اليوم ب١١ امتحان بمسائل ثابت الاتزان

عدكم سؤال أو شي ما فاهمي على مسائل حساب ثابت الاتزان
علمود اليوم العلاقة بين Kp و Kc

😭😭😭استاذ الحكلي😭😭😭
شكد أقره الفصل الثاني و مدا أفهمه
ما اعرف شلون احل السؤال😢
اقرة الملخص و بعد ميوكف بوجهك سؤال 👇
لازم تعرف كل سؤال شلون تفهمه عملود تعرف طريقة حلة
  💣تهكير الفصل الثاني 💣
النوع الاول :هو اذا ناطيني التراكيز كلها عند الاتزان و يريد الثابت فهذا نوع اول
نعوض التراكيز بقانون الثابت و نجد الثابت
         🧪🧪🧪
النوع الثاني: ينطي الثابت و
ينطي التراكيز الابتدائية و يطلب النهائية أو
ينطي التراكيز النهائية و يطلب الابتدائية
🧪🧪🧪🧪
خطوات الحل :
1️⃣اول منقرة بالسؤال الحجم اذا لتر واحد
فالتركيز =عدد المولات واذا ذكر الحجم اكثر من لتر (مثلا 5L) لازم نستخدم  M=n/v
2️⃣بعدها تقرة السؤال لحد جملة يصل التفاعل الى حالة الاتزان و توكف
تكتب المعادلة و تحتها الفرضية
💥اذا ذكرلي وحدة من هي الكلمات (خلط، ادخل،مزج،وضع،سخن، قبل التفاعل) ويمها رقم نعوضها بالحقل الأول
💥اذا ذكر ( تحلل، تفكك، استهلك،تفاعل) و يمها رقم هذا الرقم تأخذه وتساويه وية قيمته بمرحلة التغيير
💥 اذا ذكر المتبقي او ما تبقى ويمها رقم تأخذه و تعوضه بالتراكيز النهائية للمتفاعلات
واذا ذكر المتكون او الناتج ويمها رقم تأخذه و تعوضه بالتراكيز النهائية للنواتج
و بعدها تعوض و تخلي مجهول واحد فقط وتعوض بعلاقة الثابت و تطلع المجهول
🗨💫💬
الملاحظات والقوانين المهمة
🧪اذا ذكر مولات متساوية تعوض ثنينهم y
🧪 اذا ذكر مولات مختلفة تعوض واحد a و الثاني b
🧪اذا ذكر مادة ضعف الثانية تعوض وحدة y والثانية 2y
🧪 اذا ذكر عدد مولات او غازات كلية ويمها رقم تجمع الحقل الاخير و تساوي للرقم
🧪اذا ذكر نصف(1/2)او ربع(1/4) كمية الغاز قد تفككت شكد كمية الغاز تقسمها على ٢ اذا نصف او على ٤ اذا ربع
والناتج تساوي لمرحلة التغير
🧪 اذا أعطى كتلة و طلب ظغط نعوض بالقانون P=mRT/MV
🧪اذا يكول تم تسخين كمية من فلان مادة
ترة الكمية مجهوووولة يعني تفرضوها y
🧪انتبهو المتفكك او المستهلك من يا مادة مو تعرفون انه هي حالة تغير وتجون تعوضون للمادة الغلط😤
     🧪🧪🧪🧪🧪
النوع الثالث ينطيني نسبة مئوية
اطبق القانون
المتحلل(x)= التركيز الابتدائي × النسبة المئوية / 100%
بعد ماطلعت قيمة x نحل السؤال بس يبقى تعويض و حل

https://youtu.be/6zROyA9m0h4
يرجى الاشتراك بالقناة و تفعيل وضع الجرس

سلام عليكم الاحيائي باجر الصبح عدكم امتحان بالعلاقة بين Kc و Kp ان شاءالله

للاستفادة
اذا عدكم احد صف ثالث

هذا سؤال ٤ باختبار امس
وطلاب سألوني معرفوا يحلوا
يعجبكم اصور درس على أسئلة وزارية
لان هم بيها افكار ممطروقة 💣

https://youtu.be/kKMjqz80weA
يرجى الاشتراك بالقناة و تفعيل وضع الجرس لتصلكم المحاضرات

اليوم ب ١١ ان شاءالله امتحان بالمحاضرة اعلاه

للاستفادة ...
شنو الصعوبات الي دتواجهكم بالمراجعة و شنو محتاجين (كل المواد) ؟؟
حتى أساعدكم وكل التوفيق ان شاءالله
شهر ونص مهمة جدا جدا بحياتك كلها
اجتهد و ركز وان شاءالله تحصل الي تريده 🥼🦺🎓🧪