لامنك جيت ينْهل المزن ويهفهف النِّسناس
‏وإذا طلَّيت حتى جرْهدي البيد يتورّد

‏"يوم غيرك يبي منّي .. ولو ربع كلمة
‏كنت أسنّد عليك السالفة والقصيدة"

كيف أقول إن طال صمتي فالوجيه المستريبه
‏إنك مبطي، ما مسحت برقّة يدينك ندوبي

صباح الخير ، اما بعد :
" لولا هقوةٍ تشرق علي كل مطلع نور
ما حققت من غايات عمري ولا غايه "

اقرأ من القرآن وأدعي وأصلّي
‏وأدناة ذنبٍ مرني رحت وإياه

يا رب لا تغضب على عبدك اللي
‏يضحك قبل ذنبه ويبكي لا سوّاه

دخيل العيد و أفراح القلوب وشوفة الغاليّن
‏« على كثر أزدحام البال خلني على بالك »

غريب حتى مع النسيان والاغتراب
‏والحب طيرٍ ربى فيني .. وعيّا يطير

‏هوّنها وتهون ما يذبح الإنسان غير تحليله للأمور*

عطيتك قلبّي الصادق
عطيتك شي ما ينباع
‏عطيتك كل ما أملك رغم .. ذلك مخليني

البلا لا صرت "أعرف أشتاق.. لكن ما أعرف أنادي"

‏والموت في "لا أنا اتبع المقفي/ولا أحب فرقاك"

«ترى الجفا عِقب الغلا ما يحقّا»

مد كفك للسلام و مد كفك للوداع
‏لا تبالغ بالتمسك تنجرح قلب ويدين

أحبك حسبي الله ليت مالك في سماي بروج
‏ولا لك ف البسيطه كود شي بينك وبيني

‏دخيلك لا تلفت رح بفالك وأترك المرجوج
‏تغانم ما بقى لك ولا أنا ما عاد يمديني

‏فمان الله سق ركبك على درب السنين العوج
‏ولكن طالبك لا أقفيت عني .. لا تخليني

تارك لي ذكريات و مداهيلٍ وراي
‏خاطري فيها وأنا ما أقدر أعوّد ورا

-سعود مبارك

ضحايا المعارك موت شعب وخراب أوطان
‏وضحايا الهوى لا عاشوا أهله .. ولا ماتوا

يموت القصيد أن ما لقى منك الترديد , مثل
مايموت الليل .. لاشحّت اوقاتك

ياخذه حب القنص في كل روض وكل حره
‏وأدري إنه يذكر اسمي لا لمح ظبي الحماده

عليك الكرامه واقفه والشعور يعسّ
أماكن لقانا كها ملح من ملحك

إن مر طيفي على بالك بليلة ربوع
‏اسأل غُرورك ، وش الدنيا بليَّا متاع؟

‏وأنا بحافظ على جرْحك ما بين الضلُوع
‏وليا ذكرتك تنحَّرت الفجُوج الوساع

"تعبت أشوف الناس مثل الناس والأربع فصول
‏متشابهة في الفكرة .. ومُستنسخَة لأسلافها"
‏- صالح بن حمد