‏"جيتك على متن السحاب.. في نظرة عيوني وَله
‏عمري كتبته لك كتاب.. وسمّيت بـ أسمك أجمله
‏مالي سوى عيونك جواب.. قبلك حياتي أسئلة
‏أنا اشعر إن أنتِ ثواب.. لـ خيرٍ فعلته واجهله"

" لا تدقّق فالامور .. ولا تبرّق
‏بارك الله فالبساطه والسهوله

‏الكلام الزين يجمع ما يفرّق
‏و الكلام الشين ودّك ما تقوله "
‏- سعد بن عساف

في عيوني كنّك المال في يدين البخيل
‏ما انت لاقي ضحكةٍ منك ما صرّيتها

‏انت ضحكاتك زهابي وانا عابر سبيل
‏والفرص أصعب من إيجادها، تفويتها

‏يوم أحبك ما تخيّلت ادوّر لك بديل
‏والعلوم التاليه منك، ما حبّيتها

‏"خلّ دمعك لا يسولف ولا حتى يسيل"
‏من متى وعيونك تنام، ما راضيتها؟
- محمد المطيرات

يالواثق اللي قبلته تخطف ألباب
‏تملا العيون و تروي كبود و نفوس
‏تمشي والأرض تعد وتحسبلك حساب
‏وكلما إرتفع مرقاها يحلالك الدوس

‏أبتسم للناس في روحاتك وجيّاتك
‏واترك اللي مشغول في خفايا عيبك

‏لو تراضي خلق ربيّ ما غفرت زلاتك
‏لو تعطيهم ماي عينك وما في جيبك

‏البشر عادي لو تحسدك على سيّاتك
‏دام صيتك طيب وذايع صدى ترحيبك

‏ولامن تردى فيك من ظنيته لـ هقواتك
‏اعرف انّ من صفى نيّاتك ومن طيبك

مافيه نشوه تشابه نشوة الانتصار
‏قدام عين الحسود اللي يبيك تخسر 🥇

تكثر وجيه الناس والوجه واحد
‏"لابس من العزّة جلابيب وثياب"

‏تمرين المكان وتتركين الكل بك مذهول
‏لقاك المشهد اللي ما تمل - العين تكراره

‏" إذا هزمتك كفو .. و أستاهل الانتصار
‏ و إذا هزمتيني أنتي .. كني المنتصر "

‏"يوم أفز لشوفتك وأفرح وأحث لك الركايب
‏كنّك الماء اللي تفز لشوفته البدو المحيلة"

‏عسى ماللملامه في مجيّك للعتب مشوار
‏ياوجهٍ كل ضحكات الصباح لطلّته ولهى

‏يشابهك الندى والورد الازهى والنسيم ان دار
‏مادام ان كل شوفاتك حنين وجيّتك ازهى

‏"طراة الرفيق اللي لا سولفت معه أرتحت
‏ تسولف معه .. كنّك تسولف على نفسك"

‏"لدّي النظر يا أم العيون اللي نهايتها إحتلال
‏ملامحك لا شافها المخطي.. يبادر بالعذر

‏أنتِ اليقين الراسخ اللي مايشوبه إحتمال
‏وانتِ الثواب اللي تجلّى لي بعد شـدّة صبر

‏من حقّق الله حلمه ونالك رغم أنف المُحال
‏يستاهل يعيش الحياة وبـداخله نشوة نصر"

‏" عسى قبرك مثل قلبك بياض وممتلي بالنور
‏وتحتك جنةٍ خضرا بسحابة خير ممطوره "

‏ياللي تدوّر في قفانا عذاريب
‏عمر الردي على الردى ماحدانا

‏ان كان ماتقدر تنافس على الطيب
‏ماهوب عيبٍ منك تمشي ورانا

‏شوفي ضياعي في عيونك وفوضاي
‏لا تجمعين اللي بقى من شتاتي

‏راضي بـ كل اللي تسوين ويّاي
‏مادامك اللي بيني وبين ذاتي

‏لا يشغلك ماضي وانا اشوفك الجاي
‏والرحمه اللي عشتها في حياتي

‏فـ البال حِلّك، لكنّ ما فيه ترحالك !
‏لو عنْك حيلة؟ .. أنا مافي يدي حيلة

‏حاول تمرّر (خطاويّي) على ؛ بالك
‏أستاهل أنّي أمرّ فْـ بالك .. الليلة

‏اعرف مقداري وسط كـل مجلاس
‏والصمت حافظ فالقلوب اعتباري

‏ماني بـ لا فكره ولاني بـ هوجاس
‏وماني بـشيٍ فالحياة اختياري

‏اما اجي عـزٍ .. تبـاشر بـه النـاس
‏ولا يكفي عن حضوري .. اعتذاري

‏“الأنفس مسفهلّة بالرضا.. والأرض مبتلّة”

حاول تخلّي جلستك عند العرب ركعة وتر
خفيفةٍ تقضي لزومك كل ما صليتها

وحاول تخلّي كلمتك عند العرب ليلة قدر
كلٍ يدورها ولا يدرى متى توقيتها

وحاول تخلّي كلمتك وقت العتب رشّة عطر
يفطن لها المخطي ولا تندم إذا رشيتها