عندها

وين الوعد يامن وعدت اصحاب قلبك بالوصال
ماهوب عيب انك تواعدها وتخلف وعدها ؟
#ابياتي🖋

‏أنا على حطّت يدك والله ما عندي جديد
‏أعاند أيامي .. بعد ماجاتني بـ عنادها

‏ما هو بـ يمكن فاقدك ، أنا فقدتك والأكيد
‏عاد العيون تغار وروحي في غرامك عادّها

‏تبقى الرسايل الأوّله أغلى وأعزّ من الوريد
‏رسايلٍ من قبل روحك ، يختلف ميعادها ):
َ

الله يزيّنها بعد عيّت تزين
‏طالت مشاوير الظروف المزعجه

‏الصبر مفتاح الفرج للصابرين
‏آمنت باللي كل ضيقٍ يفرجه

‏ياللي تعاتبني مزاجي ليه شين
‏الناس ما تختار نوع الأمزجه

‏في سلّم الأحلام واقف من سنين
‏أرقى درجه وأنزل ثلاثين درجه

‏وجهي طليق ومن طويلين اليمين
‏وش يمنع الدنيا ما تعطيني وجه ؟
َ

ايه انا لبيش لازم المحيط وطبش
وجعل ابوش النار وش داعي كثر تطنيشي

ان غدى عقلي من الخفرات والا طبش
دورو لي عند بيشه واذبحولي بيشي

يالهنوف اللي غرامش ظلم خافي ربش
لاتعزويت بغلاش ولانهض بي ريشي

والاجتياح الغاشم التي نفذه في حبش
ماقدرت اصمد بوجهه وانهزم بي جيشي

وانتي اربش على العهد القديم اربش
يابعد تمر الخلاص اللي ماهو بحشيشي

نبني من ونة الحزن الشقي مانبش
ابتسم للعرب واضحك ولكن فيه شي

والانا يلعب بي الشوق اللذي يلعب بش
ياتراحيب القريشي لالقاه قريشي

المشاعر من غلاش مزركلات وربش
بس قوديني على درواب الهوى بشويشي ):
َ

‏ياكثر ما اكرر على الناس واعيد
‏واشعر بـ فرحة ساكنه وسط صدري

‏تقرب من احساسي ومن عيني بعيد
‏واداري أيامي والايام تدري

‏تبقى النوايا البيض لا أصحابها عيد
‏مانزلت جاهي ولا طاح قدري

‏ولا قصيد الحب في باشة الغيد
‏عذري مع الأحباب ياناس عذري ):
َ

‏عّلي من صواديف الدهر ذالزمن صدوف
‏ولا بااح سدي لين بانت بيّ الخللللله .
َ

‏مرحبًا يا هوى بالي وغاية مراده
‏عد ما الشوق لك فالروح كفى ووفى

‏والله أن صوتك الطيب حياه وسعاده
‏ردت الروح في قلبي عقب ما توفى

‏العمر دون شوفك ؟ ماوراه استفاده
‏تشهد دموع عيني عن عذابٍ تخفى

‏أتلعثم وقدهي كل ما ألقاك عاده
‏ضاع كل الكلام ولا قدرت أتحفى

صدك اشد ؟ من وقت ذبحني اجهاده
‏ووصلك ألذ من طعم الرحيق المصفى

‏صدر مغليك عقب الصد شاف النكاده
‏مثل بيتٍ وسيع ونور سوره مطفّى ):
َ

كل المباني والسكك والممرات
‏وكل الديار اللي ربيت بوطنها

‏وكل الهياكل والملامح والاصوات
‏وكل القصايد والحروف ولحنها

‏تساوت بعيني مجرد فراغات
‏ماعاد اميّزها وأحس بثمنها

‏ضايق واعيش إوقات ماتحسب اوقات
‏اجامل احلامي واساير زمنها

‏خل الظروف القاسيه والخيانات
‏مافيه حاجه ماتضايقت منها

والنفس مابين الهوى والملذات
‏انا اللي أغواها وانا اللي سجنها

‏ويالي خذاك الحظ في رحلة اشتات
‏وخليتني والوقت يامر وينها

‏كل مانسيتك رحت اجدد علاقات
‏وكل ماتذكرتك تراجعت عنها ):
َ

‏مستحيل اسألك شاللي جاك مني
‏لاني أدري ماتجـي مني مضّـره

‏رد صـوتي لاترد العلم عـني
‏من لقا صوتي من أوتاره يجرّه

‏شي طبيعي لو ابي ابعد لأني
‏حالتي وياك ماهي مستقرّه

‏كل ماظنيت فيك يخيب ظني
‏كم مرّه انخذلت وكم مـرّه ؟

‏أتحلف لي في غلاتي وادري اني
‏مـاالي بقلبك ولا مثقال ذرّه ..
َ

ماعلمك طول الفراق اني كبير ؟
‏واني على كثر اشتياقي ما اتبعك

‏ماقلت لك قبل التمادي استخير ؟
‏خل العناد اللي غدا بك ينفعك ):
َ

‏أدعس على اللي ما يبي غير فرقاك
‏اللي يجيك بيوم ويغيب .. عشره

‏وخلك مع اللي ياصلك .. ويتمناك
‏واصغر طموحه .. يسعدك كل مره ):
َ

‏وليّس الهجَر يؤلمني ولكّن
‏ جمًال الذُكرياتِ يهُز قلّبي
‏ أخادَع حُزن روّحي بالتمْني
‏ فأين حنًانِ ذاك القلّب عّني .
َ

‏أعرف مكاني وترتيبي وتقديري
‏وما أطيح حتّى لو إنّي أحياناً أتعثّر

‏اللي خسرني هنيئاً له هوى غيري
‏واللي كسبني هنيئاً له .. وأنا أكثر ):
َ

الحبيب الي حلفت اني ماعاد امره
‏انكسر حلفيي ومريته مرور الغادي

‏كل ما اشتاقت عيوني رحت اشوف صوره
‏واتمقل في صوره وابتسم وانادي

‏واتغزّل واتخيّل وجنته محمره
‏والا انا في وادي لحالي وهو في وادي

‏ويوم جاني في منامي ميت من الحره
‏مزعله كثر الكلام وضحكي المتمادي

قال لا تضحك معاي ولا تعيد الكره
‏لين برطم واحتظنته من صميم فوادي

‏قلت له لك من ارضي خاطرك واسره
‏بس تكفى يا حبيبي لا تكدّر زادي

‏ابتسم لي مت من طعم الحياه المره
‏ابك انا من قبل اعرفك والله اني غادي

‏هذي اول مره ازعلك واخر مره
‏قال عادي ، قلت والله؟ قال والله عادي!
َ

‏أخفي عليك الحزن و الضحك تلفيقه
‏مـا أحن روحي لكن من ضيقك أحنك
‏ِ
‏يحير دمع العيون و ما هي . . تريقه
‏مدري وش اقول فيك ومدري وش كنّك
‏ِ
‏أشكي عليك الحزن ؟ ولا أشكي الضيقه
‏ولا أشتكي لك عليك مما حصل منك .
َ

‏كل مارفعت غالي على روس الهضاب
‏أتفكر بعد كم يوم واشوفه .. تحتتت ):
َ

#سنابيه☕️🖤.

‏الليالي عيفتني وانا طبعي عيوف
‏لين نفسي فضلت صبرها وسكاتها

‏شي من حدة مزاجي وشي من الظروف
‏ومتشبع من ضجيج العرب واصواتها.
َ

تو عمره فـ أوله مير الهموم تكبر
‏انشدوني عن صواديف الزمن وطعونه .!

‏الكلام الزين لكسور الزمان مجبر
‏اقصروا حبل الهروج الجارحه من دونه

‏جعل حزن الفقد عن ذاك القبال يدبّر
‏الحزن موحش وشفته في سواد عيونه

‏كل ماحاول يعبر مايعرف يعبر
‏الدموع تخون رمشه.. والكلام يخونه):
َ