عسى ربي يعين الديره .. اللي خطهاااا مسهوج
مزفلت مير .. من كثر المساري رايحٍ برحه

لو انه حس فاللي كل ما مره عطاه هروج
خطير نحصله يشكي من القيلون والقرحه

ادور وسعة الخاطر وعذري معي يوم ادوج
معاد القى الدروب الواسعه .. والديره الشرحه

وقف درب الرجا ماكن باقي فوق الارض فجوج
ما باقي غير درب من الدروب .. وعقبه الطرحه

قوي القلب يترك صملته خلف الظلوع العوج
لا منه شاف له ذيبٍ معلق في طرف سرحه

والا يا سهيف الذرعان انا المخطي وانا المرجوج
وانا اللي طار عقله عقب ما شافك من الفرحه !

وانا مانيب لا بندر .. ولا انتي بنت راع الفوج …!
انا اللي طق بابك بالغلط .. لين انفتح جرحه

وانا القاضي وراع الحجه الاقوى وانا المفلوج
وانا اللي فاقدٍ .. حلو المنام و روحه المرحه

ياليت الباب يوم اني .. طرقته باااااقيٍ مزلوج 🚶‍♂️
ولا طاح الثقيل اللي قبل ما ينهدم صرحه

لمحتك ما لمحتك طيف والا برق والا موج
هذا درسٍ خطير ويعجز الاستاذ عن شرحه

طرحتي طرحةٍ مااااا تقدر .. تغطي حمار الروج
ومن هاك النهار ليومناااا .. والطرحه الطرحه .!

لا تنجرف وتصير مثل المطفق
لو عشت ماحولك من الناس جلاس

الطيب واضح مستحيل يتلفق
مهوب في كثر العلاقات ينقاس

واللي على عرف الضعوف يتشفق
والله ما يلقى له معزه ونوماس

لازم على نفسك بنفسك ترفق
لارخصت طرفك كل مره بينداس

حتى ولو يد وحده ما تصفق
اهم حاجه فعلها يرفع الراس

يمنى الكريم اللي بفعله توفق
سوت لها فعلٍ تصفق له الناس

لا تنجرف وتصير مثل المطفق
لو عشت ماحولك من الناس جلاس

الطيب واضح مستحيل يتلفق
مهوب في كثر العلاقات ينقاس

واللي على عرف الضعوف يتشفق
والله ما يلقى له معزه ونوماس

لازم على نفسك بنفسك ترفق
لارخصت طرفك كل مره بينداس

حتى ولو يد وحده ما تصفق
اهم حاجه فعلها يرفع الراس

يمنى الكريم اللي بفعله توفق
سوت لها فعلٍ تصفق له الناس

جديد

من البارحه وانا انتظر حزة المنهاج
لو الذكريات تحاصر القلب وتدكه

اشوف المشاعر كنها زحمة الحجاج
واقول المشاعر قدست بس في مكه ..!

عشان النديم اللي عطيته وانا محتاج
وعمرت حبه وسط قلبي واخذ صكه

احنه من الزله ومن هرجة الهراج
وابكي عيون اللي يقولون لي بكه

ولاهوب شرط البعد يطفي الغلا وهاج
ابن عون كان مولع بـ طيره وفكه

يا شين الوصال اللي يجي من وراه ازعاج
خصوصاً مع اللي .. يفتح الباب ويصكه

وانا اهون علي يقفل الباب بـ المزلاج
ولا يتركه مردود .. في سده بلكه

فراقٍ غلانا فيه اساسي وطلق حجاج
ولا وصلٍ يجلس غلانا على الدكه

لازاد العتب قل الغلا حسب الاستنتاج
لو ان الغلا مثل السمن داخل العكه

عزمت وقطعت الراي يوم الصباح انباج
وحصنت قلبي عقب وريته السكه

مدام المرض تستخرج الناس منه اعلاج
ابا استخرج الراحه من الضيق والتكه

توادعت " انا وياه " منعاً لكل احراج ..!
وحفظاً لـ ماء الوجه والخوف والشكه

وداع السجين اللي بعد وصله امر افراج
توادع مع اصحابه .. وقلبه يبى الفكه