عال١٠ موعدنا ع قناة الاتمتة 🔥👇🏻
https://t.me/Elphysicsmcq

الكل يختم الفصل ويجي
حضروا فيديو كامل المعلومات ودعولي😂❤️

🚩 ومشان دورات الفصل ٨ متل ما قلتلكن
حصراً ع تطبيقنا مشان مصلحتك
لان في كتير اغلاط بجمع الدورات القديمة

ووحوش جداً اغلب العلامات يلي بعتولي ياها +٩٠ وما شفت ولا علامة اقل من ٨٠
برافو عليكم 🔥

رغم انه دوراته بدها تركيز ودقة
وضفت كم سؤال من عندي كمان نكشات🤣❤️

نراكم عال١٠ رح نزل اصعب شي ممكن يجي عالتامن ودورات السنة التانية بشري 😂🔥

يعني الملخص :
بدي الكل يسكر اسئلة الفصل بالامتحان النهائي
موفقين يا اكابر نلقاكم 🔥

https://t.me/Elphysics

هاد الفيديو مدته ربع ساعة
مهم جداً عن الفترة الحالية👇🏻
https://www.facebook.com/share/v/1CpvKB4FuA/?

متل كل سنة بهالفترة
الاحباط وانعدام الشغف بسيطر عالطلاب

فشوية نصائح مني حابب اعطيك ياهن
وشوية ملاحظات حابب تحطن ببالك
بلكي تتجاوز هالمرحلة وتستمر بالدراسة
ومتأكد بعد حضورك للفيديو
رح يتضاعف مجهودك الدراسي بإذن الله❤️

🚩 حكينا بالفيديو النقاط التالية :
- انعدام الشغف تجاه الدراسة والمواد
- المثالية عدو الإنتاجية
- التشتت وعدم التركيز أثناء الدراسة
- هل بيطلعلي بشري اذا معدلي منخفض جداً أول فصل ؟

موفقين يا اكابر ❤️
https://t.me/Elphysics

يعطيكن العافية يا وحوش ❤️

عم تبعتولي تسالوني عن المكثفات
رح يكونوا نازلين مكثفات التالت و الخامس و السادس قبل يوم السبت ان شاء الله

حاليا عم خلص تصوير مكثفة التالت و حنزللكن بعدها فورا الخامس و السادس

موفقين ❤️🔥✅

https://t.me/Elphysics

يعطيكن العافية يا وحوش ❤️🙏

هلق بعد ما خلصنا تصوير مكثفة التالت في فيديوهات طلعوا فيها مضروبين مافيهن صوت
لازم ارجع عيد تصويرهن
لهيك ما حتنزل مكثفة التالت هلق

🛑رح نزللكن مكثفة الخامس و السادس مشان تراجعوا منهن الاسبوع الجاية بما انو عنا اسبوع ترميم و اختبار
ويلي بدو يراجع الفصل التالت براجعه من اهم الافكار و بتحلوا الاختبار 🙏❤️

ومكثفة التالت بدي ارجع عيد تصوير هالكم فيديو فلهيك بدهن شوية وقت بس رح نزللكن ياها

موفقين ❤️❤️❤️

التسجيل الصباحي 🥳🔥

▫️شو عنا هالاسبوع ؟
(أهمية الاختبار ومتى رح ينزل)

▫️النوطة الثانية ومحتوياتها
ومتى رح تنزل

▫️فيديوهات المكثفة
شموليتها ومتى رح تنزل
ونصيحة مهمة جداً عن المادة بهالناحية

▫️مفاجأة لطلاب دمشق 🔥

آسف التسجيل طويل
بس فيو اجابة ع كل تساؤلاتكم
بالفيزيو وغير الفيزيو
خصوصاً بالفترة الحالية

عميل فنجانك القهوة او كاستك المتة
سمعو عرواق ووعد مني بعده رح تحط خطة تتناسب مع وضعك
وهاليومين رح يتضاعف مجهودك
فيزيولوجياً على الأقل😂❤️

موفقين جميعاً ❤️❤️

https://t.me/Elphysics

يعطيكن العافية يا وحوش ❤️✅
مكثفة الفصول ٥-٦ بلشوا ينزلوا عالتطبيق بخانة لحالهن اسمها مكثفة 5 و 6

مكثفة الفصل خمسة عبارة عن ٣ فيديوهات مدتها كاملة ساعة ونص

مكثفة الفصل السادس عبارة عن سبع فيديوهات مدتهن كاملين ساعة و تلت رباع

راجعوا منهن مشان الاختبار
ويلي مو دارس هدول الفصول بيقدر يدرسهن من هي المكثفات

موفقين يا اكابر ❤️❤️🔥
https://t.me/Elphysics

يعطيكن العافية يا اكابر ❤️🔥

الاختبار اليوم المسا الساعة ١١ بليل رح ينزل

🛑كنا مقررين نعمل الاختبار عالواقع بالشام ونكون موجودين و نعيشكن جو الامتحان وهيك بس للاسف المكان يلي بدنا نحجزه طلع محجوز لاسبوع لقدام

🛑يلا جهزوا حالكن منيح المسا
حضروا اهم الافكار كلهم قبل الاختبار برايي بساعدوكن كتير

موفقين ❤️❤️🔥
https://t.me/Elphysics

🛑يا شباب الاختبار موجود عالتطبيق بقسم الاختبارات
اسمو اختبار النوطة الاولى

بعتولي نتيجتكن قديش بتجيبوا بالاختبار

موفقين ❤️❤️

ينعاد عليكم يا اكابر بالخير و الصحة و السلامة يا رب ❤️❤️❤️❤️

في سؤال كتير عم يتكرر حاليا بهالفترة وهاد السؤال بقول :

دكتور انت ليش بال ( مكثفة ) عم تحكي بسرعة ؟

الجواب هو : اقرا الكلمة يلي بين قوسين

دمتم بخير جميعا ❤️🔥

يعطيكن العافية يا وحوش ❤️❤️❤️

🛑بكرا عنا الفصل السابع حسب الخطة
الفصل من مبارح مع الدعم عم يزبطوه و بكرا بكون نازل
-الفصل بدو يومين دراسة
-فصل مهم و فهمي و يعتبر من الفصول الصعبة لهيك ركز منيح و انت عم تدرس هاد الفصل
-مدة حضور الفصل تقريبا ٥ ساعات

🛑الاشخاص المعيدين ويلي ما حيقدروا يدرسوا يومين هاد الاسبوع فيزيولوجيا
بتقدروا ما تدرسوا السابع
وتدرسوا بداله الفصل الرابع
الفصل نازب عالتطبيق و جاهز و بدو يوم واحد دراسة
وساعتها بتدرسوا السابع الاسبوع القادم
يعني بس مجرد عملية تبديل بين الرابع و السابع
🛑ولا تسالوني مين لازم ندرس قبل فيك تدرس يلي بدك
فيك تبلش بالرابع وفيك تبلش بالسابع
بس انا بفضل انكن تدرسوا السابع لان هو الو علاقة مع الفصول يلي اخدناهن قبل يلي هنن ٣-٥-٦

🛑 ويلي مسبقين كمان رح يدرسوا السابع لان يلي مسبقين
انتوا نزلنالكن الرابع الاسبوع الماضي فلهيك درسوا السابع

🛑الاتمتات تبع الفصل رح تنزل يوم الاحد المسا متل العادة و الاختبار تبع هاد الفصل عم زبطو لحتى نزللكن ياه

- وانا باكدلك انك بعد الفيديوهات رح تستمتع كتير بالفصل و تحبو و تشوفو سهل رغم انو من اصعب فصول المادة

موفقين جميعا ❤️❤️❤️❤️❤️❤️❤️❤️
https://t.me/Elphysics

الفصل السابع فيزيولوجيا من النوطة


https://t.me/Elphysics

يعطيكن العافية يا اكابر ❤️🔥🔥

🛑في فقرة غليظة بالفصل 7 : اسمها الاسس الفيزيائية للغازات
هي الفقرة عبارة عن فيزيا 😂
طبعا اذا بتركز معي بالفيديو بتصير الفقرة شوربة

🛑بس في طلاب بس ترجع عالنوطة او عالكتاب بهي الفقرة بتضيع و بتحسها صعبة

🛑لهيك انت اذا حسيت حالك ضعت بالكتاب او بالنوطة دروس بهي الفقرة فقط الشغلات يلي بحكيها و بكتبها عاللوح و درسها متل ما انا عم احكيلك ياها بالزبط

موفقين ❤️❤️🔥🔥

يعطيكن العافية مرة تانية يا وحوش ❤️❤️

بالنسبة للفصل السابع فيه كتير كتير كتير ارقام

بتحفظ بس الارقام يلي انا بقلك عليها
في جدول باحدى الصفحات محشى ارقام هدول مو مطلوب منك تحفظهن كلهن بس يلي انا بقلك عليهن

موفقين ❤️❤️✅🔥

صباح الخير يا وحوش ❤️❤️❤️

بالنسبة لدورات الفصل السابع
بدي نبهكن انو الدورات كتير فيها اسئلة خلافية و اسئلة خاطئة لهيك اذا رحت تحل الدورات وحسيت في اسئلة غريبة او اسئلة فيها اجابتين صح مثلا فهاد عادي

المسا عالساعة ٩ بليل انا رح نزل اتمتات الفصل السابع و قبل ما نزل الاتمتات رح نزل بعض اسئلة الدورات يلي بتحتاج لتوضيح

موفقين ❤️❤️❤️❤️

https://t.me/Elphysics

سؤال من السنة التانية طب بشري 😁

المسا عال ٩ متل ما اتفقنا الاتمتات عقناة الاتمتة
وانا قصادا عاملهن عال ٩ لان في عنا حفلة مرتبة عالقناة اليوم
بدي نزللكن اتمتات و نشرح بعض اسئلة الدورات الخلافية

موفقين ❤️❤️🔥🔥

يعطيكن العافية يا وحوش ❤️❤️
كيف ملاقيين الفصل السابع و وين وصلتو

🛑حاولوا خلصو الفصل من هون لل ٩ المسا لان الشغلات يلي بدي نزلها عقناة الاتمتة كتير مهمة

🛑وبدي خبرك انو هاد الفصل هو من اصعب فصول الكتاب
يعني اذا بدنا نقول شو اصعب فصلين بالفيزيو فهنن بكونوا التاني بسبب ضخامتو و السابع بسبب كمية الفهم و الاستنتاج يلي فيه و الأسئلة تبعو

واساسا بالفيزيولوجيا بشكل عام اصعب شي هي فيزيولوجيا التنفس 😂✅

ولا تنزعج اذا باسئلة الدورات لقيت كم سؤال ما عرفتهن
لان في اسئلة خلافية و في اسئلة من المحذوفات و في اسئلة غلط لهيك روق للمسا عقناة الاتمتة كلو ببين

موفقين ❤️🔥

خمس دقايق و حنبلش بالاتمتات تبع السابع عقناة الاتمتة :
https://t.me/Elphysicsmcq

🛑سؤالين فيزيولوجيا عن الفصل السابع
من دورات الطب بشري سنة تانية

حطولي الجواب بالتعليقات

قادرين تحلوهن بكل سهولة 😁🔥

يعطيكن العافية يا وحوش ❤️❤️❤️

يلي عم يحضر السابع هالفترة
بعد ما تخلصو حضور الفصل و تدرسوه من النوطة او الكتاب
فوتو عقناة الاتمتة انا هنيك منزل فويسات شرح لبعض اسئلة الدورات
وهي رابط الفويسات :
https://t.me/Elphysicsmcq/6897

لازم تسمعوهن كتير مهمين
موفقين ❤️❤️❤️🔥🔥

مساء الخير يا أكابر
اشتقنالكم جدا ورجعنالكم بالفصل 4 غداً🥰

📍حابب بهالبوست بما انو بكرا اول مادة بكلوريا
بعد شوي عن التحضيرية والفيزيو
ذكرك بشعورك السنة الماضية متل هالوقت ..

كنت خايف ، متوتر ، و تعبان (جسدياً و نفسياً)
خايف من المجهول
خايف دراستك ما تكون كافية
خايف يجيك شي خارق للطبيعة وما تعرف تحلو
مع انك دارس وعايد ومبصم المنهاج
بس هيك طبيعو الانسان بخاف من المجهول😂❤️

📍كل الوقت عم تدعي تسكر مادة ورا مادة
كل الوقت عم تدعي جهدك ما يضيع
كل الوقت عم تدعي تجيب علامات التحضيرية
وتفوتها وتحقق حلمك وحلم اهلك

📍هي ليكك صرت تحضيرية
صرت بالمكان يلي الك سنة عم تكافح لتوصلو
صرت بالمكان يلي حالياً طلاب البكلوريا متمنيين يصيروا فيه

📍شو عم تعمل ؟
والله عامل كاسة شاي
📍اي وشو وضع المواد ؟
والله مقصر بلاوي يا دوبني دارس
📍ليش طيب ؟
والله ما عم حب المواد وحاسن غليظين 🥴
📍ليش مين قلك المطلوب منك تحبن ؟
لما كنت ببداية البكلوريا كنت تعشق المواد كلن ؟؟
ولا انت خلص عرفان انو اذا حابب تحقق حلمك فأنت بحاجة تحفظ هالمناهج وتجيب علامة عالية فيهن ..

📍متل ما انت عم تشوف حالياً تجربة البكلوريا ما بدا كل هالتوتر العايشينو وعم تنصح رفقاتك
نحن نفس الشي
شايفينك عم تبالغ بهلعك من التحضيرية
ومن الفحص ومن الدراسة و و و (القادم اعظم😂)
وانت ذات نفسك بعد سنة او سنتين رح تقول ياااه لو بس ماني مكبر الموضوع وعاطي شوية جهد زيادة الموضوع ما كان بدو كل هالمبالغة

📌الهدف من البوست والخلاصة :
الإنسان عدو ما يجهل
طبيعي تخاف من معلومات جديدة لسا اول مرة بتتعامل معها
وطبيعي تخاف من امتحان لسا ما عرفت شو طبيعته وكيف رح يجي
وطبيعي تخاف من تجربة جديدة كليّاً
بالعكس خوفك هاد دليل عأنك عنجد مهتم تطلع بتجربة ناجحة هالسنة
انت مريت بتجربة ناجحة العام الماضي
وتعبت وسهرت ليالي وعشت اوقات صعبة ما حدا بيعرف فيها غير الله

انت حاليا بالمكان يلي انت سعيتلو سنة كاملة
والوقت الحالي وقت دهببب
قادر تستفيد منو وتصنع المستحيل مهما كان وضعك
وعندك طاقة خارقة انا وياك منعرفها
ما بتعرف تطلعها غير باسبوع المادة
طيب جرب تعود عليها من هلق 😂❤️

الكرة بملعبكم ونحن معكم
ما بدنا توتر وهلع مبالغ فيه بأثر عدراستكم
اتعبوا واجتهدوا والله ما بضيع تعب حدا

غدا التسجيل الصباحي كالعادة
منجاوب فيه عأسئلتكم الفيزيولوجية🫡❤️

https://t.me/Elphysics

Elite - 2026 - s2

التطبيق الجديد نسخة الاندرويد
لا تخافوا مانو صعب التحديث
مافي داعي تحذف النسخة القديمة
بس حمل هاد الملف وثبتو عندك
كأنك عم تحمل فيديو

وبصير التطبيق عندك يشتغل بشكل افضل ان شاء الله

بعد شوي بينزل رسالة بمحتوى هاليومين بمادة الفيزيو ❤️
ولا تنسوا تبعتوا التطبيق لرفقاتكم ..

https://t.me/Elphysics