الفصل الثاني الموضوع الثالث
حساب ثابت الاتزان
النوع الأول: شلون تعرفه 🤔
ينطيك تراكيز كل المواد عند الاتزان و يطلب ثابت الاتزان و (هذا فقط احيائي مثال٢-٤،تمرين٢-٣)
تطبيق مباشر على قانون ثابت الاتزان مجرد تعويض و تطلع الثابت

النوع الثاني : ينطيك الثابت و ينطيك اما التراكيز الابتدائية و يريد النهائية او ينطيك النهائية و يريد الابتدائية 🧪 هسة مفهوم عيوني 🥼🧪
1️⃣هذا النوع اول متجي تشوف الحجم اذا 1لتر فعدد المولات هو نفسة التركيز (n=M) واذا لا مو1 فلازم تستخدم M=n/v وتقسم عدد المولات على حجم المعطى
2️⃣ تكتب المعادلة من السؤال
💥وبعدها تقرة السؤال شوكت ما تشوف عبارة وصل التفاعل الى حالة الاتزان تكتب المخطط كله و بعدها ترجع تكمل تقرة السؤال 💥
👈التراكيز الابتدائية الحقل الاول 👇
بعدها تقرة السؤال اذا ذكر ( وضع، ادخل ، سخن ، مزج، قبل التفاعل، قبل التفكك) كلها كلمت بالماضي يعني شي راح وصار بداية التفاعل علمود لا تنسى زين حبيبي 💯
اي وحدة من هي العبارات ويمها رقم هذا الرقم تعوضه بالتراكيز الابتدائية اسفل المعادلة و بجهة المتفاعلات
والنواتج تكون صفر
🎓*اذا ذكر وضعت مولات مختلفة فنعوض حروف مختلفة مثلا المادة الاولى a والثانية b
🧪*اذا ذكر مولات متساوية فثنينهم نفس الحرف مثلاY
💯* اذا ذكر ضغط احمد ضعف ضغط زيد فاعوض ضغط زيد Y و ضغط احمد 2Y
(احمد وزيد كمثال😅)

هذا المخطط مهم جدا لفهم الموضوع

👈 المرحلة الثانية التغيير بالتراكيز 👇
مثل متشوفون بالمخطط جهة المتفاعلات إشارة سالب و جهة النواتج إشارة موجب
كلها بدلالة x يم xتخلي نفس الرقم الي يم رقم العنصر بالمعادلة
🎓هنا العبارات هي (تفكك ، تحلل استهلاك او ينطيك %) كلها كلمات تدل على حصول تغيير فنعوض بهي المرحلة
🧪*اذا ذكر ما استهلك يساوي مثلا 0.3 فهي 0.3 اخليها تساوي شكد ما موجود بالحقل الثاني بس بدون إشارة(مثلا 0.3=3x) تمرين 2-6
🧪💯💯💯🧪
🎓*اذا ذكر نصف كمية الغاز قد استهلكت (تمرين 2-5)
كمية الغاز اعوضها بالتراكيز الابتدائية
بعدها اكول اقسمها على ٢ لان هو كلي نصف
الناتج اخلي يساوي الي بمرحلة التغيير مثلا
كمية الغاز =0.8 اقسمها على 2 تصير 0.4 واخليها تساوي مرحلة التغيير مثلا (2x=0.4) واطلع قيمة x

👈المرحلة الثالثة التراكيز عند الاتزان 👇
نجمع الحقل الاول وية الثاني يصير الحقل الثالث
العبارات هنا (خليط الاتزان ، عند حالة الاتزان ، مزيج الاتزان، موضع الاتزان)
💯المتبقي او ما تبقى هي يعني المتفاعلات نعوض
المتكون او الناتج هي يعني بالنواتج نعوض
💯من نعوض سواء بالمتفاعلات او النواتج حتصير معادلة بسيطة نستفاد منها نطلع اما قيمة x او نخلي المعادلة بدلالة متغير واحد أو نجد تراكيز ابتدائية
💯 عندما يذكر الضغط الكلي (او عدد المولات الكلية ) = رقم
نجمع الحقل الثالث و نساوي لقيمة الضغط الكلي(او عدد مولات الكلية )

بعد ما نكمل من الحقول و التعويض
لازم نخلي عدنه مجهول واحد فقط يله نعوض بعلاقة الثابت و بعدها نجد هذا المجهول و بعدها مجرد تعويض لإيجاد المجهول
💯 اذا أعطى بالسؤال كتلة و حجم و درجة حرارة و kp
يجب أن نستخدم P=mRT/MV
و نستخرج الضغط و نعوضه كضغط ابتدائي و نكمل الحل
حيث m:كتلة وحدتها g
R:ثابت العام للغازات 0.082 حفظ
T:K درجة الحرارة وحدتها كلفن
M:كتلة مولية وحدتها g/mol
V: L الحجم وحدتها

النوع الثالث : يذكر بالسؤال نسبة مئوية%
نطبق قانون النسبة المئوية و منه نستخرج قيمة المتحلل الي هو نفسة قيمة x و بعدها نحل السؤال مجرد تعويض و ايجاد المجهول

هذا شرح حساب ثابت الاتزان
اي سؤال عدكم عليه هنا سألوا
كل التوفيق ان شاءالله 💯💥🧪🎓

للانضمام إلى الاجتماع على Google Meet، انقر على الرابط التالي:
https://meet.google.com/tqt-wkaj-tqr

أو افتح Google Meet وأدخِل هذا الرمز: tqt-wkaj-tqr

محاضرة ب ١١ ونص حتكون على meet على هذا الرابط

اعتذر طلاب على تقصير المفروض أبلغكم قبل فترة بالمحاضرة
ان شاءالله ححاول باجر أيضآ بالليل عدنا محاضرة
و الوقت المتأخر لان ارجع من الدروس متأخر فاعذروني وكل التوفيق ان شاءالله

سلام عليكم
الي يريد شرح لفصل السادس
يضع 💙
وهسة دا اسويلكم ملخص خرافي 🤩💯🧪

https://www.facebook.com/groups/853685661812760/permalink/1406678373180150/
اذا امكن تصوتون علمود طلاب تعرف و تستفاد
لان بعض طلاب يعتمودن على المظاهر
وعدد المشاهدات واني ممسوي ترويج للقنوات