ف الآخر هتتجوزي أكتر واحد قولتي مستحيل أتجوزه وشوحتي بأيدك كدا .

- انتي مش متخيله انا عامل ايه عشانك.
= عامل ايه؟.
- الحمدلله وأنتي؟.

لو زعلتها هتقولك أنا عايزة أنام حتى لو كنتوا في نص الشارع دي كلمة معتمدة دولياً .

ازاي تخليني اتعصب في ۳ ثواني:

لا ماليش فِ جو العتاب دا ، لما بزعل بتلاقيني بقيت باردة و رسمية و شخصيتي سرحت شعرها ع جمب .

أنا اجتماعية بس على خفيف، يعني بتبسط لما أقرر أتصل بحد أسأل عليه، بس وأنا بتصل بقول يارب ما يردش بصراحة، بتبسط لما نتفق أنا وصحابي على خروجة، بس لو الخروجة إتلغت بفرح أوي عشان بحب قعدة البيت، ولما بقعد في البيت بتخنق وبزعل وبقول يارتني خرجت، أنا بحب أتعامل مع الناس بس بزهق منهم بسرعة، أنا مجنونة تقريباً والحمد لله 🤡.

متقوليش قومي أعملي الحاجة وأنا أصلاً قايمة اعملها عشان والله ماهعملها.

أكبر غلطة ممكن تعملها في حياتك إنك تحكيلي عن حركة بتستفزك.

صباح الخير ، يلا نكرر نفس أم اليوم تاني.

اللهم صل وسلم وبارك على سيدنا ونبينا وحبيبنا وشفيعنا محمد صل الله عليه وسلم تسليماً كثيراً .

لو قعدت جنبك ومهزرتش معاك ونكشتك ، أعرف إنك مش جاي معايا سكه ومش طايقاك.

‏في حاجة اسمها (ما شاء الله) تعرفوها ولا هتخلصوا علينا بدري بعينكوا دي!

بجد رمضان هو اللي يتقال عليه أصلح ما أفسده الآخرون

_ وانتي بتعملي ايه؟.
= بعمل إللي ف دماغي.
_ وبعدين!!
= باخد ع دماغي.

- هل تعتقدي أنه لكِ فائدة على سطح هذا الكوكب؟.
= والله ولا حتى على سطح بيتنا.

الداهيه إللي جابتكوا تاخدكوا وتجيب غيركوا تاني عادي يعني.

الواحد مش عارف مين مع مين و مين بيكره مين و مين تبع مين و مساء الفل يا شوية منافقين.

‏الفترة دي محتاجة أخطبوط يطبطب عليّا بكل إيديه.

لن تجد الصديق وقت الضيق دائمًا ،الصديق قد يكون مشغولًا، مسافرًا، أو قافل موبايله، ربما إنت نفسك مش عايز صديق وقت الضيق حيث أنك تفضل البقاء وحيدًا ساعتها، مما يتيح لك البكاء على اللبن المسكوب بحرية، حيث أن البكاء على اللبن المسكوب مفيد، لإن اللبن انسكب خلاص، ولم يعد من الممكن انقاذه، والتعبير عن الحزن مطلوب، والبكاء يغسل الروح، والكبت يؤدي للانفجار، والوقت يمر، ولو أنه لا يمر كالسيف، ولا يهتم بقطع من لا يقطعه، فلا داعي للقلق، لكن هناك داعي للحزن، والحزن منجاة، والأشياء تحدث، والطيور تطير، والشجر ينمو، والموج يعلو، والليل يهبط، وكل شيء ينتهي.

انا مش قادرة انام من الزُكاااااام👩🏻‍🦯.

تااااااااااااني🤡💔💔💔.