«Сиз Президент бўлганингиздан кейин чўнтагим пул кўрди» — актёр Фарҳод Абдуллаев

Кино соҳаси вакиллари билан учрашувда актёр Фарҳод Абдуллаев Президент Шавкат Мирзиёевга санъаткорлар учун яратилган имкониятлар учун миннатдорлик билдирди.

У давлат раҳбарига мурожаат қилиб, Президентлик давридан кейин ўзининг моддий аҳволи яхшиланганини таъкидлади.

«Сиз Президент бўлганингиздан кейин менинг чўнтагим пул кўрди», — деди Фарҳод Абдуллаев.

Актёрнинг бу сўзлари учрашувда ўзига хос илиқ лаҳза сифатида қабул қилинди.

Telegram I Facebook I YouTube I Instagram

Президент пропискадаги чекловларни бекор қилишга қандай қарор қилганини эслади

Президент Шавкат Мирзиёев Тошкентда прописка олишда дуч келган қийинчиликларини эслади. Унинг айтишича, Москвада илмий ишини ҳимоя қилиб қайтгач, ишлаган институти уй берган, аммо прописка йўқлиги сабабли ордер ололмаган.

Давлат раҳбари Ўзбекистон фуқаролари мамлакат ҳудудида прописка олишига имкон берувчи қарорни илк ҳужжатларидан бири сифатида тилга олди.

Telegram I Facebook I YouTube I Instagram

Собиқ ходим суд қарорларидан норози: 50 дан ортиқ мурожаатга ечим топилмадими?

Бухоролик собиқ профилактика инспектори 2023 йилдан буён ишга тикланиш масаласи бўйича судлашиб келаётганини айтмоқда. Унинг таъкидлашича, у хизматдан босим остида бўшатилган, бироқ суд буйруқни бекор қилиш ва ишга тиклаш талабларини рад этган.

Суд ҳужжатларига кўра, унга меҳнат дафтарчаси кечиктириб берилгани учун жами 8,6 миллион сўмдан ортиқ маблағ ундириш белгиланган.

Мурожаатчининг асосий эътирози — ишни қайта кўрган апелляция судида аввалги таркибда қатнашган икки судьянинг яна иштирок этгани. У, шунингдек, гувоҳлар кўрсатмаларига етарли баҳо берилмаганини таъкидламоқда.

Бухоро вилояти суди, Олий суд, Президент портали ва Олий Мажлис Сенатидан мурожаат юзасидан расмий муносабат кутамиз.

Материал мурожаатчининг сўзлари ва таҳририятга тақдим этилган суд ҳужжатлари асосида тайёрланди.

Telegram I Facebook I YouTube I Instagram

"Iman"га иймон керакми?

Ислом молияси тамойилларига мувофиқ фаолият юритиши керак бўлган "Iman Invest" компанияси атрофида можаро юзага келди.

Ислом молияси бўйича халқаро аудитор Маҳмуд Усмон компанияда молиявий қоидабузарликлар ва бир неча миллион долларлик камомад борлигини билдирмоқда. Компания асосчиси Рустам Раҳматов эса бу айбловларни рад этмоқда.

Ислом молиясини мувофиқлаштириш кенгаши (IFCB) 2026 йил 25 октябрь куни "Iman Invest" билан ҳамкорликни тўхтатганини маълум қилди. Кенгаш баёнотида инвесторлар маблағларидан фойдаланиш, фойда тақсимоти ва айрим харажатлар юзасидан жиддий эътирозлар билдирилган.

👉 https://effect.uz/n/338

👉 Тўлиқ видео

Telegram I Facebook I YouTube I Instagram

Президент фильм суратга олинаётган павильонга ташриф буюрди

Президент Шавкат Мирзиёев Абу Али ибн Синонинг болалик йилларига бағишланган фильм суратга олинаётган павильонда бўлди.

Telegram I Facebook I YouTube I Instagram

Fitch Ratings “Ўзбекгидроэнерго” рейтингини тасдиқлади

Халқаро Fitch Ratings агентлиги “Ўзбекгидроэнерго” АЖнинг узоқ муддатли кредит рейтингини “ББ” даражасида тасдиқлади. Рейтинг прогнози — “Барқарор”.

Агентлик жамиятнинг мустақил кредит профилини “б+” даражасида баҳолаган. Ҳисоботда активлар сифати, молиялаштириш манбаларига кириш имконияти, қисқа муддатли мажбуриятларни бажариш қобилияти ва молиявий мослашувчанлик бўйича ижобий ўзгаришлар қайд этилган.

Fitch “Ўзбекгидроэнерго”нинг ишлаб чиқариш қувватларини кенгайтириши, юқори операцион рентабеллиги ва қарз юкини бошқаришдаги ёндашувини асосий ижобий омиллар сифатида кўрсатган.

Шунингдек, давлат кафолатисиз маблағ жалб қилиш тажрибасининг ортиши компаниянинг молиялаштириш имкониятлари ва молиявий мослашувчанлигини яхшилаётгани таъкидланган.

Агентлик таҳлилига кўра, мамлакатдаги умумий операцион муҳит таъсири ҳисобга олинмаганда, компаниянинг мустақил кредит профили “бб-” даражасига мос келади. Якуний “б+” баҳосида эса Ўзбекистондаги умумий фаолият юритиш шароитлари ҳам инобатга олинган.

Telegram I Facebook I YouTube I Instagram

Қашқадарёда ердан оқилона фойдаланмаган “Nishan Chikens S”нинг ижара шартномаси бекор бўлганми?

Нишон тумани ҳокимлиги икки масъулияти чекланган жамиятнинг қишлоқ хўжалиги ерлари бўйича ижара шартномаларини бекор қилиш масаласини кўтарган.

Бу ҳақда Нишон тумани ҳокими томонидан 2026 йил 1 май куни Қишлоқ хўжалиги вазирлиги ҳузуридаги Агросаноат мажмуи устидан назорат қилиш инспекцияси Қашқадарё вилояти бошқармаси раҳбарига юборилган хатда сўралган.
Ҳужжатда гап “Nishan Chikens S” МЧЖ ва “Худойберди Бобо Агро Чорваси” МЧЖ ҳақида кетмоқда.

Ёдингизда бўлса, куни-кеча EFFECT.UZ “Nishan Chikens S” МЧЖ билан боғлиқ масалани кўтарганди ва ҳақиқатда корхона фаолиятида бир қатор камчиликлар борлигини, хусусан, асосий фаолият тури паррандачилик билан шуғулланиш бўлсада, МЧЖда бир дона ҳам парранда аниқланмаган.

Ҳужжатда икки жамият раҳбарларининг масъулиятсизлиги натижасида ер ижара шартлари мунтазам бузилгани, ердан оқилона фойдаланилмагани, агротехник тадбирлар қўпол равишда бузилгани ва сув ресурсларидан самарасиз фойдаланилгани қайд этилган.

👉 https://effect.uz/n/340

Telegram I Facebook I YouTube I Instagram

22 ёшли режиссёр Муниса Магамет Президентдан медаль олди

Президент Шавкат Мирзиёев кино соҳаси вакиллари билан учрашув ўтказди. Унда ёш ижодкорларни қўллаб-қувватлаш ва миллий кинематографияни ривожлантириш масалалари муҳокама қилинди. Учрашувда 22 ёшли режиссёр қиз ҳам давлат мукофоти билан тақдирланди.

Ёш режиссёрнинг Президентдан медаль олгани тадбирнинг эътиборли воқеаларидан бири бўлди.

Учрашув давомида кино соҳасида ижод қилаётган мутахассисларни қўллаб-қувватлаш, янги авлод режиссёр ва сценаристлари учун имкониятларни кенгайтириш масалаларига ҳам эътибор қаратилди.

Telegram I Facebook I YouTube I Instagram

«ЗЎР ТВ каналида 100 млн дан ошиқ ойлик оламан» — Дилшод Мирзамуродовнинг Президент билан суҳбати

Актёр Дилшод Мирзамуродов Президент Шавкат Мирзиёев билан суҳбатда онасининг оддий фаррош бўлиб ишлагани ва давлат раҳбари билан учрашув ҳақида эшитгач, қаттиқ ҳаяжонланганини айтди.

Шунингдек, у «Зўр ТВ» телеканалида ойига 100 миллион сўмдан ортиқ маош олишини маълум қилди.

Telegram I Facebook I YouTube I Instagram

Президент бугун тиббиёт ходимлари билан учрашади ва Олимпия шаҳарчасига боради

Бугун, 27 октябрь куни Президент Шавкат Мирзиёев Кўксарой қароргоҳида соғлиқни сақлаш ва фармацевтика соҳаси вакиллари билан учрашув ўтказади.

Шунингдек, давлат раҳбари Олимпия шаҳарчасига ташриф буюриб, Президент Олимпиадасининг очилиш маросимида иштирок этади.

Telegram I Facebook I YouTube I Instagram

Президент: сунъий интеллект шифокор ва ҳамшираларнинг ишончли ёрдамчисига айланади

Ўзбекистонда тиббиётни рақамлаштириш ишлари хусусий клиникалар ва дорихоналарни ҳам қамраб олмоқда. Бу жараёнда сунъий интеллект технологияларидан фойдаланиб, шифокор ва ҳамшираларнинг ишини енгиллаштириш кўзда тутилган.

Фармацевтика маҳсулотларига бўлган эҳтиёжнинг 70 фоизини ички имкониятлар ҳисобидан қоплаш мақсад қилинган. Шу боис, сўнгги йилларда 1 миллиард долларлик 330 та янги ишлаб чиқариш қуввати ишга туширилди.

Шунингдек, «Тошкент биофарм сити» кластери ҳамда Андижон, Наманган, Жиззах ва Тошкент вилоятларида фармацевтика эркин иқтисодий зоналари ташкил этилди. Ҳозирда ушбу ҳудудларда умумий қиймати 1,2 миллиард долларлик лойиҳалар амалга оширилмоқда.

Telegram I Facebook I YouTube I Instagram

Президент беш нафар таниқли тиббиёт олимига давлат мукофотларини топширди

Президент Шавкат Мирзиёев соғлиқни сақлаш ва фармацевтика соҳаси ходимлари билан учрашувда бир гуруҳ соҳа вакилларига давлат мукофотларини шахсан топширмоқда.

Тақдирланганлар орасида нефролог Ботир Даминов, онколог Миржалол Жўраев, академик Шавкат Каримов, микрохирург Азамат Юсупов ҳамда профессор Адҳамжон Ваисов бор.

Улар тиббиётни ривожлантириш, илмий изланишлар, мураккаб жарроҳлик амалиётлари ва малакали мутахассислар тайёрлашга қўшган ҳиссаси билан эътироф этилган.

Telegram I Facebook I YouTube I Instagram

Навоийда бир гуруҳ тадбиркорлар нимадан норози?
 
Навоий шаҳридаги «Навоий» савдо комплексида тадбиркорлар ва маъмурият ўртасида келишмовчиликлар юзага келаётгани айтилмоқда.

Таҳририятимизга мурожаат қилган бир гуруҳ тадбиркорлар савдо комплекси ҳудудида уларнинг ҳуқуқ ва манфаатлари бузилаётганини билдиришган.

Effect.uz ижодий гуруҳи айни вақтда воқеа жойида бўлиб, тадбиркорларнинг мурожаатларини ўрганмоқда. Ҳолат юзасидан тадбиркорлар ҳамда савдо комплекси маъмуриятининг позицияси ҳам ўрганилади.

Масаланинг барча тафсилотлари акс этган тўлиқ репортаж тез орада Effect.uz каналида эълон қилинади.

Telegram I Facebook I YouTube I Instagram

Тошкентда одам тириклайин ёнган видеоси тарқалди

Тошкент шаҳар Миробод тумани Нукус кўчасида жойлашган Parkwood турар-жой мажмуасига тегишли трансформатор мортлаши оқибатида электрик олов ичида қолган. Гувоҳларнинг айтишича, у оғир аҳволда Тез ёрдам машинасида шифохонага олиб кетилган.

Турар жой аҳолисининг гапларига қараганда, бу ерда трансформатор билан боғлиқ доимий муаммо кузатилади. Свет ҳар доим ўчиши аҳолининг жонига теккан. Энди портлаш оқибатида бутун уй электр энергиясиз қолган.

Telegram I Facebook I YouTube I Instagram

«Док-1 Макс» фожиасида вафот этган болалар оилаларига товон тўлиқ тўланди

«Док-1 Макс» фожиасидан жабр кўрганлар ва ҳалок бўлган болаларнинг оилаларига компенсация тўлиқ тўлаб берилди. Товон пулининг 20 фоизи судланган шахслардан ундирилган, қолган 80 фоизи давлат ҳисобидан қопланган.

Суд ҳукмига кўра, вафот этган болаларнинг қонуний вакилларига 1 миллиард сўмдан, ногирон бўлиб қолган болаларнинг вакилларига 500 миллион сўмдан, енгил тан жароҳати олган жабрланувчиларга эса 200 миллион сўмдан товон пули белгиланган.

Telegram I Facebook I YouTube I Instagram

Саратонни эрта аниқлаш учун йилига 700 миллиард сўм ажратилади

Президент Шавкат Мирзиёев ошқозон, йўғон ичак, простата бези ва ўпка саратонини эрта аниқлаш дастури 2028 йилдан барча ҳудудларда жорий этилишини маълум қилди. Дастур Самарқанддан бошланади.

Инфаркт ва инсультни эрта аниқлаш дастури натижасида беш ойда эрта ўлим 15 фоизга камайган, 855 нафар инсон ҳаёти ва саломатлигини сақлаб қолишга эришилган. Келаси йили бу дастурга 280 миллиард сўм ажратилиб, барча туман ва шаҳарлар қамраб олинади.

Шунингдек, келаси йил бепул дори воситалари тури 73 тага, тиббий текширувлар эса 36 тага етказилади.

Telegram I Facebook I YouTube I Instagram

Ўзбекистон тиббиётида янги стандартлар жорий этилади: шифокорларга электромобиль берилади

Президент Шавкат Мирзиёев соғлиқни сақлаш соҳасида таълим, қурилиш, санитария-гигиена, беморлар хавфсизлиги ва ходимлар маданиятини қамраб олувчи «Янги Ўзбекистон тиббиёт стандартлари» жорий этилишини маълум қилди.

Шунингдек, бирламчи бўғин тиббиёт ходимлари босқичма-босқич махсус кийим-бош билан бепул таъминланади.

Жорий йилда энг яхши шифокор ва ҳамширалар ўртасида вилоят танловлари ўтказилмоқда. Ғолибларга 30 миллион сўмдан мукофот берилади.

Келаси йилдан рағбатлантириш янада кучайтирилади: вилоят босқичида ғолиб бўлган 14 нафар шифокор электромобиль билан тақдирланади. Соғлом турмуш тарзини тарғиб қилувчи энг яхши 10 та лойиҳа муаллифига эса 200 миллион сўмдан грант ажратилади.

Telegram I Facebook I YouTube I Instagram