103 يوم وتبدأ امتحانات الفصل التاني الجامعي

أحد الاستاذة نشرة صورة لأحد الجلسات التدريبية للمهندسين العمارة

اذا بدنا نجمع طلاب الخامسة بالهندسة الميكانيكية بكافة الاختصاصات بكل الجامعات السورية يا دوب يوصلو لهاد العدد

انك تفتح بزنس خاص فيك بمجال الهندسة والمقاولات من أصعب الأمور وبدك راس مال كبير ومشروع فيو ربح كبير ومخاطرة كبيرة
ممكن تفتح شركة وتكون بحاجة تدفع شهريا ٦٠٠٠ دولار رواتب موظفين مع اجار بيت

وهاد الرقم حتكون موظف ١٠ موظفين


تخيل انو مرق عليه ٣ اشهر ومافي مشاريع بين ايديك ١٨ الف دولار حطيتن من جيبتك

وبعد تسلمك اول مشروع فبدك تدفع من جيبتك حق المواد وممكن تكون دافع ٥٠ الف دولار ولسا ما واصلك ولا ليرة فحجم تحملك لازم يستوعب ١٠٠ الف دولار


العمل الحر مالو سهل بنوب

في سوال بدور بال اغلب يلي تخرجو ليش ما دخلو سوق العمل

القصة انو كل يلي دخلو سوق العمل توظفو قبل ما يتخرجو 😁

يعني بالمختصر شهادتك مالها اي داعي مهاراتك وعلاقاتك يلي بدخلك لسوق العمل

سلام لارواحكم النجسة
بمناسبة عيد الجيش المهزوم ٦ ايار

🟩واحد من المتابعين مالو مقتنع انو الشهادة مو أساسية بتوظيف بالقطاع الخاص

🟦بشمهندس انا ضليت اشتغل ٤ سنين بالسوق بدون شهادة وتخرجت من شهر ونص


بنسبة لموضوع الشهادة العائق الوحيد يلي كنت واجهو هو استغلال الموضوع من بعض أرباب الأعمال ليفاوضوني عراتب رغم هاد كنت اطلب يلي بدي واجبرو بخبرتي يتفاوض معي على الرقم يلي بلاقي مناسب

بأحد مقابلات العمل تجاوزت المقابلة الاولى الفنية
المقابلة التانية يلي هي المفاوضات على الراتب الإدارة طلبت مني رقم رغم انو عالي مقارنة بغير وظائف ولكن ما ناسبني وطلبت اكتر


كان الجواب انت حنسجلك خريج ٢٠٢٥ وحنسجلك دورة ريفيت على حسابنا بظن صعب نعطيك الرقم يلي ببالك ونهيت المقابلة

بعد اسبوعين بيتصلو فيني لاعمل مقابلة ولكن كانت النبرة مختلفة

سائلين عني وكل يلي سألوهن عني زكوني والمدير الفني يلي عمل المقابلة الفنية كان مصر اني كون ضمن الفريق

طلبت رقم عالي وعطوني يا وبعدها اعتذرت لأسباب خاصة

رغم عدم وجود الشهادة ولكن الخبرة وقوة التفاوض قادر تاخد يلي بدك يا

صح حكينا كتير عن العلاقات ولكن في مهارة التفاوض لازم الكل يتقنها بتفيدكن بعدة أمور

التفاوض أثناء مقابلة العمل
التفاوض على الترقيات
التفاوض مع الموردين
التفاوض مع الورشات


المكاسب الحقيقية والكبيرة واقفة على التفاوض إنما العلاقات هي بداية الطريق وصلة الوصل بينك وبين الفرصة لتباشر تفاوض وتطلع بنتيجة مرضية

نشالله نكون عملنالكن محتوى مفيد خلال المدة الأخيرة ولكن حاليا مضطرين نوقف النشر على القناة بالمواضيع يلي تناولناها بهي الفترة عن سوق العمل والفرص وما إلى ذلك بسبب قلة الوقت
حاولنا نضوي على الجانب الإيجابي بالهندسة يلي اغلب الناس بتخفي ونعطي نصائح من خبرتنا العملية
قد نصيب وقد نخطأ

حيرجع النشر متل ما كان ببداية افتتاح القناة... محتوى مفيد ومناسب يتعلق بالهندسة

بنهاية بتمنالكن كل التوفيق ونشوفكن احسن مهندسين

شكراً إلك أستاذ سليم
كان المحتوى مفيد ومنتمنالك كل التوفيق