🤖⚠️ Anthropic şirkətinin baş direktoru Dario Amodei bildirib ki, 6-12 ay ərzində süni intellekt “sürüsü” davamlı botnet vasitəsilə bütün interneti ələ keçirmək gücünə çata bilər və bu, “potensial olaraq yüz milyardlarla dollar zərərə” səbəb ola bilər.

O, süni intellektin inkişaf tempinin nəzarətdə saxlanılmasına çağırıb.

#Anthropic #DarioAmodei #Süniİntellekt #Kibertəhlükəsizlik #Texnologiya

🇬🇧🐎 Britaniya Ordusu “görünməz” döyüş atlarını sınaqdan keçirir.

Qvardiya süvari alayı müasir şəraitdə atlardan və ənənəvi süvari bacarıqlarından istifadə imkanlarını araşdırır. Sınaqlar çərçivəsində atlardan biri üçün xüsusi hazırlanmış kamuflyaj örtüyü də yoxlanılır.

Qeyri-adi sınaqlar saray süvarilərinin hərbçiləri tərəfindən Hempşir qraflığındakı Lonqmur poliqonunda keçirilən illik yay təlimləri zamanı aparılıb.

Atlardan birinə xüsusi hazırlanmış kamuflyaj örtüyü geyindirilib, London dairəsinin komandanı general-mayor Ceyms Bouder isə sınaqların gedişini yoxlayıb.

Britaniya Müdafiə Nazirliyi bildirib ki, keçilməsi çətin ərazilərdə hələ də atlardan istifadə edən müttəfiqlərin təcrübəsini öyrənir.

Britaniya hərbçiləri ABŞ-nin Əfqanıstandakı təcrübəsinə, eləcə də meşəlik və bataqlıq ərazilərdə atların bəzən zirehli maşınlardan daha effektiv olduğunu hesab edən Estoniya hərbçilərinin təcrübəsinə istinad edirlər.

#Britaniya #Ordu #Süvari #HərbiTexnologiya #Kamuflyaj

🇹🇷🇸🇦 Türkiyə İraq ərazisindən Səudiyyə Ərəbistanına qarşı həyata keçirilən pilotsuz uçuş aparatı hücumlarını kəskin şəkildə pisləyib.

Ankara Səudiyyə Ərəbistanının suverenliyinə və ərazi bütövlüyünə dəstəyini bir daha təsdiqləyib.

#Türkiyə #SəudiyyəƏrəbistanı #İraq #PUA #YaxınŞərq

🇷🇺📉Rusiya iqtisadiyyatı kritik seçim qarşısındadır: müharibənin davamının bədəli nədən ödəniləcək.

▪️ Rusiyada eyni vaxtda bir-birinə zidd iki mexanizm işləyir.

▪️ Büdcə kəsirlə işləməkdə davam edir və iqtisadiyyatı dövlət xərcləri ilə doldurur ki, bu xərclərin də mühüm hissəsi müharibə və hərbi-sənaye kompleksi ilə bağlıdır.

▪️ Mərkəzi Bank isə əksinə, yüksək uçot dərəcəsi vasitəsilə artıq pul kütləsini dövriyyədən çıxarmağa çalışır.

▪️ Sentyabrın 11-də Mərkəzi Bank inflyasiyanın təxminən 6% olduğu şəraitdə uçot dərəcəsini 14% səviyyəsində saxlayıb.

▪️ Hələ iyul ayında Rusiya Bankı açıq xəbərdarlıq etmişdi: daha çox stimullaşdırıcı büdcə siyasəti daha sərt pul-kredit siyasəti tələb edə bilər.

▪️ Nəticədə elə bir konstruksiya yaranıb ki, dövlət bir əli ilə inflyasiyanı boğur, digər əli ilə isə onu körükləyir.

▪️ Yüksək uçot dərəcəsi kreditləşməni, investisiyaları və mülki sənayeni iflic edir, lakin büdcə vəsaitləri prioritet sahələrə axmaqda davam edir.

▪️ Mülki iqtisadiyyat nə qədər zəifləyirsə, vergi bazası da bir o qədər daralır; büdcə kəsiri nə qədər böyüyürsə, dövlət bir o qədər çox borclanmağa məcbur olur; pul nə qədər bahalaşırsa, yeni borclara xidmət xərcləri də bir o qədər artır.

▪️ Müharibə Rusiya maliyyə sistemini tədricən mülki sektordan resursları dövlətə ötürən mexanizmə çevirib.

▪️ Büdcə üçün ən əlverişli çıxış yollarından biri devalvasiyadır.

▪️ Neftin dollarla eyni qiymətində zəif rubl avtomatik olaraq rublla neft-qaz gəlirlərini artırır və eyni zamanda dövlətin real xərclərini ucuzlaşdırır.

▪️ Hərbçinin 200 min rublluq maaşı dollar 80 olanda büdcəyə valyuta ekvivalentində 2500 dollara başa gəlirdisə, dollar 200 olduqda artıq cəmi 1000 dollar təşkil edir.

▪️ Eyni proses pensiyalar, büdcə işçilərinin maaşları və sosial ödənişlərdə də baş verir: dövlət nominal olaraq eyni məbləği ödəyir, real olaraq isə xeyli az xərcləyir.

▪️ Devalvasiya bütün əhali üçün gizli vergiyə çevrilir.

▪️ Məhz bu səbəbdən uçot dərəcəsi ətrafındakı mübarizə əslində müharibənin bədəlini kimin ödəyəcəyi uğrunda gedən mübarizədir.

▪️ Mərkəzi Bank rublu qorumağa çalışır, sənayeçilər ucuz pul tələb edirlər, Maliyyə Nazirliyinə gəlir lazımdır, banklara isə ödəmə qabiliyyətli borcalanlar və maliyyə sisteminin dayanıqlığı gərəkdir.

▪️ Bahalı müharibənin davamını, ucuz krediti, güclü rublu, aşağı inflyasiyanı və dayanıqlı büdcəni eyni anda uzlaşdırmaq qeyri-mümkündür.

▪️ Hesab mütləq ödənməlidir: ya inflyasiya və devalvasiya yolu ilə əhaliyə, ya bahalı kredit və tənəzzül vasitəsilə mülki iqtisadiyyata, ya da borcların daha da yığılması ilə büdcəyə təqdim ediləcək.

#Rusiya #iqtisadiyyat #rubl #devalvasiya #maliyyə

🇾🇪⚠️ Yəmən husiləri: Səudiyyə Ərəbistanının hava qüvvələri son 48 saat ərzində Taiz, Marib, Hudeydə, Əl-Cəvf, Səda, Əmran və Həccə vilayətlərinə 129 hava zərbəsi endirib.

Bu zərbələr Səudiyyə Ərəbistanının Xamis Muşayt və Taifdəki hərbi bazalarından havaya qalxan F-15 və Typhoon təyyarələri ilə həyata keçirilib.

“Xalqımıza qarşı bu təcavüzlər, Allahın izni ilə, cavabsız və cəzasız qalmayacaq”.

#Yəmən #Husilər #SəudiyyəƏrəbistanı #YaxınŞərq #HavaZərbələri

🇫🇷🏙 Fransanın ən qədim və ikinci ən böyük şəhəri olan Marsel ölkənin ən rəngarəng şəhərlərindən biridir.

Marsel qədim limanı, Dümanın roman qəhrəmanının məhbus saxlanıldığı qalası və son dərəcə ləzzətli buyabes balıq şorbası ilə məşhurdur.

*Admin təsadüfən Marsel limanının ərazisinə daxil olanda hiss edib ki, nəinki avtomobildən düşmək, hətta dayanmaq belə təhlükəlidir - yerli qaradərililərin sifətləri o qədər “mehriban” görünürdü.

#Fransa #Marsel #Səyahət #AralıqDənizi #Avropa

🌐📸BRİKS sammitinin əsas fotosu: Çoxqütblü dünya “qaydalara əsaslanan dünya”ya salam göndərir.

▪️ BRİKS sammitində çəkilən bu kadr qlobal siyasətdə yeni bir mərhələnin rəmzi kimi diqqət çəkib.

▪️ Liderlərin birgə görüntüsü Qərbin diqtə etdiyi nizamın qarşısında çoxqütblü dünyanın artan təsirini və alternativ güc mərkəzini nümayiş etdirir.

▪️ Beləliklə, qlobal miqyasda qüvvələr nisbətinin dəyişməsi bu tarixi kadr vasitəsilə açıq şəkildə bütün dünyaya çatdırılır.

#BRİKS #sammit #geosiyasət #çoxqütblüdünya #liderlər

🇸🇦🇮🇶Səudiyyə Ərəbistanı pilotsuz uçuş aparatlarının hücumundan sonra Şərq - Qərb neft kəmərinin fəaliyyətini dayandırıb.

▪️ Səudiyyə Ərəbistanının Energetika Nazirliyi Ər-Riyad və Mədinə bölgələrində bir neçə pilotsuz uçuş aparatının hücumuna məruz qalan 1200 kilometrlik Şərq - Qərb neft kəmərinin işinin müvəqqəti dayandırıldığını elan edib.

▪️ Səudiyyə Ərəbistanı və İraq hakimiyyət orqanları aparatların İraq ərazisindən buraxıldığını müəyyənləşdiriblər.

▪️ Hücum nəticəsində yaralananların olduğu və maddi ziyanın dəydiyi bildirilir, lakin dəqiq məlumatlar açıqlanmayıb.

▪️ Son aylarda bu neft kəməri vasitəsilə sutkada 4 - 5 milyon barel neft nəql olunurdu ki, bu da qlobal tədarükün 4 - 5%-nə bərabərdir.

▪️ Sözügedən marşrut Səudiyyə Ərəbistanına Hörmüz boğazından yan keçmək imkanı verirdi; həmin boğazdan hərəkət isə ABŞ və İran arasındakı müharibə səbəbindən kəskin şəkildə azalmışdı.

▪️ İraq tərəfi Meysan vilayətindəki əməliyyatların komandanını istefaya göndərib, hücumun təşkilatçılarının axtarışına başlayıb və İranla sərhəddə yerləşən Şələmçə sərhəd-keçid məntəqəsini bağlayıb.

▪️ Ər-Riyad İraqın Baş nazirinin xahişi ilə hələlik cavab zərbəsi endirməkdən imtina edib, lakin güc tətbiq etmək hüququnu özündə saxlayıb.

#SəudiyyəƏrəbistanı #İraq #neft #Hörmüz #təhlükəsizlik

🇨🇳🤖 Çində həqiqi balıqlardan seçilməyən robot balıqlar yaradılıb.

Pekinli mühəndislər bioloji balıqların hərəkətlərini o qədər dəqiq təqlid edən robot balıqlar hazırlayıblar ki, onlar sualtı mühitə qarışaraq canlı təbiəti narahat etmədən hərəkət edə bilirlər.

Səs-küylü pərlərlə işləyən ənənəvi sualtı dronlardan fərqli olaraq, bu qurğular elastik quyruq və üzgəclərin köməyi ilə üzür.

Bəzi modellər kamera və sensorlarla təchiz olunub. Onlar infrastrukturu yoxlaya, suyun keyfiyyətinə nəzarət edə, çətin əlçatan əraziləri tədqiq edə və sürü halında fəaliyyət göstərə bilirlər.

#Çin #Robot #Texnologiya #RobotBalıq #İnnovasiya

🇫🇷🧄Fransanın “Milli Birlik” partiyasının lideri tərəfdarlarının yaratdığı izdiham səbəbindən tərəvəz atəşinə tutulub.

▪️ “Jordan Bardella Bokruassandakı yarmarkaya səfəri zamanı tərəvəz atəşinə tutulub”.

▪️ “TF1 Info” telekanalının məlumatına görə, siyasətçiyə sarımsaq dişləri atılıb və bunun satıcıların narazılığı ucbatından baş verdiyi ehtimal edilir - belə ki, Bardellanın ətrafına onunla şəkil çəkdirmək və imza almaq istəyən böyük bir tərəfdar kütləsi toplaşıb.

▪️ Bardellanın özü isə baş verənlərə təmkinlə və təbəssümlə reaksiya verib.

▪️ Siyasətçi Fransanın milli maraqlarının daha sərt müdafiəsini dəstəkləyir, Avropa İttifaqının həddindən artıq təsirini tənqid edir və Ukrayna məsələsində ehtiyatlı mövqe tutur.

▪️ O, Rusiya ərazisinə zərbələr üçün silah tədarükü də daxil olmaqla, Moskva ilə gərginliyin artmasına gətirib çıxara biləcək addımlara qarşı çıxış edir.

#Fransa #Bardella #MilliBirlik #Avropaİttifaqı #siyasət

🇾🇪⚡️Husi qüvvələri Bab əl-Məndəb boğazının girişində yerləşən strateji Perim adasını ələ keçiriblər.

▪️ Husilər Qırmızı dənizin cənub girişində yerləşən və Mayyun kimi də tanınan strateji Perim adasına nəzarəti tam təmin ediblər.

▪️ Adanın ələ keçirildiyini Yəmənin beynəlxalq birlik tərəfindən tanınmış hökumətindəki dörd mənbə “Reuters” agentliyinə, iki yəmənli rəsmi isə “Associated Press” agentliyinə təsdiqləyib.

▪️ Sözügedən ada birbaşa Bab əl-Məndəb boğazında yerləşir və Hind okeanı ilə Süveyş kanalı arasında neft və yüklərin daşınmasında əsas marşrutlardan biri məhz buradan keçir.

▪️ Husilər bəyan ediblər ki, Səudiyyə Ərəbistanı ilə əlaqəsi olan gəmilər istisna olmaqla, digər bütün şirkətlər üçün dəniz gəmiçiliyi təhlükəsiz olaraq qalacaqdır.

▪️ Yəmənin hökumət qüvvələri isə husilər tərəfindən Qırmızı dəniz sahillərində tutulmuş əraziləri geri qaytarmaq məqsədilə əks-hücuma hazırlaşdıqlarını elan ediblər.

#Yəmən #husilər #BabəlMəndəb #Qırmızıdəniz #geosiyasət

🇺🇸😴 “Ümumiyyətlə yatmayan” ABŞ prezidenti Donald Tramp 11 sentyabr terror aktlarının 25-ci ildönümünə həsr olunmuş rəsmi anım mərasimində mürgüləyib.

#ABŞ #DonaldTramp #11Sentyabr #AnımMərasimi #NyuYork

🇦🇲🇮🇷 Ermənistan–İran sərhədində “yaşıl dəhliz” yaradılacaq

🔹Ermənistan Dövlət Gəlirləri Komitəsi və İran Gömrük Administrasiyası Norduz–Aqarak keçid məntəqəsində sadələşdirilmiş gömrük dəhlizinin yaradılması barədə protokol imzalayıb.

🔹 Tərəflər həmçinin sərhəd-buraxılış nəzarətinin təşkili və digər gömrük məsələlərini müzakirə ediblər.

🇺🇸🏛ABŞ prezidenti Donald Tramp Corc Vaşinqtona abidə ucaldılmasını tapşırıb.

▪️ “Beləliklə, mən Smitson İnstitutundan bu yaxınlarda keçirilmiş “Freedom 250 Grand Prix” yarışında təqdim olunan 11 futluq Vaşinqton heykəlini ucaltmağı və onu Konstitusiya Gününə - 17 sentyabr 2026-cı ilə həsr etməyi xahiş edirəm”.

▪️ “Təxirəsalınmadan Corc Vaşinqtonun həyatına, fədakarlığına və verdiyi töhfələrə layiq beşillik sərgi hazırlanıb açılmalıdır”.

▪️ “Daha sonra isə hazır olan kimi, bu gün “Sonsuzluq” heykəlinin dayandığı yerdə 30 futluq “Vaşinqton Kolossu”nu ucaltmaq lazımdır”.

▪️ “Amerika haqqında heç nə deməyən heykəli hər kəsdən daha çox Amerika barədə hər şeyi deyən şəxslə əvəz etmək gərəkdir”.

▪️ “Biz 2032-ci ildə Corc Vaşinqtonun 300 illik yubileyi ərəfəsində onun xatirəsini məhz bu cür ehtiramla yad etməyə başlamalıyıq”.

#ABŞ #Tramp #Vaşinqton #heykəl #tarix

🇷🇺📊“Bu hansı Rusiyadadır?”: Kabardin - Balkar sakinləri “Rosstat”ın qeyd etdiyi maaşları öz gəlirlərində tapa bilməyiblər.

▪️ “Rosstat”ın rəsmi məlumatına görə, Rusiyada müəssisə və təşkilatlarda çalışan işçilərin orta hesablanmış aylıq əməkhaqqı 114 743 rubla çatıb. Lakin Kabardin - Balkar Respublikasının sakinləri arasında bu rəqəmlər böyük təəccüb və çaşqınlıq doğurub.

▪️ Şərhlərdə bir çox yerli sakin real həyatda cəmi 30 - 60 min rubl civarında maaş aldıqlarını qeyd edirlər.

▪️ Sakinlərdən biri bu duruma kinayə ilə münasibət bildirib: “Bıy, bu hansı Rusiyadadır? Mənim maaşım 30 mindir. Nəyisə qaçırmışam?”.

▪️ Digər bir istifadəçi 60 min rubl maaş aldığını vurğulayıb, başqa biri isə haqlı olaraq sual edib: “Bəs mənə çatmayan həmin 85 min hardadır?”.

▪️ Rəy yazanlardan biri vəziyyəti xalq məsəli ilə belə ifadə edib: “Kimin kökü var, kələm kimdədir? Məndə kartof var. Birlikdə isə orta hesabla borşumuz alınır”.

▪️ Şərhçilərdən bir başqası isə fikrini belə tamamlayıb: “Görəsən, ayda kim milyard qazanır ki, 30 - 40 min alan qalan milyonlarla insan bu statistikaya heç cür təsir göstərməyib?”.

#Rusiya #KabardinBalkar #Rosstat #maaş #statistika

☕️🦴“Kofeinin skelet sisteminə təsiri”: Alimlər iddia edirlər ki, həddindən artıq qəhvə qəbulu sümüklərin dağılmasına gətirib çıxarır.

▪️ Sileziya Tibb Universitetinin alimləri kofeinin skeletə təsirini heyvanlar və hüceyrə modelləri üzərində araşdıran 53 eksperimental tədqiqatı təhlil ediblər.

▪️ Kofeinin az miqdarda qəbulu sümüklərə zərər vurmayıb, bəzi şəraitlərdə hətta qoruyucu təsir göstərib.

▪️ Lakin yüksək dozalar minerallaşmanın pisləşməsi, sümük toxumasının sıxlığının azalması və sümük kütləsinin sürətlə itirilməsi ilə birbaşa əlaqəli olub.

▪️ Xüsusilə nəzərəçarpan zərər kofeinin yüksək dozalarında böyümə dövründə, estrogen çatışmazlığı zamanı, eləcə də sümük və diş toxumalarının sağalması ilə bağlı təcrübələrdə qeydə alınıb.

▪️ Bir sıra elmi işlərdə kofein yeni sümük toxumasının formalaşmasını ləngidib və onun parçalanma proseslərini daha da gücləndirib.

▪️ Tədqiqatın müəllifləri vurğulayıblar ki, sağlam yetkin insanlar üçün qəhvənin mülayim şəkildə qəbulu adətən təhlükəli sayılmır, lakin kofeindən sui-istifadə ciddi fəsadlara yol aça bilər.

#sağlamlıq #qəhvə #kofein #təbabət #alimlər

🇦🇲🇮🇷 Culfada İran və Ermənistan gömrük xidməti rəhbərlərinin görüşü keçirilib.

Forud Əsgəri və Eduard Akobyan gömrük sahəsində “yaşıl dəhliz” üzrə anlaşma memorandumu imzalayıblar.

Tərəflər həmçinin sənədlərin elektron mübadiləsini, yük avtomobillərinin hərəkətinin asanlaşdırılmasını və gömrük nəzarətinin əlaqələndirilməsini müzakirə ediblər.

Görüşdə qarşılıqlı maraq doğuran digər məsələlər də nəzərdən keçirilib, ardınca nümayəndə heyətləri İran-Ermənistan sərhəd terminalına baş çəkiblər.

#İran #Ermənistan #Culfa #Gömrük #Sərhəd

🇺🇦⚖️ “Deyin görək, sizin idarədə vəziyyət necədir”, - İqor Kolomoyski müttəhimlər kürsüsündən prokurorları sorğu-suala tutub.

“Rəhbərlik olmayanda, əlbəttə, rahatdır. Nə istəyirsən, edirsən. Nə direktor var, nə birinci müavin, ümumiyyətlə, heç kim yoxdur. Bəs sizdə kim rəhbərlik edir?”.

#Ukrayna #Kolomoyski #Məhkəmə #Prokurorluq #Siyasət