إن كان شمسك تساومني على ظلك
‏ماعاد أبي منك لا شمس.. ولا فيّه

‏اما تعال لقلبِ فز لك كلك
والا اتركني مابي لك بالهوى جيه

اما التفت لي وتم الوصل بمواجه
ولا بلا عشرةٍ هذي نتايجها

وش ينفعك من حنين القلب و خلاجه
وجروحٍ اسبابها انت ولا تعالجها
-عبدالله بن عون

جعل ربي ما يجرّدني من شعور القناعة
‏يا كثر ما فاتني فرصة عمر .. وأقول خيرة

لك ايام مانمتي من الخوف والإرباك
‏تخيفك طواري الحرب لو ماهي بحولك

‏وانا لي بحرب عيونك الناعسة دكّاك
‏مقاذيف عينك مع تثنّايك وطولك

لك العذر في غيبتك ولطيفك التقدير
‏متى ما سهيت وبان لي وجهك البدري

‏سرحت بخيالي فيك وأسهبت فالتفكير
‏وطلّعت كل اللي مخبى ورى صدري

‏ما تمنعني حدود المسافة عن التعبير
‏انا توّي مسولف معك وانت ما تدري
‏-عبدالله السراهيد

‏"اذخريني لاجفوك الحبايب والمكان
‏موطنً مهما جفيته يرحب ما جفاك"

وإن رجعنا للتواصيف لله الكمال
‏لا أنتهى ليـل المزايين جاتك تبتديه

‏كأنها غفلٍ مع البدو طاويه الحيال
‏مايميز وصفها .. إلا نبيهٍ من نبيه

‏كيف أهدّك للمقادير وأنتِ راس مال
‏راس مال والمال لا يُعطى للسفيه

تعال خذني من جفون الملل خلسة
‏لا يدري إلا أنت عن جبري وعن كسري

اليا فقدتك ما بعدك في حياتي مرام
‏واليا لقيتك ما قبلك فرصةٍ فايته

‏جيتك مجي الكرام اللي تحب الكرام
‏واخترت دربٍ توقف عندك نهايته

‏ان كان جيتي مجيك فوق صدري وسام
‏وان كان رحتي في امان الله ورعايته

فأيقنتُ أنّ الطّرفَ قد قالَ مرحباً
‏وأهلاً وسهلاً بالحَبيبِ المُتيّمِ
‏- عمر بن ابي ربيعه

‏لامرّ طرّق بخدراته سلامٍ لي
‏كنّه يسلم علي بصوته العالي
‏- سعد بن جدلان

جعل المطر على مدار العام يا الخود الطروب
‏ما دام هذا هو مزاجك كل ما جانا المطر

‏يا انتصاري في طريق الفقد و دروب الهزيمه
‏حالف اني لا ارسم البسمه على طارف شفاهك

ياهني اللي لابغى شي لقاه
ماتنطحته صدوف الدهر مع كل ريع

وانا عمري ضاع من دون تحديد اتجاه
كل ماجيت اسلك الدرب قلت اخاف اضيع

يابنت القمر ونجومه اقرب من القرقاح
غلطانه عــسى الله يرحم الحال غلطانه

أنا احرص من القناص، أصبر من الفلاح
وشبعـانةٍ بالغبن كبـدي ورويانـــه

عرفت الهوى الله لايعوده ورحت وراح
مراح القطا اللي نشر اطراف جنحـانه

ودونه قفلت القلب بالقفل والمفتاح
رميته بحر من خوفة الله سبــحانـــه

أبي راس مالي عقب ما أفلست من الاربـاح
ومحاجر عيوني بأزرق الدمع غرقانه

وعين تكحلهـا عيـون الندم ترتاح
لوتظهر عليها نجمة الصبح سهرانـــه

حسافه على المسرح وحسره على المسراح
ووجودي وجود اللي فقد خيرة إخوانه

ياليت الزمن طير يحول على الملواح
برده ولاادري ويش ارده على شـــانــــه

‏كنت جرد من الصحاري ودرب من السهاد
‏والتقن سحايب العمر فوقي وامطروك

‏عن ربيع احساسك العذب ما تبت الطراد
‏لين ربّيت المواثيق ..وافنيت الشكوك
‏
‏امسح الخوف وتسامى وصدّ من السواد
‏نهجر الليل ونسيم البراد ان روّعوك
‏
‏انت بين العين والقلب يزهاك القعاد
‏مثل لا منّك تربعت بين امك وابوك

لينت لك قلبٍ لغيرك ما يلينه الحديد
‏ولديت لك عينٍ لغيرك مابعد لديتها

‏وغنيت فيك النادرات الشاردات من القصيد
‏اللي تثير الصمت فالجمهور لاغنيتها
- سلطان الهاجري

تعرف تطيح ياقلب وتعرف تقوم
‏وتعرف إن الهوى واجد مساكينه

‏يا مطول هاللّيال اللي بدون نجوم
‏وأنا امشي من الحزن لين الطمأنينة