ملفات الشرح المستخدمه ف المحاضرات

https://github.com/Eng-MohammedReda/SOFTWARE_DESIGN_PATTERNS_PPT

*مبارك عليكم شهر رمضان 🙂*
❤🌙 _كل عام وأنتم بخيـــــر_🌙❤
🌙🕌 بلغنا الله وإياكم صيام هذا الشهر المبارك وقيامه 🤲🏻

*عيدكم مبارك*

كل عام وأنتم بصحة وعافية وسلامة وإيمان، وأعاد الله علينا وعليكم العيد وعلى المسلمين أجمعين بوافر الخير والعطاء.

تقبل الله منا ومنكم الصيام والقيام وصالح الأعمال

*محمد رضا*

رابط ال
Github
لكل الامثلة في الشروحات

https://github.com/Eng-MohammedReda

دي رسالة من الزميل Ahmed Mokhtar، عجبني جدا انه قدر يستفيد من الشرح ويطبقه في مشروع عملي و معقد مثل ال 3d modeling

حبيت اشارك الرسالة في بوست هنا افضل ما تضيع في التعليقات
برافو م احمد
نص الرسالة هو
***********************************
اولا شكرا جزيلا لك مهندس محمد رضا على الكورس الاكثر من ممتاز وبه بعض التفاصيل التى نادرا ما يقوم احد بشرحها واحببت انا أشارك التجربه ومدى الاستفادة الى الجميع .


كان عندى مشروع 3d model واستخدامت flyweight pattern

طب ليه استخدامت pattern ده بالذات

يسمح هذا النمط بمشاركة نفس البيانات. بدلاً من إنشاء object جديد في كل مره

طب هيفرق فى ايه

معنى كده أن memory هتقل ، لان دلوقتى يتم تخزين البيانات المشتركة في موقع واحد ويتم الرجوع إليها بواسطة multiple objects

على سبيل المثال

إذا احتاجت فى أحد التطبيقات إلى عرض 1000 صورة متطابقة على الشاشة فإن استخدام نمط Flyweight سيسمح للتطبيق بإنشاء instance واحد لبيانات الصورة ومشاركتها عبر جميع objects الصور البالغ عددها 1000 ، بدلاً من إنشاء 1000 instance منفصل من بيانات الصورة و طبعا كل واحد يشغل memory

اخر حاجه pattern ده اشهر استخداماته فى

1-rendering engine
2-gaming engine
3-text editor
4-database in case used to store shared metadata

وصلني استفسارات كتير من نوعية ازاي نقدر نستكشف مشاكل الكود ونفكر ف الحل المناسب او ال
Pattern
المناسب
===========================
النوع ده من الاستفسارت الاجابة عليه تكمن في كلمة واحدة فقط
وهي
الممارسة
الممارسة ثم الممارسة ثم الممارسة

لو قرأت ١٠٠ كتاب و تابعت ١٠٠٠ محاضرات اي كان من المحاضر
ولم تمارس بنفسك، فلن تجد اي نتيجة
انما لما تجرب وتغلط وتجرب تاني وتسال وتجرب تالت وتنجح هتلاقي نفسك بعد كده بتشوف المشكلة وتلقائيا بتعرف الحل او التصرف المناسب

قطعا في خطوات نمشي عليها او قواعد نراعيها غير ال
Solid
و دي عشان تضمن لك بشكل اكبر انك تتفادي اكبر كم المشاكل وخصوصا مشاكل مابعد التشغيل الفعلي للنظام

ان شاء الله هنبقي نتكلم عن عدة مبادئ لو طبقناها هنتفادي كم كبير من المشاكل
وهتسهل كتير حلها

دمتم بخير

منقول من قناة تكنولوجيا:

امبارح جوجل عملت مؤتمر ساعتين
وقد يكون واحد من أفضل مؤتمراتها من فترة طويلة..

يلا بينا 💨 🚗

🤖البداية كانت مع منافس جوجل المباشر قصاد ChatGPT
واللي اسمه Bard
مبقاش فيه قايمة انتظار
الخدمة مفتوحة للكل في 180 دولة (bard.google.com)
قريب هيدعم 40 لغة منهم العربية
بيعمل صور مع Adobe Firefly من الأوامر النصية
بقى فيه كمان دارك موود
بيفهم صور.. يعني تسأله بنصوص وصور
يرد عليك عادي بنصوص وصور بسهولة جدا
جوجل عملت شراكات مع OpenTable/Khan academy / Wolfram / Instacart عشان تخلي بارد يقدر ينافس بقوة "بينج شات" و"شات جي بي تي"
كمان Bard يقدر يتداخل مع خدمات جوجل زي
انه يعمل export لاجاباته مباشرة جوا ايميل جيميل او وورد على Docs او جداول في Sheets أو يعرض اجاباته عن سؤال للأماكن مباشرة على خريطة من Maps في قلب الشات!

🔍دلوقتي مع السيرش🔍
بصراحة كنت قلقان جوجل تتأخر أكتر
من كدا في إطلاق الذكاء الاصطناعي في
قلب جوجل سيرش، لان اكتر من كدا كان
بينج بتاع مايكروسوفت هيركب ويدلدل
على عرش سوق السيرش في العالم..

جوجل سيرش جاله حاجة اسمها AI Snapshots
ودي ياسيدي ميزة "تجريبية"
لما تيجي تسيرش ف جوجل كالعادة
هتظهرلك مساحة تحت بوكس السيرش
فيها إجابة تلخيصية تقدملك معلومات مركزة عن اللي بتسأل عنه..
تحت المساحة دي فيه أسئلة إضافية
تخليك تتعمق ف البحث ف الموضوع
لما تدوس عليها او على زرار Ask a followup
هتتنقل تماما الى شاشة تانية واخدة
شكل الشات بقى "على طريقة بينج"
وتبدأ تسأل والسيرش يظهرلك معلومات
عن اللي أنت عايزه..
بس جوجل مقتلتش روح جوجل سيرش
يعني الموضوع مش هيتحول بالكامل لشات بس
لا ده هيبقى ميكس بين الشات وبين
نتايج البحث اللي تفيدك..
فمثلا لو بتسيرش على منتج، هتقدر
تكتب وتشأل ويترد عليك وف نفس الوقت
جمب الاجابات هيظهرلك مصادر ترجعلها
ده غير انك تقدر تشوف المتاجر اللي عارضة المنتج وأسعاره والعروض..

عايز ترجع وتشوف نتايج السيرش العادي🤔

سهلة، اعمل سكرول داون هترجع تاني
ودي بالمناسبة نفس طريقة بينج شات بالمللي

اللطيف برضو ان جوجل قدمت حاجة
اسمها Perspectives ودي بتخليك تشوف
زوايا مختلفة للموضوع اللي بتسيرش عليه..

والميزة دي مش مخصوصة لشكل
السيرش الجديد، لا دي للسيرش التقليدي كمان..

فخلال الاسابيع الجاية، لما تعمل سيرش
خصوصا من الموبايل، هيظهرلك تصنيف
جمب الصور والاخبار والفيديوهات اللي
بتبقى فوق نتايج البحث عشان تصنفها،
هيبقى فيه Perspectives، وده لما تختاره
هيجيلك كومنتات من السوشيال ميديا و
فيديوهات من تيك توك وكمان بوستات من
ريديت واي سوشيال ميديا، الغرض الظاهر
من الميزة دي ان جوجل تقدملك تجارب ناس حقيقية مع الموضوع اللي بتسأل عنه،
أما اللي مقلتهوش جوجل هي ان الميزة دي
هتخف شوية من اتجاه صغار السن والمراهقين ناحية انستجرام وتيك توك عشان يستخدموهم كمحركات بحث بديلة لجوجل سيرش اصلا.. فكدا حرفيا جوجل بتضربهم بأيديهم! 😅

طبعا جوجل منسيتش تطمن المعلنين🤑
جوجل قالتها صريحة انها بتفكر ازاي
تعرض الاعلانات جوا ميزة Snapshots الجديدة، ولحد ما ده يحصل، الاعلانات هتفضل ف أماكنها عادي ف نتايج السيرش بالشكل التقليدي، وهيبقى مكتوب بوضوح عليها Sponsored 🫡

قدرات السيرش الجديدة جوجل سميتها SGE أو Search Generative Experience وتقدر تجربه دلوقتي لو اشتركت في برنامج اختبارات السيرش الجديدة Search Labs واللي تقدر توصلها وتشترك من هنا g.co/labs من جوجل كروم على الكمبيوتر أو من أبلكيشن Google app على أي موبايل..

🤖 نيجي بقى للـDuet AI 🤖

ده ياسيدي مساعد شخصي ذكي من جوجل
هتقدمهولك في قلب عيلة خدماتها المكتبية Workspace
بس جوا كل واحد فيهم ليها وظيفة مختلفة..

📃 جوا Docs
المساعد اسمه Sidekick
وده وانت بتكتب أو تعدل في أي تيكست
المساعد طول الوقت بيقترح عليك تعمل ايه
وتكمل ازاي اللي بتكتبه، وانت تختار أنهي تعديل يتعمل
وطبعا القرار في الأول والآخر ليك في التحرير والشكل النهائي للمحتوى..

📃 🖼 جوا Slides
المساعد برضو اسمه Sidekick
وهنا بيساعدك تعمل البرزنتيشن
بيسهل عليك تكتب تيكست من شوية ملاحظات بيحولهالك نص كامل
كمان لو نسيت تكتب ملاحظات ليك تشوفها في تقديم البرزنتيشن أو
اللي هو Speaker Notes..
بس اسمه بيتغير مع الصور ويبقى Help Me Visualize
واللي بيعمل عظمة في تصميم الصور بمجرد أوامر نصية من خلال منصة DALL-E الذكية المدمجة في قلبه..

📝 جوا Sheets
هنا اسمه Help Organize
فتقدر تعمل جداول جديدة تماما من قلب جداول بيانات موجودة
بحيث تقدر تنظم الداتا بشكل واضح..

🤖كمان كان فيه مزايا AI للايميلات والخرايط والصور🤖

📧جوا جيميل
فيه Help Me Write
ميزة بتكتبلك ردود على أي إيميل يجيلك حسب التفاصيل اللي جايالك
كمان تقدر تخليه يضيف ويطول في الايميل أو يقصر ويلخص وكمان
ممكن تخليه يحسن أو انت اللي تدخل بايديك وتحرر وتغير وتضيف..

كل عام وانتم بخير
تقبل الله منا ومنكم صالح الاعمال