ازاحة ولا تأجيل؟ لو النهائي بيقعدو فمكانهم قصة

من السعادة اليوم بناخده عطلة🤍

من يعرف من يعطي في سيركت عامة السيم هذا - من غير سند نقصد باقي القروبات - ؟

كل ما نشوف الشمس هكي نعرف انه ح نولو بعدين اسياخ مشوية فالجامعة 🙂‍↔️🌹

مساؤؤؤؤووو

اسمعوا مزال 17 اليوم نبدوا عد تنازلي ولا مزال بكري تحسوا 🤨

السلام عليكم
في حد حل السؤال هذا من واجب الثيرمو؟

تنبيه
يلي بيجي من السريع للجامعة يشوف طريق تانية في طانطا متشقلبة في نص الطريق والطريق واقفة

اللي منزلين طبيعة أو ورش معمل كم طالبين وحدات السيم هذا؟

اغرب بوست يمر عليا فحياتي
معمريش شفت شكل معسكر من داخل شكلي بنمشي 🙂‍↔️

ثيرمو G4-11

12 days left 🙌🏻⏳

الجامعة بعد ما كلية الهندسة كلها عيطتلهم في التعليقات على مبنى النووية في بوست صيانة الـ it :

ربي يفرج على طلبة الأقسام الـ4 وخلاص

11 days left 😔

اللي في قسم ميعتدش بأي اثبات هوية ولا اللي عنده مادة عامة أو طلبة الأقسام التانية يلي عندهم امتحان مشترك تبع الميكانيكا
راكم تنسوا تسحبوا نموذج 2 وتختموه في العام وفي قسمكم

حسبي الله ونعم الوكيل
لوين توصل بيهم حتى في الكورة يلعبو ب ارواح الناس !!
بلاد كاملة معش فيها لا قانون لا امان مدام يتحكمو بيها المليشيات المسلحة هادي

ارجوكم معش تنشروا الفيديو أكثر وادووا على الموضوع واصفوه بلا ما تحطوا الفيديو
اهل الولد أكيد اللي حواليهم يحاولوا يمنعوهم من شوفته متساهموش في إنه تخلوا الفيديو نفسه في كل مكان لدرجة صعب الواحد يتفاداه

"قاطع من يريد قطع رزقك"

سلام عليكم ورحمة الله وبركاته

🛑يا أهل الفزعه والدة زميلتنا في العنايه ،
محتاجه دواء
Rituximab 500mg ألماني أو سويسري
اربعة جرعات
ثمن الجرعه 3500
اللي قادر يساعد الحالة يتواصل مع:

@Samar_alsgheer99
@mehadmo

للتبرع بالرصيد
0921251046

(شاركوا المنشور ولكم الاجر ان شاءالله)

مع قرب الامتحانات بيبداء التفكير من بدي ومنو مش حافظ شي ومنو مزال يدور من وين يبدأ
بس نحب نقولكم، راهو كل دقيقة تقرا فيها، كل مرة تشد فيها ورقة ولا تسمع تسجيل هادي خطوة لقدّام، حتى لو تحس روحك بديت متأخر، مازال قدّامك وقت، ومافيش شي اسمه "ضاع الوقت"
راهو القراية مش بس درجات، هي استثمار في روحك، في عقلك، في مستقبلك، وإنت اللي تحدد وين توصّل، مش الظروف
شد حيلك، نظّم وقتك، وخود راحة وقت تحس روحك تعبت مش لازم تضغط على روحك زيادة، بالعكس، التوازن هو السر
وخلي في بالك دايمًا: اللي يزرع يتعب، بس وقت الحصاد ينسى كل شي،
وما تنساش، ربي ديما معاك، وكل خطوة نيتك فيها خير، راهو ربي يباركلك فيها
قرايتكم مسؤولية، و طبعا فرصة تبنوا بيها أحلامكم، فاقروا وكونوا فخورين بروحكم