Stay Connected with Elauto Engineering & Trading PLC!
Dear Customers,
We invite you to join us on our official platforms to get the latest updates, product news, and exclusive offers:
🔗 Visit our Website: www.elautoas.com
📘 Follow us on Facebook: https://web.facebook.com/Elautoengineering
📢 Join our Telegram Channel: https://t.me/elautoengineering
Your support drives us forward — let’s keep moving together! 🚗✨
#ElautoEngineering #StayConnected #DriveTheFutur

የአዲስ አበባ ላዳ ታክሲ ማህበራት ድሬደዋ በኤል አውቶ ኢንጂነሪንግ እና ትሬዲንግ ኃ/የተ/የግ/ማ የመኪና መገጣጠምያ ፋብሪካ ተገኝተው ጉብኝት እና ውይይት አደረጉ።
ነሀሴ 19/2017 ከ168 በላይ የሚሆኑ የአዲስ አበባ ላዳ ታክሲ ማህበር ስራ አስኪያጆች ፣በማህበራዊ ሚዲያ በላዳ ታክሲ ዙርያ ላይ በትኩረት የሚሰሩ የላዳ ታክሲ ባለቤቶች በውቢቷ ድሬ ከተማ በመገኘት የኤል አውቶ ኢንጂነሪንግ እና ትሬዲንግ ኃ/የተ/የግ/ማ የመኪና መገጣጠምያ ፋብሪካን ተገኝተው አልቀው ለደንበኞች ዝግጁ የሆኑ መኪኖችን በመጎብኘት ከኤልአውቶ ኢንጂነሪንግ እና ትሬዲንግ ኃ/የተ/የግ/ማ ፕሬዝዳንት ኢ/ር ቶኪቻ አለማየሁ እና ከ ማኔጂንግ ዳይሬክተሩ ኢ/ር አዲሱ በጁራ ጋር ውይይት አድርገዋል።
በዚህ ፕሮግራም ላይ የድርጅቱ ከፍተኛ አመራሮች አቶ ጊሌ በቀለ እና አቶ ናኦል ቢራቱ የተገኙ ሲሆን ፕሮግራሙን በኢ/ር ቶኪቻ አለማየሁ እና በኢ/ር አዲሱ በጁራ እንኳን ደህና መጣቹ ንግግር ተደርጎ ረጅም ርቀት ተጉዘው በመምጣት መኪኖቻቸውን ማየታቸውንና ድርጅቱ እየተወጣ ያለውን ቁርጠኝነት እንዲሁም ያለውን ከፍተኛ አቅም በማረጋገጣችሁ የተሰማቸውን ደስታ በመግለፅ በዚህ መልኩ በመሰባሰብ በተለያየ አስተሳሰብ ተወጥሮ ከመጨነቅ ወጥተን ተስፋን እውን ለማድረግ የሚያስችለን ነገር ላይ ለመረባረብ ጊዜያችንን ብናጠፋ ከዚህ በላይ ውጤት ለማስመዝገብ የሚያግደን ነገር የለም ብለዋል።
በውይይቱ ላይ የማህበር ስራ አስኪያጆች እና የሶሻል ሚዲያ ላይ የምናውቃቸው አባላት አስተያየት እና ጥያቄ ያቀረቡ ሲሆን አብዛኞቹ ይህ መድረክ በመዘጋጀቱ ደስተኛ መሆናቸውን እና እንዲህ አይነት መድረክ መለመድ እንዳለበት አንስተዋል። በተለይም መልህቅ በሚባል የማህበራዊ ሚዲያ ባለቤት ላለፉት 6ወራት በተደጋጋሚ ማህበራዊ ሚዲያ ላይ የድርጅቱን ስም እና የግለሰቦችን ስም ያለአግባብ ሲያነሱ የነበረበት ሁኔታ አሁን በቅርብ ጊዜ መቀራረብ በመቻላችን ብዙ ልዩነቶችን ማጥበብ እንደቻሉና ተፈጥሮ ለነበረው ስሜት ይቅርታ በመጠየቅ ድርጅቱ እንዲህ ያለ ምቹ ሁኔታዎችን እስከፈጠረ ድረስ አብረን ለመስራት ዝግጁ ነን ብለዋል።
ሌሎችም ማህበራት ካነስዋቸው በርካታ ጥያቄዎች መካከል የዋጋ ጉዳይ፣የማስረከቢያ ጊዜ መዘግየት እና መኪኖቹ ተገጣጥመው ከተዘጋጁ በኃላ ረጅም ጊዜ ከእጃቹ ለማውጣት ለምን ዘገያቹ ፣ የመኪኖቹ ዘምናዊነት ጋር ተያይዞ ለታክሲ ስራ እንዴት ልትመርጡት ቻላቹ፣ ተመላሽ የሚጠይቁ ደንበኞች ቶሎ ገንዘባቸውን የሚያገኙበት መንገድ ላይ ድርጅቱ መስራት አለበት፣ ቀጣይስ እነዚህ ሮዊ መኪኖች ከተረከቡ በኃላ ለቀሩት ምን አስባችኃል? ፣ በመጨረሻም በአሁን ሰአት በፊት ከነበረው ጋር ሲነፃፀር የድርጅታችሁ ማኔጅመንት ጥሩ በሚባል ደርጃ መሻሻል ቢኖሩትም መረጃ አሰጣጥ ፍጥነት ላይ ትኩርት ስጡ የሚሉ አስተያየቶችና ጥቆማዎች ይገኙበታል።
በመቀጠልም በተነሱት ጥያቄና አስተያየት ላይ የኤልአውቶ ኢንጂነሪንግ እና ትሬዲንግ ኃ/የተ/የግ/ማ ፕሬዝዳንት ኢ/ር ቶኪቻ አለማየሁ እና ማኔጂንግ ዳይሬክተሩ ኢ/ር አዲሱ በጁራ በየተራ ምላሽ የሰጡ ሲሆን መኪኖቹን ለማስረከብ መስራት ከሚገባን በላይ ርቀን እየሰራን መሆኑን በርካታ ማሳያዎች መግለፅ የሚቻል ቢሆንም በዋናነት አበዳሪ ድርጅት መፈለግ እና ማምጣት ስራ የገዢ ቢሆንም አቢሲኒያ ባንክን እና ታክሲዬን ብድር እንዲያመቻቹ እየሰራን ነው ጥሩ የሚባል ደረጃ ላይ ነው ያለነው። እነዚህ አሁን በጉብኝታቹ ያያችሁት መኪናም ሆነ ከዚ በፊት ያስረከብናቸው መኪኖች በተሰጠን ስታንዳርድ እና ስፔስፊኬሽን መሰረት ሲሆን በሌሎች ሀገራት በተለይ በቻይና የታክሲ አገልግሎት የሚሰጡት ከፍተኛውን ድርሻ የሚወስዱት እነዚ መኪኖች መሆናቸውንም ኢ/ር አዲሱ በማብራርያቸው ላይ አንስተዋል። ከኣንድ አመት ባልበለጠ ጊዜ ሁሉም ደንበኞቻችን መኪና አንዲያገኙ አየሰራን ነው ብቃትና አቅሙም አለን ያሉት ኢ/ር ቶኪቻ ነገር ግን እኛ ስላሰብን እና ስለሮጥን ብቻ ዋጋ የለውም። መኪና አምርተን በዚ መልኩ የሚቆሙ ከሆነ በቅርቡ ወደ ሀገር የሚገቡ ከ 1500 በላይ መኪኖች ላይ አሉታዊ አስተዋፅኦ ይኖረዋልም ብለዋል።ከዚ አይነት ችግር መውጣት የሚቻለው አበዳሪ ድርጅቶች ብድር ማመቻቸት ሲችሉ በመሆኑ በቅርቡ መንግስት ፕሮጀክቱ እንዲሳካ እና ፈጣን ውጤት እንዲመጣ ፋይናንስ ወይም ብድር የሚያመችቹ ድርጅቶች አብረውን እንዲሰሩ ድጋፍ ያደርጋል የሚል ግምት አንዳላቸው ጨምረው ገልፀዋል። በመጨረሻም ዋጋውን በተመለከተ ትክክለኛውን ስሌት በተደጋጋሚ በነበረን ውይይት ላይ እንዳነሳነው 2.9 ሚሊዮን ብር ሲሆን ይህም የዶላር ዋጋ ልዩነቱን ብቻ ሲሰላ የሚመጣ ዋጋ ቢሆንም ከበርካታ ደንበኞቻችን የሚነሳውን አስተያየት እና ጥያቄ መሰረት በምድረግ ድርጅቱ ማግኘት የሚገባውን ጥቅም በመቀነስ አሁን ያለበትን 2,440,000.00 ዋጋ ላይ የደረስነው። በተለይ ምኪኖች መተው ለደንበኞች በፍጥነት የሚዘዋወርበት ሁኔታ ፈጣን በሆነ ቁጥር ተመላሽ ማድረጉም መኪና ማስረከቡም ላይ ምንም አይነት ችግር አይገጥመንም ተባብረን ከሰራን ፣ ልዩነቶች አይጠፉም ነገር ግን ልዩነቶች ሲከሰቱ በጠረጴዛ ዙርያ ተቀምጠን ከተወያየንባቸው ችግሮቻችን አይሰፉም ቶሎ መፍትሄዎች ላይ የመስራት እድሉን ይፈጥርልናል። በዚህ አጋጣሚ ከዚህ በፊት ተፈጥሮ ለነበረው አለመግባባት ሊሰፋ የቻለው በሰከነ መንገድ ጉዳዮችን ማየት ባለመቻሉ ሲሆን ይቅርታ መጥየቅ ትልቅነታችሁን የሚያሳይ እና እኛም በዛው ልክ ይቅርታ መጠየቅም ማድረግም ቤተሰብ የመሆንችንን ምልክት የሚያሳየን በመሆኑ ኤል አውቶ ለእንደዚህ አይነት አዎንታዊ ተግባር ሁሌም በራችን ክፍት ነው። መሻሻል የሚገባቸውን ነገሮች በሂደት እያስተካከልን እንሄዳለን በማለት እንዲህ አይነት መድረኮች እንደሚቀጥሉ እና በቅርቡ መኪኖችን በማስረከብ መድረክ ላይ እንደምንገናኝ ተስፋ እናደርጋለን ለዚህም እንሰርለን በማለት የእለቱን ውይይት አጠናቀዋል።
ከውይይቱ በኃላ ያነጋገርናቸው አባላት በጉብኝቱ እና በውይይቱ አንደተደሰቱ እና ይህንንም በማየታቸው ምስጋናቸውን በማቅረብ ድርጅቱም ማህበራትም ተቀራርበን ብንሰራ ከፍተኛ ለውጥ አንደምናመጣ እርግጠኛ ነኝ ለዚህም እንሰራለን ብለዋል።
አቶ አዝማች በዛሬው ስብሰባ ትልቅ ውጤት ሊያመጣ የሚችል መሰረታችንን እንደገና እንዳደስን ይሰማኛል በዚ መድረክ ማህበራት ድርሻችን ምን እንደሆነ እና ትኩረታችንን እንደገና አስተካክለን ኤል አውቶም ያለውን አቋምና ዝግጁነት ተገንዝበን ተጋግዘን በውጤት እንደገና እንደምንገናኝ ተስፋ አደርጋለሁ በማለት ሁሉም ስራ አስኪያጆች ረጅም መንገድ አቆራርጠው ጉብኝቱን እና ውይይቱን በንቃት የተሳተፉትን በዚ አጋጣሚ ለማመስገን እና ለማክበር እወዳለሁ ብለውል።
በዚህ ዝግጅት ዙርያ ከዜና ባሻገር ዝግጅት ክፍላችን ሰፊ ዘገባ ይዘን እንመለሳለን። ሰላም ለሁላችን

ዛሬ 2ኛ ቀኑን በድሬ ራስ ሆቴል ያደረገው የአዲስ አበባ ላዳ ታክሲ ማህበራት አመራሮች እና ኤል አውቶ የጋራ ውሳኔ ላይ በመድረስ ተጠናቀቀ።
ነሀሴ 19/2017 ኤል አውቶ ኢንጂነሪንግ እና ትሬዲንግ ኮሚኒኬሽን
ትላንት በድሬደዋ ከተማ ተገኝተው ጉብኝት በማድረግ ውይይታቸውን የጀመሩት የአዲስ አበባ ላዳ ታክሲ ማህበር አመራሮች በፍቅር ከተማዋ ከትመው ሁሉም ማህበራት በሚያስበል ደረጃ የአባሎቻቸውን ውክልና በሚያሳይ ልክ ተሳትፎ ሲያደርጉ ተስተውለዋል። ጠዋት 2;30 አካባቢ የጀመረው የዛሬው 2ኛ ቀን ስብሰባ ማህበራት የኤል አውቶ አመራሮች ምህበራት በነፃነት እራሳቸው ተወያይተው እና መነሳት አለበት የሚሉትን ጥያቄና አስተይየት አንድም ሳያስቀሩ በእለቱ በመረጡት ተወካይ በኩል በንባብ እንዲያሰማ ተስማምተው የድርጅቱ ሀላፊዎቹ ለተወሰነ ሰአት አዳራሹን ለቀው ከወጡ በኃላ የማህበራት ውይይት ቀጥሏል። የኤል አውቶ ኮሚኒኬሽን እና ኢንፎርሜሽን ዳይሪክቶሬት በስፍራው ተገኝተን ስብሰባውን ተከታትለን መረጃው ሳይቆራረጥ ለደንበኞቻችን ለማድረስ በስፍራው ተገኝተናል።
አቶ ሀብታሙ የኛ ማርገጃ ማህበር ስራ አስኪያጅ የማህበራትን ጥያቄና አስተያየት በሙሉ በፅሁፍ ያቀረቡ ሲሆን ከጥያቄዎቻቸው መካከል ዲክሌር የተደረገላቸው መኪናቸውን መቼ ይረከባሉ? ከዚ በኃላስ ለሚጠብቁ ደንበኞች ምን ያህል ጊዜ ይጠብቃሉ? አቅማቸው በተለያየ ምክንያት መኪና የማይጠብቁ ገንዘባቸው እንዲመለስላቸው የሚፈልጉ አባላችን ቶሎ ገንዘባቸው ይመለስላቸው?ታክሲዬ የቆጠቡትስ ብድር ለምን አያመቻችም አቢሲኒያ ባንክ ለምን ተመረጠ? ስለ ስፔር ፓርት አቅርቦት ኤል አውቶ ምን እያሰበ ነው? ከዚ በፊት የተዋዋልነው ውል በተለያየ ምክንያት መቀየር ያለበት በመሆኑ በደንብ አስበንበት ማህበራቱን ሊጠቅም የሚችል ውል መዋዋል እንፈልጋለን ። ለተነሱት ጥያቄና አስተያየት የኤል አውቶ ኢንጂነሪንግ አና ትሬዲንግ ኃ/የተ/የግ/ማ ፕሬዝዳንት እና ባለቤት እንዲሁም ማኔጂንግ ዳይሬክተሩ ኢ/ር አዲሱ በጁራ ምላሽ ሰተዋል። ፕሬዝዳንቱ ኢ/ር ቶኪቻ አለማኣየሁ አሁን 500000.00(አምስት መቶ ሺ ብር ) በታክሲዬ የተቆጠበበትን አላማ ገልፀው በታክሲዬ የቆጠቡት እንዳለ ሆኖ አቢሲኒያ ባንክ ብድር ለማመቻቸት ፍቃደኛ ሆኖ መኪኖቹን ለደንበኞች የማስረከብ ሂደቱ እንዲቃረብ ለማድረግ እየሰራ በመሆኑ በደንበኞቻችን ስም እና በድርጅቱ ስም ምስጋናቸውን አቅርበው በቅርቡ ሁሉም ተጠናቆ ርክክብ ይደረጋል። የቀሩት ደንበኞች በምን ያህል ጊዜ ለሁሉም ለማዳረስ ትችላላቹ ለሚለው ኤል አውቶ በ 4 ዙር መኪኖቹን አምጥቶ ለማስረከብ ተዘጋጅተናል አቅሙም ዝግጁነቱም አለን ። ከዚ ጋር ተያይዞ ግን አሁንም መኪኖችን ባልነው ልክ ማምጣት እና ማስረከብ የምንችለው ማህበራት ብድር የሚያመቻች ተቋም የማዘጋጀቱ ስራ ኃላፊነት መወጣት ሲችሉ እና አስቀድመው ቁጠባን ባህል አድርገው እየቆጠቡ ሲዘጋጁ መሆኑን አፅንኦት ሰተው ተናግረዋል። ውልን በተመለከተ በማንኛውም ጊዜ ተነጋግሮ ወጥ የሆነ ውል ማዘጋጀት ፣ማሻሻል፣ ማረም ይቻላኣል ለዚህም ዝግጁ ነን። ፕሬዝዳንቱ አክለውም ስፔር ፓርት ስናስመጣ የመኪና አምራች ድርጅት ምክረሀሳብ ተነስተን ሲሆን ከዚ ባሻገር በተለያየ ክ/ክተማ ደንበኞች በሚቀርባቸው ቦታ አነስተኛ ጥገና አገልግሎት የሚያገኙበትን አሰራር በፕሮፖዛል አስደግፈን ሄደንበታል አጠናክረን አንቀጥላለን። የስፔር ፓርት ጥያቄን ለመመለስ የሚያስችል ስራ መስራት ለሁላችንም የሚኖረው ጠቀሜታ ከፍተኛ መሆናቸውን ጨምረው ገልፀዋል።
በመቀጠል ምላሽ የሰጡት የኤል አውቶ ኢንጂነሪንግ ማኔጂንግ ዳይሬክተር ኢ/ር አዲሱ በጁራ በፕሪዝዳንታችን የተሰጡት ምላሾች ገዢ መሆናቸውን ጠቅሰው ገንዘባቸው እንዲመለስላቸው ለጠየቁ ደንበኞች አርኪ ባይሆንም በተቻለን መጠን እየመለስን እንገኛለን። ለመዘግየቱ ምክንያት እዚ ድሬደዋ የተዘጋጁት 800 የሚሆኑ መኪኖችን ብቻ ብንመለከት ወደ 3 ቢሊየን ከፍተኛ ብር ይዘው ተቀምጠዋል እነዚ መኪኖች በቅርቡ ወደ ገንዘብ ይቀየራሉ ብለን እናምናለን የዛን ጊዜ ለበርካታ ሰዎች ተመላሽ እናደርጋለን ብለዋል። ማኔጂንግ ዳይሬክተሩ ኢ/ር ኣዲሱ አክለውም እንዲህ አይነቱ ስብሰባ ሁላችንም ርሳችንን እእንድናይ የሚያደርግ በመሆኑ ልምድ አርገን እንቀጥላለን ከዚ ስብሰባ በኃላ ወደ ቢሮ ስንመለስም የምናርማቸው እና የምናስተካክላቸው ጉዳዮች ይኖራሉ በማለት ሀሳባቸውን አጠናቀዋል።
በመጨረሻም ከላይ የተነሱት ጥያቄዎችን መሰረት አድርጎ ለተጠየቁት ጥያቄ የተሰጠው ምላሽ እና ኤል አውቶ ኢንጂነሪንግ እንዲሁም ማህበራት የሚጠበቅባቸውን የየራሳቸውን ስራ ለመስራት እና እዚ ቤት የተነጋገርናቸው መረጃ ሆነው ተሰንደው የሚቀመጥ ሆኖ በቼክ ሊስት እየተከታተልን ለመተግበር በሙሉ ድምፅ መወሰናቸውን በጭብጨባ አስደግፈው ገልፀው የሁለት ቀኑ ስብሰባ በደማቅ ስሜት ተጠናቋል። የሁለቱን ቀን ስብሰባ በኤል አውቶ ኢንጂነሪንግ ኮሚኒኬሽን እና ኢንፎርሜሽን ዳይሬክቶሬት የምስል ዘገባ አጠናቅረን እንመለሳለን.
#ElautoEngineering# DireDawaIPDC# የደንበኛ ጉብኝት# የተሽከርካሪ መገጣጠሚያ# በኢትዮጵያ የተሠራ