Тадбиркорни ердан маҳрум қилиш билан қўрқитган ҳоким ўринбосари 65 млн сўм пора билан ушланди

Наманган вилоятида тадбиркорга тегишли ер майдонини олиб қўйиш билан таҳдид қилган ҳоким ўринбосари 65 миллион сўм пора билан қўлга олинди.

Telegram I Facebook I YouTube I Instagram

Тошкентдаги хонадонда чиққан ёнғинда бир киши ҳалок бўлди

Тошкент шаҳри Учтепа туманидаги кўп қаватли уй хонадонларидан бирида тунда ёнғин содир бўлган. Оқибатда бир нафар фуқаро ҳалок бўлди. Ҳолат юзасидан жиноят иши қўзғатилди.

Тошкентдаги хонадонларнинг бирида тунда содир бўлган ёнғинда бир киши ҳалок бўлди. Бу ҳақда шаҳар Фавқулодда вазиятлар бошқармаси хабар қилди. Маълумотга кўра, 24 октябрь куни соат 01:33 да Учтепа тумани Юсуф Саккокий кўчасида жойлашган турар жой мажмуасидаги хонадонлардан бирида ёнғин чиққан.

Ёнғин-қутқарув экипажлари воқеа жойига етиб бориб, оловни соат 01:52 да бартараф этган. Ҳодиса оқибатида хонадондаги уй жиҳозлари зарар кўрган. Ёнғин ўчирилгандан сўнг воқеа жойида бир нафар фуқаронинг жасади топилган.

Ҳозирда ҳолат юзасидан тегишли органлар томонидан жиноят иши қўзғатилган. Ёнғин сабаблари ва бошқа тафсилотларни аниқлаш бўйича терговга қадар суриштирув ишлари олиб борилмоқда.

Telegram I Facebook I YouTube I Instagram

Иорданияда черковга қуролли ҳужум уюштирилди

Иорданиянинг Карак вилоятида дафн маросими вақтида қуролланган шахслар черковга ҳужум қилди. Оқибатда 6 киши ҳалок бўлди, 28 киши яраланди, деб хабар бермоқда CNN.

Гувоҳларнинг айтишича, ҳужумчилар автомобилдан тушиб, маросимга йиғилган одамларни бир неча дақиқа давомида ўққа тутган. Черков ичида ва ташқарисида 150 нафардан ортиқ одам бўлган.

Telegram I Facebook I YouTube I Instagram

Тадбиркорлар учун амнистия эълон қилинди

2026 йил 31 декабрга қадар кичик ва ўрта тадбиркорлик субъектлари учун "Иккинчи имкон" иқтисодий амнистияси эълон қилинди.

👉 https://effect.uz/n/326

Telegram I Facebook I YouTube I Instagram

Ҳужжатини қилиб берасан: Хоразмда кадастр бўйича 120 дан ортиқ мурожаат айрим масалалар жойида ҳал қилинди

Ер ва кадастр масалалари билан боғлиқ муаммоларни ўрганиш учун Урганчга вилоятнинг 13 та шаҳар ва туманидан фуқаролар ҳамда тадбиркорлар келди. Кадастр агентлиги директори в.б. Садриддин Турдиев раҳбарлигида Хоразм вилоятининг Урганч шаҳрида сайёр қабул ўтказилди.

Қабул давомида 120 нафардан ортиқ фуқаро ва тадбиркорнинг ер ва кадастр соҳасига оид мурожаатлари кўриб чиқилди.

Мурожаатларнинг аксар қисми жойида ҳал этилгани маълум қилинди. Қўшимча ўрганишни талаб қилган масалалар бўйича эса масъул ходимларга уларни қонуний тартибда ижобий ҳал этиш юзасидан топшириқлар берилди.

Сайёр қабулда вилоятнинг 13 та шаҳар ва туманидан келган аҳоли ва тадбиркорлар ўз масалаларини бевосита мутасаддиларга етказиш имконига эга бўлди. Кадастр агентлигида ҳудудларда сайёр қабуллар ўтказиш амалиёти давом этмоқда.

Хусусан, 15–16 октябрь кунлари Қорақалпоғистон Республикасида ўтказилган сайёр қабулда ҳам 200 нафардан ортиқ фуқаро ва тадбиркорнинг ер ва кадастр соҳасига оид мурожаатлари қабул қилинган. Ушбу қабулларда кўтарилаётган масалаларнинг жойида ўрганилиши ва қонуний ҳал этилишига алоҳида эътибор қаратилмоқда.

👉 https://youtu.be/lnoi11Hd5fw

Турдимов: “Мактаб директорини йиғилишга чақиришдан олдин вазирликдан рухсат сўралади”

Эркинжон Турдимов барча туман ҳокимларига мактаб директорларини турли йиғилишларга жалб қилиш масаласида қатъий тартиб ўрнатилиши кераклигини айтди.

“Барча туман ҳокимларига етказинглар. Мактаб директорини йиғилишга чақирмоқчи бўлса, аввал вазирликдан рухсат сўрайди”, — деди Таълим ва илм-фан вазири Эркинжон Турдимов.

Вазир мактаб директорларининг асосий вазифаси таълим жараёнини ташкил этиш эканини таъкидлаб, уларни бошқа йиғилиш ва тадбирларга асоссиз равишда жалб қилишга йўл қўйилмаслиги кераклигини билдирди.

Telegram I Facebook I YouTube I Instagram

Сурхондарёда тоғдан кўчган тошлар машина йўлини тўсиб қўйди

Сурхондарё вилоятининг Узун туманида автомобил йўлига тоғжинслари кўчиб тушди. Бу ҳақда вилоят ҳокимлиги хабар берди.

Маълум қилинишича, 24 октябрь куни тахминан соат 03:30 да Узун тумани ҳудудидан ўтувчи 75В040 автомобил йўлининг 21–22-километрлари оралиғида табиий тоғжинслари кўчиши содир бўлган.

Ҳодиса жойига туман Фавқулодда вазиятлар бўлими ходимлари, Йўллардан фойдаланиш давлат муассасаси ишчилари ва махсус техникалар жалб этилган. Кўрилган тезкор чоралар натижасида соат 07:30 га қадар йўл тоғжинсларидан тўлиқ тозаланган.

Ҳодиса оқибатида жабрланганлар ёки транспорт воситаларига зарар етгани қайд этилмаган. Ҳозирда автомобил йўлининг қатнов қисми тўлиқ очилган ва транспорт воситаларининг хавфсиз ҳаракати тикланган.

Масъуллар ҳайдовчилардан тоғли ҳудудларда ҳаракатланишда эҳтиёткор бўлиш, йўл белгилари ва хавфсизлик талабларига қатъий риоя қилишни сўраган.

Telegram I Facebook I YouTube I Instagram

2027 йилдан лифтларда қурилиш материаллари ташиш тақиқланади

Бино бошқарувчилари лифтларга ҳар ойда камида бир марта техник хизмат кўрсатилишини таъминлаши шарт бўлади.

👉 https://effect.uz/n/327

Telegram I Facebook I YouTube I Instagram

Кексалар учун ноябрь ойида музей ва поезд чипталари арзонлашади

1–30 ноябрь кунлари ўтказиладиган «Кексалар учун туризм ойлиги» доирасида кекса ёшдаги фуқаролар қатор имтиёзлардан фойдаланишлари мумкин.

Жумладан, улар маданий мерос объектлари, давлат музейлари ва музей-қўриқхоналарга кириш чипталарини 50 фоиз чегирма билан харид қилади.

Бундан ташқари, 55 ёшдан ошган аёллар ҳамда 60 ёшдан ошган эркаклар маҳаллий йўналишлардаги поезд чипталарини 20 фоиз арзон нархда сотиб олишлари мумкин.

Ушбу чегирма «Афросиёб» тезюрар поездига татбиқ этилмайди.

Telegram I Facebook I YouTube I Instagram

Тошкентда қабристонга зарар етказган қурувчи ташкилот 88 млн сўм жаримага тортилди

Яшнобод туманидаги Султонали Машҳадий маҳалласида тадбиркорлик объектига қўшимча бино қуриш учун рухсатномасиз ер ишлари олиб борилган. Жараёнда қурувчининг эҳтиётсизлиги оқибатида қабристон деворига шикаст етказилиб, айрим қабрларга зарар етган.

Қурилиш назорати инспекциясига кўра, ноқонуний қурилиш ишлари тўхтатилган ва қурувчи ташкилотга БҲМнинг 200 баравари — 88 млн сўм миқдорида жарима қўлланилган.

Ўрганишлар давомида мазкур қурилиш ишлари белгиланган шаҳарсозлик нормалари талабларига зид равишда, тегишли рухсатномаларсиз ноқонуний бошланганлиги аниқланди.

Telegram I Facebook I YouTube I Instagram

«Одамларни сарсон қилмасдан, масаланинг ечимини топиш керак» – Хоразмда сайёр қабул ўтказилди

Урганч шаҳрида Кадастр агентлиги директори Садриддин Турдиев бошчилигида ўтказилган сайёр қабулда 120 дан ортиқ фуқаро ва тадбиркорлар иштирок этди.

Учрашувда йиллар давомида ҳал бўлмай келаётган ер ва мулк масалалари кўриб чиқилди.

Қабул давомида 1989 йилдан буён яшаб келаётган фуқаронинг 40 кв.м ерини расмийлаштириш, бир ер майдонига икки кишида ҳоким қарори ва кадастр ҳужжатлари мавжудлиги билан боғлиқ низолар ҳамда йўқотилган архив ҳужжатларини тиклаш каби мурожаатлар тингланди.

Шунингдек, 250 кв.м майдондаги объекти расмийлаштирилмай турган ва 45 нафар ходими иш ўрни хавф остида қолган тадбиркор масаласи ҳам эътиборда бўлди.

Ҳар бир мурожаат бўйича масъулларга аниқ топшириқлар берилди. Айрим масалалар жойида ҳал этилган бўлса, мураккаб ва низоли ҳолатларни қонун доирасида ва холис ўрганиб чиқиш вазифаси юклатилди.

👉 Батафсил

👉 Тўлиқ кўриш

Telegram I Facebook I YouTube I Instagram

Ким Чен Ин янги очилган кўприк орқали Хитойга ташриф буюрди

Шимолий Корея етакчиси 24 октябрь куни Янги Ялу дарёси кўприги орқали Дандонг шаҳрига борди. У шаҳарда ҳарбий ёдгорликни зиёрат қилди, заводга ташриф буюрди ва Хитой Халқ сиёсий маслаҳат кенгаши раиси Ван Хунин билан учрашди.

Ким, шунингдек, Хитой бош вазири билан учрашув ўтказди. Бу ташриф икки мамлакат ўртасидаги савдо ва иқтисодий алоқаларни қайта жонлантиришга қаратилган.

Telegram I Facebook I YouTube I Instagram

Фақат икки дона товуқ – Жазоирда тўйига тайёрланаётган етим қиздан нима исташи сўралганда, у уялибгина дастурхон учун иккита товуқ кераклигини айтди

Маҳаллий фаоллардан бири тўйига оз вақт қолган, аммо уни нишонлаш учун етарли маблағи бўлмаган қиз ҳақида видео тарқатган. Ундан тўйи учун нима исташи сўралганда, қиз уялибгина икки дона товуқ сўраган.

Telegram I Facebook I YouTube I Instagram

Эрон элчиси Ўзбекистон ТИВга чақирилди — элчига норозилик нотаси топширилди

Самарқанднинг тарихий-маданий меросига оид айрим материаллар Теҳроннинг хориждаги дипломатик ваколатхоналари томонидан бирёқлама ва сиёсий мақсадларда талқин қилингани Тошкентнинг кескин эътирозига сабаб бўлди.

2026 йил 23 октябрь куни Эрон Ислом Республикасининг Ўзбекистондаги Фавқулодда ва Мухтор Элчиси Муҳаммад Али Искандарий Ўзбекистон Ташқи ишлар вазирлигига чақиртирилди.

👉 https://effect.uz/n/329

Telegram I Facebook I YouTube I Instagram