‏"أحب الحياة اللي كذيّا بلا ترتيب
‏أنا حُرّ.. وأفكاري مثل نفسي الحُرّه"
‏- محمد أبن الذيب

‏"من يقول إن السعد مايبيّن بالوجيه
‏والله إن وجهك لحاله يبشر بالسعد"

‏"يارب .. من وين أبتدي؟
‏سبحانك الحق المُعين

‏أسكنتني فوق الجَدي
‏واغرقتني بفضلٍ ثمين

‏أحبّك بقلبٍ ندي
‏رقيق .. بس يملك يقين

‏انه لو أرفع لك يدي
‏دُعاي ياصلك وتزين"

مانكتب الشعر من فرط الترف والجنون
‏نهرب إلى الشعر .. لامن تعّبتنا الحياه ‏
- سعد علوش

‏لا تخادعك الحياة بوجه نيّر
‏الزمان يدور ، وصدوفه تتالى

‏تبتسم بالوجه الأول وإن تغير
‏لا يشبه فالوجيه .. ولا يحالى

‏مايحس بـ لذة العمر القصيّر
‏غير من عافه لوجه الله تعالى

‏"ولا لي بالبشر غاية ولا لي بالثـرى أوتاد
‏خفوقي حر و اتبع ما يعز النفس وارضيها
‏تركت أحلام واجد .. لأنها في ناظري أقیاد
‏وأنا ما ارضى القيود اللي تشل الروح بيديها"

‏"لا أنطوى يومًا من العمر في جيب الغروب
‏ما أنقطع طيب الرجاء فالصباح اللي يليه"

‏"آخر الليل سارح واوّل الليل ساري
‏استهل الدروب وعاش مثل الأهلّة

‏سبّة بياض وجهي من سبايب سَماري
‏يوم وجهي بوجه الشمس وانتِ بـ ظلّة

‏صاحبي من متى وانا اترجّى نهاري
‏يلبس الغيم لو إني بحاجة لـ بلّة

‏خل ليلي يمر فـ عين الأكوان عاري
‏عندي أهون من إنه يلتبس ثوب ذِلّة"

‏من المفترض ما تتعب الا على ثنتين
‏لا تَظلِم عباد الله تعالى !.. ولا ، تِظلَم

‏رضا الناس لاهو همّ حاضر ولا بعدين
‏ياكم من مثابر قد سعا فيه واستسلم

‏توكل على الله ، لا توقف ما بين و بين
‏قبل تجتهد في كل شي .. وقبل تحلم

‏يسكر بـ وجهك باب رزقٍ ، تعرفه زين
‏ويفتح عليك الرزق من حيث لا تعلم

‏المسافه بين وش هو ناوي ولله دره
‏الصبر فيها وبذل النفس أخير من التحاشي

‏السنه هذي على كثر المصايب والمضره
‏ماقطع ربي رجانا فالخيال وفالمناشي

‏امنعونا يامدوّرة العلوم من التشرّه
‏واكرمونا بالسكوت وبالثبات وبالتماشي

‏الطريق اللي تبونه مسلك.. إلنا فيه جرّه
‏والبعير اللي تبونه مشترى.. بعناه حاشي

‏يارب تستر على نفسي من الإحتياج
‏لي رغبةٍ يستدير .. الحظ من دونها

‏"يا رب في خاطري حاجة وممتنّك
‏أنا الذي دورة الايام .. تومي به

‏فإن كان ذنبي يعوق اللي أبي منّك
‏أغفر ذنوبي وحقق لي ما ودّي به"

‏أنت القبول اللي انزرع فيك واجد
‏كنّك تدوس الأرض وينبت لك أحباب

‏لا تشكِّك فالمحبَّة وتجنِّبني وجيه
‏وانا عيني مثل قلبي على غيرك عِمي

‏وحّد الله.. أنت مالك مع خلقه شبيه
‏لوَّ تلقى لك مقلِّد وتلقى لك سِمي.

‏أنا سيّد أفكاري ما أحب أتبع التنوير
‏قناعاتي اللي داخلي .. موجز أحزاني

‏ما أعيش الحياه اللي تجي وفق فكر الغير
‏شعوري عميق ومنطقي منطق إنساني

‏ولاني بحاجه حُب واهم ، ولا تقدير
‏أنا نصفي الأول .. وأنا نصفي الثاني

‏الله يفتح لي "مغاليق بيبان الدروب"
‏لين احسب اني لحالي على الارض اعبده*
‏__مي اللافي

‏"جيتك وأنا من راس قوم ماني بعابرة سبيل
‏وبقفي وأنا شيهانة ترقى السماء وتحومها "

‏"ما كان ودّه يبللك المطر يا جميل
‏لكن يبي يحس كيف إليا نزل يرتقي"
‏- سعد علوش

"يا رب ما يخفت وهج أسمي ولا نجمي يغيب
‏ولا يهَال تراب الأرض .. إلا على وجهٍ تحب"

‏"جيتك على متن السحاب.. في نظرة عيوني وَله
‏عمري كتبته لك كتاب.. وسمّيت بـ أسمك أجمله
‏مالي سوى عيونك جواب.. قبلك حياتي أسئلة
‏أنا اشعر إن أنتِ ثواب.. لـ خيرٍ فعلته واجهله"