بجد رمضان هو اللي يتقال عليه أصلح ما أفسده الآخرون

_ وانتي بتعملي ايه؟.
= بعمل إللي ف دماغي.
_ وبعدين!!
= باخد ع دماغي.

- هل تعتقدي أنه لكِ فائدة على سطح هذا الكوكب؟.
= والله ولا حتى على سطح بيتنا.

الداهيه إللي جابتكوا تاخدكوا وتجيب غيركوا تاني عادي يعني.

الواحد مش عارف مين مع مين و مين بيكره مين و مين تبع مين و مساء الفل يا شوية منافقين.

‏الفترة دي محتاجة أخطبوط يطبطب عليّا بكل إيديه.

لن تجد الصديق وقت الضيق دائمًا ،الصديق قد يكون مشغولًا، مسافرًا، أو قافل موبايله، ربما إنت نفسك مش عايز صديق وقت الضيق حيث أنك تفضل البقاء وحيدًا ساعتها، مما يتيح لك البكاء على اللبن المسكوب بحرية، حيث أن البكاء على اللبن المسكوب مفيد، لإن اللبن انسكب خلاص، ولم يعد من الممكن انقاذه، والتعبير عن الحزن مطلوب، والبكاء يغسل الروح، والكبت يؤدي للانفجار، والوقت يمر، ولو أنه لا يمر كالسيف، ولا يهتم بقطع من لا يقطعه، فلا داعي للقلق، لكن هناك داعي للحزن، والحزن منجاة، والأشياء تحدث، والطيور تطير، والشجر ينمو، والموج يعلو، والليل يهبط، وكل شيء ينتهي.

انا مش قادرة انام من الزُكاااااام👩🏻‍🦯.

تااااااااااااني🤡💔💔💔.

‏بيقولك يتعافى المرء بأصدقائه وميعرفوش إن أصدقائي بيعملولي Haha على احزاني.

Mood :
حاسه إني محلوه اليومين دول ، ههه بهزر معاكوا أنا حلوة علطول ربنا يحفظني.

جو اليوم حرفياً يأخذ القلب كده🫶🏻.

متكلمنيش عن الرعب وأنتي مجربتيش تمشي وسط عيال بتلعب ماتش كورة ف الشارع.

من علامات جمال المرأة بختها المايل.

صباح الخير ، أنا الدُنيا كلها دايسة ع وشي رايح جاي👩🏻‍🦯.

‏زمان كنت بستغرب لما كنت بكلم نفسي، دلوقتي والحمدلله بقيت برد عليها.

أنا حاسه إنّي حزينه بس مش الحُزن إللي يوصلني لمرحلة الاكتئاب والعُزلة؛ أنا بضحك بس حزينه، بخرُج بس حزينه، بشتغل بس حزينه ، حاسه إنّي بعيش فترة غريبة جدًا لدرجة إنّي بشغل نفسي أكتر عشان ما أسيبش نفسي للزعل، ولما بتصعب عليّا نفسي برجع وأقول طيب أعمل إيه؟
ماشي أنا هعترف إنّي زعلانه ، في حد هيهتم؟ في حاجة هتتغيّر؟ بلاقي إن الإجابة "لأ"
فَبرجع أزعل نفسي أكتر عشان ما أستسلمش لفِكرة إنّي حزينه أو زعلانة.

بص انا مستنياك تكلمني بس لما تكلمني هحسسك أني مش عايزة اكلمك بس أنا عايزة اكلمك فاهمني.

‏بحترم الشخص اللي مابيشتكيش من كل شيء سيئ بيحصله واللي مابياخدش من أوجاعه مادة لإستعطاف الناس واهتمامهم وقادر يشيل همومه وسره جواه وماحدش يحس بيه .. دايمًا بيتحمل نتيجة اختياراته وعارف ان فيه كلام يتقال لكل الناس وكلام يتقال لحد معين وكلام مايتقالش خالص.
•صلاح چاهين في مرة قال: إوعى تلف بجرحك تشحت.

- انا حذفت الرسالة .
= حلو.
- عايزة بقى احذف اني حذفت الرسالة.

كويس أن مفيش حاجة بتبين أحنا دخلنا الأكونت عندهم كام مرة.