قسم هندسة الحاسب الالي

1.54K viewsRitaj Ali, 12:08

EC201 (أنظمة ودوائر كهربائية 1 / Systems & Circuits 1:)
تعتبر مفتاح القسم وبدايتك فيه وبيها تتعرف على أساسيات الدوائر الكهربائية وكيف تحلهم وشن العناصر اللي تتكون منهم زي المقاومة
والمكثف والملف والمصادر المستقلة والتابعة وتنتهي في الأخير بالفرق بين التيار المستمر والمتردد وكيف تحللهم.

في السيركت في قسمنا الحاسب غالبا الدكتور يعطي من كتاب جيمس ومعاه كتاب الحلول تبعه، كتاب قوي لكن ننصحكم ايضا بلوستاد يفيدكم هلبا القدام،

والإنجليزي عموما بسيط مصلحات فقط في الأخير انتم بتركزوا على حل المسائل فقط وبتفوتوا الدش،
المصطلحات اللي بتقروها بتلقوها القدام لهذا اتعبوا على روحكم بكري ترتاحوا القدام.
وايضا لازم تحسنوا لغتكم الإنجليزية، ساهل تعلم اللغات مش صعب يبي حد عنده همة فقط ويبارد ويبذل جهده.
وهلبا يشكوا من صعوبة الترجمة الحل نزل اضافات مثلا اضافة edge Translate في متصفح edge تسهل عليكم الترجمة بسرعة.

والمنهج نفس المنهج اللي في الكتاب جيمس يعطوا فيه بالترتيب ماعدا تشابتر 5 ملغي،
ومرات يعطوا تشابتر 9 قبل 7 و 8 كل دكتور ونظامه كيف.
المسائل اللي في الكتاب تفهمك،
، والبروبليم تلقوا حلولها في كتاب الحلول، اطلعوا على اغلبية البروبليم وتمشي اموركم فاها، والسيركت تبي وقت وفهم وحل واحضروا مع الدكتور ديما بتركيز وركزوا معاه،بتوفروا على روحكم هلبا عناء ووقت لو ركزتوا في المحاضرات على السبورة،
وحاولوا متكتبوش الا الملاحظات،
وصوروا وحلوا المسائل بروحكم بعد متروحوا، راه الضيعوا وقتكم في كتابة التمارين في الأخير الكتاب فيه هلبا تمارين دير مذكرتك منه.

وشن تبي السيركت؟
تبي الة حاسبة المصفوفات ضروري السيركت.
تبي جهاز تفتح بيه البي دي اف يحتوي على مترجم فوري انصح بمتصفح ايدج اضافة ادج جدا لأنه اغلب الطلبة يشكوا من الترجمة تاخد وقت.

شن هيا السيركت؟
هى عبارة عن طرق لحل الدوائر الكهربائية وفيه اكثر من طريقة كل واحد ياخد الطريقة اللي تجي في باله والطرق مشتقة من قانون اوم و kvl kcl.
لكن في الإمتحان انت مطالب تحل بالطريقة اللي يطلبها والخطوات مهمة علاها اغلب الدرجات حتى لو مطلعتش ولا ناتج صح الخطوات في السيركت تخليك تصفاها.

ركزوا على تشابتر 2 وطالع وبالذات 4 و 7 و 9 ،

تشابتر 3 و 4 اساسيات والطرق زي المش والنودال يجيبوا منها دائما، وعلاها اغلب الدرجات، وبتلحقك في القسم.

ويجيبوا منها في لافكار لهذا عودوا روحكم كيف تحلوا الأفكار باش متحصلش في الإمتحان ولو مريت على البروبليم وفهمتهم بتكون كل الأفكار مار عليهم وتقدر تحل ب اذن الله.
اي السيركت تعتمد على الرياضيات والتفكير المنطقي وحل المشكلات.

في تشابتر 1 و 6 اللي يجيبوه من السبورة غالبا لهذا صوروا السبورة دائما.

وفي السيركت عودوا روحكم تحلوا بسرعة وبطرق منطقية وهذا مايجيش الا بالممارسة وحل المسائل ويفضل تحلوا هلبا على فترات باش تزيد تثبت الطرق، التكرار مهم يزيد خبرتك في الشيء ويخليك تتطور.

السيركت هيا اساس القسم تفتحلك الديجيتال Ec381وEc310 لازم تصفاها.

وهذه قناة فاها مراجع للسيركت
https://t.me/Ec201_eng

وحنزل الفترة القادمة شن محتوى الكتاب بالتفصيل.

❤‍🔥2❤2👍1

1.26K viewsRitaj Ali, 12:08

قسم هندسة الحاسب الالي

تكملة على السيركت
تقدروا تقروا من هلبا مراجع السيركت نفسها،
المهم الإستمرارية والمتابعة في مكان واحد وعدم التشتيت،
وافضل طريقة لدراستها كتاب جيمس وحل اغلب الأفكار والمسائل البروبليم اللي فيه والمتابعة مع الدكتور واسئلة امتحانات سابقة، ولكن فيه كتاب بوليستاد قوي حتى هوا المهم نصيحة لازم تقراها من احدى هذه الكتب والسليوشن امتعها،
والسيركت نظامها زي الرياضيات تفهم من الدكتور او اليوتيوب وضروري من الممارسة والحل ب الإيد والتطبيق وتعود روحك كيف تفكر وتحل بطرق منطقية في السيركت.

الفرق بيننا والكهربائية دروس اقل وامتحانهم اسئلة هلبا ونحن دروس اكثر واسئلة أقل في الإمتحان لكن فاها افكار.

ومقرر ميستحقش كورس لو تابعتوا مع الدكتور وركزتوا معاه، رد بالكم من الغلطلة اللي يغلطوا فاها اغلب الطلبة يمشوا يحضروا بس او يكتبوا بس، لهذا حاولوا تفوتوا اي شيء يشتتكم في المحاضرات وركزوا معاه بس، ويفضل تجو بكري باش تخشوا في جو المحاضرات، واكتفوا بكتابة الملاحظات في المحاضرات،
وايضا الدرس اللي تاخدوه روحوا راجعوه، وحلوا عليه تمارين لأنه معتمدة على بعضها، لو حليتوا كل يوم مسائل ب اذن الله حتمروا على اغلب الأفكار وتفهماها كويس.
والسيركت من وجهة نظري متسحقش تحضير يكفي تفهم دروسك اللي فاتت شيء مهم جدا، وايضا أقرأ اول ب اول بعد المحاضرة وحلوا مسائل من الكتاب المقرر.
ونصيحة راه تمشوا بكلام اي حد ويقولك اقرئ اليوتيوب وتصفى، راه مقرر يبي وقت وجهد وممارسة وحل ب الإيد، نظامه نفس الرياضات بالظبط.

❤4

1.02K viewsRitaj Ali, 12:08

قسم هندسة الحاسب الالي