انقلابـــــ روژآوا

🔳 خۆپیشاندانەکان گەیشتە ناوەندی ئێران و ڕۆژهەڵاتی کوردستان ■ درێژه له👇👇 ❑ انقلابــــ روژآوا https://t.me/enqelabrojava

🔳 خۆپیشاندانەکان گەیشتە ناوەندی ئێران و ڕۆژهەڵاتی کوردستان
⁨
📡 رۆژنیوز

❑ خۆپیشاندانەکانی خوزستان لە هەشتەمین شەویدا درێژەی پێدراو و گردبوونەوە و ناڕزانیەتیی دەربڕینەکان گەیشتە شارەکانی ناوەندی ئێران و ڕۆژهەڵاتی کوردستان.

❑ شەوی ڕابردوو لە بەردەوامیی خۆپیشاندانەکان لە پارێزگای خوزستان، سەرەڕای هێنانی هێزێکی زۆر لەلایەن دەسەڵاتەوە و بڵاوەپێکردنیان لەناو شارەکان و هەروەها پچڕانی هێڵەکانی ئینتەرنێت، بەڵام خەڵک لە چەندین شاری ئەو پارێزگایە هاتنە سەر شەقام و دژی دەسەڵات خۆپیشاندانیان کرد.

❑ هەرچەند ئینترنێت لە زۆربەی شارەکانی پارێزگای خوزستان پچڕاوە و دەرفەتی بڵاوکردنەوەی هەواڵ و دیمەنی خۆپیشاندانەکان زۆر کەمە، بەڵام بەپێی ئەو دیمەنانەی دەستکەوتووە، شەوی ڕابردوو لە شاری ماهشەهر هێزەکانی دەسەڵات بە شێوەیەکی دڕندانە هێرشیان کردووەتە سەر خەڵک و ژمارەیەک کەسیان کوشتووە و بریندارکردووە.

❑ زانیاریی سەچاوە هەرێمییەکان باس لەوەدەکەن کە لە چەندین شاری پارێزگای خوزستان هێزەکانی دەسەڵات بە زرێپۆش و ئۆتۆمبێلی تایبەتەوە چوونەتە ناو گەڕەکەکانی ئەو شارانەوە و لە بەرامبەردا گەنجان لە چوارچیوەی پاراستنی ڕەوادا بەرگرییان لە خەڵک کردووە و پێکدادانێکی قورس ڕوویداوە، بەڵام بەهۆی نەبوونی دەرفەتی ناردنی هەواڵ و دیمەن، هێشتا هیچ ئامار و زانیارییەک لەسەر ئەو هێرشانە دەستنەکەوتووە.

❑ هەروەها بەپێی دیمەنەکان، خۆپیشاندانەکان بە شیوەی گردبوونەوە لە پارێزگاکانی ئیسفەهان و ئەلبورز لە ناوەندی ئێران و پارێزگاکانی لوڕستان و کرماشان لە ڕۆژهەڵاتی کوردستان درێژەیان پێی درواوە.

❑ ئەو دیمەنانەی لەسەر تۆڕە کۆمەڵایەتییەکان بڵاوبوونەتەوە، باس لەوەدەکەن کە لە شاری ئەلیگودەرز سەربە پارێزگای لوڕستان، خۆپیشاندانێکی گەورە و بەرفراوان دژی دەسەڵات و بۆ پشتیوانی لە خۆپیشاندەرانی عەرەب و لوڕ لە پارێزگای خوزستان بەڕێوەچووە.

❑ بەگوێرەی زانیارییەکان و دیمەنە بڵاوکراوەکان، هێزە ئەمنییەکان بێ دەستپاراستن، بە شێوەی ڕاستەخۆ تەقە لە خۆپیشاندەران دەکەن، کە لە ئەنجامیدا بەپێی زانیارییە دەستپێکەکان دوو گەنج لە ئەلیگودەرز کوژراون و ژمارەیەکی زۆر برینداربوون.

❑ هەروەها بەپێی ئەو دیمەنانەی لە کرماشانەوە دەست ڕۆژنیوز گەیشتووە، خەڵکی کرماشان لە چەند گەڕەکی ئەو شارەدا دژی دەسەڵات و بە پشتیوانیی لە خۆپیشاندانەکانی خوزستان بە شیوەیەکی جەماوەریی و ئاشتیانە هاتوونەتە سەر شەقام، بەڵام هێزە ئەمنییەکان دەسەڵات بۆ بڵاوەپێکردنیان تەقە دەکەن و هێزێکی زۆریان لەو شارەدا بڵاوپێکردووە.

❑ ئەمە لە کاتێکدایە کە دەسەڵاتی ئێران لە ترسی تەشەنەکردنی ناڕەزایەتیی و خۆپیشاندانەکان بۆناو شارەکانی دیکە، لە زۆربەی شارەکان هێز و زرێپۆشی تایبەتی بڵاوکردووەتەوە.

❑ انقلابــــ روژآوا
https://t.me/enqelabrojava

3.06K views12:52