كملو عطلتكم في سلام 😉🤏🏻

بجديات ما تخلوش الاعتصام يبخلكم حاولو تتعلمو لغة برمجة أو طورو لغتكم الانجليزية هذا الي جانب أبدو في القراية المواد العامة ننصحكم تبدو فيها على الاقل تخش عليكم القراية مرتاحين هادي نصيحتي ليكم استثمرو وقتكم لأنها الباين معطلة ….

للشباب الي بتقرا لغة انجليزية او المانية او اي لغة ثانية التطبيق هذا حيفيدكم جدا.
وعن تجربة نحكيلكم تطبيق تعليم لغات تفاعلي وفيه هلبا مميزات اني جربت هلبا برامج وكورسات وووووو لكن هذا التوب ف اللي جربتهم وموفقين جميعا

اما الي يبي يقرا برمجة ف نصيحة حتى من تلفونك تقدر را.
هذا الرابط لسلسلة استاذ طارق العبد في يوتيوب يعلمك اساسيات لغة برمجة ++C واني شخصيا قريت منه لذا عن تجربة هذي برضو😂
https://youtube.com/playlist?list=PL0vtyWBHY2NXXdrLompmAnxOaEfcAVmQi&si=T5PuRVe385_E2UMX

للطلبة اللي ما سجلوش في المنحة …

الدرجات والطعون تعدلو ف المنظومة خشو شوفوهم

الطبيعة لقيتها تعدلت حتى هي
شوفوها درجتين زادوني .

ربي يوفقكم

" اللهم لا ترفع لليهود في القدس راية، ولا تحقق لهم غاية واجعلهم للناس آيه 🇵🇸
"

#كلية_الهندسة

﴿وَاذْكُر رَّبَّكَ كَثِيرًا وَسَبِّحْ بِالْعَشِيِّ وَالْإِبْكَارِ﴾

- «سُبْحَانَ اللهِ»
- «الحَمْدُ للهِ»
- «لَا إلَهَ إلَّا اللهُ»
- «اللهُ أكْبَرُ»
- «سُبْحَانَ اللهِ وَبِحَمْدِهِ»
- «سُبْحَانَ اللهِ العَظِيمِ»
- «لَا حَوْلَ وَلَا قُوَّةَ إلَّا بِاللهِ»
- «أسْتَغْفِرُ اللهَ وَأتُوبُ إلَيْهِ»
- «لَا إلَهَ إلَّا أَنْتَ سُبْحَانَكَ إنِّي كُنْتُ مِنَ الظَّالِمِينَ🍃
- الصلاة والسلام على رسول الله صلى الله عليه وسلم 🍃

سورة الكهف _ عمر بن ضياء الدين

اعــــــــــــــــــــــــلان هــــــــــــــــــــــــــام
تنسيب الطلبة المنسبين الحدد من العلوم التمهيدية لكلية الهندسة للاقسام العلمية للفصل الدراسي خريف 2023 على الرابط الالكتروني التالي:
https://drive.google.com/file/d/1sYIM9Iw_G2yS568v2oFG5-QVKEH3NCQa/view?usp=share_link

---------------------------------------------------------
اقل عدد نقاط لتنسيب لقسم الهندسة الكهربائية 1297نقطة
اقل عدد نقاط لتنسيب لقسم هندسة النفط 1135 نقطة
اقل عدد نقاط لتنسيب لقسم الهندسة المدنية 1101 نقطة
اقل عدد نقاط لتنسيب لفسم هندسة الحاسب 1212 نقطة
اقل عدد نقاط لتنسيب لقسم الهندسة الميكانيكية 1021 نقطة
بقية الاقسام بالامكان الانتساب اليها بانجاز المقررات المطلوبة من القسم والتي سبق نشرها بغض النظر على عدد النقاط

شن صار فيكم جيتو وين ما تبو ؟

هون على قلبك فما اراده الله حتماً سيكون لك وما لايريده لن يكون ، أعلم انك تجهل حكم الله فِ هذه الاسباب البليغه لأنها فوق إستيعاب العقل البشري ، لاكن في نهايه الامر لن يضر الله قلبك إطمئن .

أشياء تحتاجها كطالب حاسب آلي-بعضها للكهرو برضو-.

الأساسيات:

-الإيميل الجامعي.

الإيميل الجامعي شي يثبت أنك طالب ويكون امتداده edu وحيفيدك جداً، وكونك طالب دائماً تلقى عروض خاصة بينا زي تخفيضات على برامج مدفوعة -ومرات تكون مجانية بس لأنك طالب-، استضافات مجانية للمواقع، حق الوصول لكتب مدفوعة أو مقالات أو أبحاث، المشاركة في مؤتمرات ونشاطات أونلاين خاصة فقط بالطلبة.
والمهم والأهم حالياً تفتح حساب مايكروسفت بيه باش تستخدمه في برنامج التيمز.

كيف يولي عندك ايميل جامعي؟
خش على هذا الرابط ودخل بياناتك
http://cloud.uot.edu.ly/register/student/
المفروض يوصلك ايميل والباسورد بعد شوية أيام، لو موصلكش برا لمكتب المعلومات والتوثيق في المبنى الإداري 2

-برنامج Microsoft teams.

بإختصار هو نسخة مايكروسفت للـzoom، عن طريقه يتم التواصل مع الدكتور.

نزلوه عن طريق:
جوجل بلاي

أب ستور

على اللابتوب

-برنامج Microsoft Word.

لو معندكش لابتوب، نزله على التلفون تستحقه في كتابة التقارير.

على:
جوجل بلاي

أب ستور

-محرر أكواد.

تقدر تستخدم محرر أونلاين منغير ما تنزل برنامج على لابتوب أو التلفون -لاكن مننصحش لأن ضروري تتعود على التعامل مع الملفات بنفسك ولو بتجيب مكتبات حتقابلك أشياء تحصل فيها تهمك-.
من اهني للغة الـC

تنزيل محرر أكواد:
على اللابتوب -لكل اللغات-.
Codeblocks

على التلفون -خاص بلغة الـC-.

للأندرويد، على جوجل بلاي.
coding c

للـios، على أب ستور.
c compiler

-مترجم ملفات pdf.

المنهج حيكون بالإنجلش وقد تحتاج ترجمه.

1.إضافة للـgoogle drive -يترجم الملف كامل عيبه حجم الملف مُقيد-.
document translator

إضافة لمتصفح Edge -تحدد الجملة وترجمها فوري-.
Edge translate

إضافة لمتصفح chrom -تحدد الجملة وترجمها فوري-.
google translate

-زبيب ولوز.

كثرو منهم باش يصير منكم.

حاجات مُفيدة:

-كتب إلكترونية.

Goalkicker
موقع فيه كتب جداً جداً كويسة لما تبي اطور من نفسك يفيدك.

-مواقع تعليمية.

أكاديمية حسوب.
موقع جداً حلو وفيه مقالات جداً مفيدة، من المصادر العربية القليييلةة جدااااً في مجالنا.

Stack overflow
حيفيدنا جداً في المواد البرمجية أي مشكلة تحصل فيها حتلقى من حاصل فيها قبلك وتحصل الحل.

tinkercad
موقع لمحاكاة الدوائر الكهربائية والإلكترونية، تستحقه لو عندك عملي أو تبي اطبق الي قريته وتزيد تفهم تحت ظل الفقر الشديد للمعداة والأدوات عندنا.
وفي موقع تاني توا نضيفه لما نتفكره.

حطيت الكويس الي نعرفه اي حد عنده حاجة كويسة تفيدنا يقولي نضيفها ❤️.

قنـاة تحتوي على أسئلة سابقة ل مقررات #هندسة_الحاسب_الالي

https://t.me/computer2004ra