Ўзбекистон 2027 йилда ШҲТнинг СИ ва рақамли ечимлар бўйича форумини ўтказади

Бу ҳақда бош вазир Абдулла Арипов Душанбеда бўлиб ўтган ШҲТ ҳукумат раҳбарлари кенгаши йиғилишида маълум қилди.

Бош вазир йиғилишда яна бир қатор таклифларни илгари сурди:

ШҲТ саноат кооперацияси харитасини ишлаб чиқиш;
2027 йилда Ўзбекистонда ШҲТ-Инвест бизнес-форумини ўтказиш;
ташкилотда тараққиёт банкини ишга тушириш;
кўп тилли очиқ ягона маълумотлар базасини яратиш.

Telegram I Facebook I YouTube I Instagram

Собиқ ҳоким ёрдамчисидан яна 62,8 млн сўм ундирилади

Бу ҳақда Фарғона вилоят судининг 2026 йил 15 октябрдаги қўшимча ажримида қайд этилган.

👉 https://effect.uz/n/314

Telegram I Facebook I YouTube I Instagram

Пашинян Жапаровни бир неча бор Қозоғистон президенти деб атади

Ҳодиса Қирғизистон президенти Садир Жапаровнинг Арманистонга ташрифи чоғида юз берган.

Кўп ўтмай, Арманистон бош вазири протокол хизмати раҳбарини ишдан бўшатди. Маҳаллий ОАВ хабарларига кўра, бунга нутқ матнидаги хатолар сабаб бўлган.

Telegram I Facebook I YouTube I Instagram

Ўзбекистонда энг кўп саноат корхоналари нима ишлаб чиқаради?

Миллий статистика қўмитаси маълумотларига кўра, 2026 йил 1 сентябрь ҳолатига Ўзбекистонда 65,3 мингта саноат корхонаси фаолият юритмоқда.

Улар асосий иқтисодий фаолият турлари бўйича қуйидагича тақсимланган:

озиқ-овқат маҳсулотлари ишлаб чиқариш — 13,2 мингта (20,2 %);

бошқа нометалл минерал маҳсулотлар ишлаб чиқариш — 9,2 мингта (14 %);

кийим ишлаб чиқариш — 6,7 мингта (10,3 %);

тайёр металл буюмлар ишлаб чиқариш — 5,4 мингта (8,2 %);

мебель ишлаб чиқариш — 4,5 мингта (6,9 %);

тўқимачилик маҳсулотлари ишлаб чиқариш — 4 мингта (6,1 %);

резина ва пластмасса буюмлар ишлаб чиқариш — 3 мингта (4,6 %).

Telegram I Facebook I YouTube I Instagram

Ҳоким ёрдамчиларига қўшимча рағбат пули берилади

Бизнесни рўйхатга олишда иштирок этган ҳоким ёрдамчилари ҳар бир қабул қилинган саволнома учун бир марталик тўлов олиши мумкин.

Расмий иқтисодий бирлик учун 6 120 сўм, норасмий бирлик учун эса 8 160 сўм тўланади. Масалан, 400 та расмий ва 100 та норасмий бирлик рўйхатга олинса, рағбат пули 3 млн 264 минг сўмни ташкил этади.

Тўлов ҳудудда рўйхатга олиш ишлари тўлиқ қамраб олинган тақдирда Миллий статистика қўмитаси томонидан амалга оширилади. Онлайн рўйхатдан ўтган ўзини ўзи банд қилганлар ҳисобга кирмайди.

Telegram I Facebook I YouTube I Instagram

Марко Рубио америкалик тадбиркорларга Ўзбекистондан уй сотиб олишни тавсия қилди

АҚШ Давлат котиби Марко Рубио Америка–Ўзбекистон ишбилармонлик ва инвестиция кенгаши йиғилишида Президент Шавкат Мирзиёев ислоҳотларини юқори баҳолади.

«Жаноб Президент, сиз мамлакатингизни дунёга очдингиз», — деди у.

Рубио америкалик бизнес вакилларига Ўзбекистондан квартира ёки кичикроқ уй сотиб олишни ҳам тавсия қилиб, ҳамкорлик янада кенгайишини таъкидлади.

Telegram I Facebook I YouTube I Instagram

Кореяга ишга кетиш арзонлашди: хизматлар нархи 80 фоизгача пасайтирилди

Миграция агентлиги хорижда ишга жойлаштириш хизматлари учун тўловларни камайтирди. Айрим йўналишларда эса хизматлар бепул бўлди.

Янги тарифлар 2026 йил 20 октябрдан кучга кирди.

Қайси давлатга ишга бориш учун қанча тўлов белгиланган? Батафсил маълумот, расмий буйруқ ва тарифлар жадвали билан танишинг.

Telegram I Facebook I YouTube I Instagram

Марко Рубио Саида Мирзиёеванинг фаолиятига юқори баҳо берди

АҚШ Давлат котиби Марко Рубио Президент Администрацияси раҳбари Саида Мирзиёевани ниҳоятда истеъдодли, ақлли ва меҳнаткаш инсон деб атади ҳамда унга миннатдорлик билдирди.

Telegram I Facebook I YouTube I Instagram

Тошкентда пиёдалар хавфсизлиги бузилмоқдами? Роҳат ҳалқаси — Оҳангарон йўлида саволлар кўпаймоқда

Тошкент шаҳрининг Роҳат ҳалқаси — Оҳангарон йўлида йўл ҳаракати хавфсизлиги билан боғлиқ саволлар юзага келмоқда.

Пиёдалар учун яшил чироқ ёнганда, улар йўлни хавфсиз кесиб ўтишлари учун автомобиллар ҳаракати ҳам тегишли светофор ишоралари ва йўл ҳаракати қоидаларига мувофиқ ташкил этилиши керак.

Бироқ видеода кўриш мумкинки, пиёдалар учун яшил чироқ ёнган вақтда йўлнинг бир томонида автомобиллар тўхтаган бўлса, иккинчи томонида транспорт воситалари тўхтовсиз ҳаракатланмоқда.

Эътиборли жиҳати шундаки, йўлнинг бир томонида автомобиллар учун светофор мавжуд, иккинчи томонида эса бундай светофор кўринмайди.

Бу ҳолат бир қатор саволларни юзага келтиради:

Пиёдалар йўлни кесиб ўтаётган вақтда автомобилларнинг тўхтовсиз ҳаракатланишига қандай йўл қўйилмоқда?

Ушбу ҳудуддаги светофорлар пиёдалар хавфсизлигини тўлиқ таъминлаяптими?

Агар бу ҳолат давом этса, эртага жиддий йўл-транспорт ҳодисаси юз бермаслигига ким кафолат беради?

Ушбу ҳолат юзасидан Йўл ҳаракати хавфсизлиги хизмати масъулларидан расмий муносабат ва тегишли тушунтириш кутиб қоламиз.

Telegram I Facebook I YouTube I Instagram

Фармацевтика ходимлари ҳам ўз касб байрамига эга бўлади

Ўзбекистонда «Тиббиёт ходимлари куни» байрами номи «Тиббиёт ва фармацевтика ходимлари куни» деб ўзгартирилиши белгиланмоқда.

Қонун лойиҳасига кўра, байрам ноябрь ойининг иккинчи якшанбасида нишонланади. Сана ўзгаришсиз қолади.

Қонун лойиҳаси Қонунчилик палатаси томонидан қабул қилиниб, Сенатга юборилди.

Telegram I Facebook I YouTube I Instagram

Таълим ва илм-фан вазирига уч нафар ўринбосар тайинланди

Президент қарори билан Ойбек Йўлдошев Таълим ва илм-фан вазирининг биринчи ўринбосари этиб тайинланди. У тайинловга қадар «PwC Uzbekistan» компаниясида Давлат сектори, инфратузилма ва ESG бўйича консалтинг амалиёти директори бўлиб ишлаган.

Шунингдек, Меҳринисо Пардаева вазир ўринбосари этиб тайинланди. У бунга қадар Таълимни ривожлантириш республика илмий-методик маркази бошқарма бошлиғи лавозимида фаолият юритган.

Санжар Мирзалиев ҳам вазир ўринбосари лавозимини эгаллади. Тайинловга қадар у Беларусь–Ўзбекистон қўшма тармоқлараро амалий техник квалификациялар институтининг ижрочи директори бўлган.

Telegram I Facebook I YouTube I Instagram

Тошкентда дарс қолдирган ўқувчиларнинг ота-оналарига жарима солиняптими?

Тошкент мактабларида ўқувчилар давомати смарт-камералар ва Face ID орқали назорат қилинаётгани ҳақида хабарлар тарқалди.

Ушбу хабарларга кўра, дарсга келмаган ёки дарс вақтида мактабдан чиқиб кетган ўқувчиларнинг ота-оналарига SMS-хабарнома юборилиши ва жарима қўлланилиши мумкин. Айрим манбаларда жарима миқдори 6,6 миллион сўмгача етиши айтилмоқда.

Telegram I Facebook I YouTube I Instagram

15 ёшли қиз, нобуд бўлган ҳомила ва терговчининг ғайриоддий гапи

«Бу дарвозабон бўлган-ку, унга 30 та одам гол урган...» — 15 ёшли қизга нисбатан содир этилган мудҳиш жиноятни тергов қилган ходимнинг отага айтган бу сўзлари ҳар қандай инсоннинг қалбинри ларзага келтириши табиий.

Самарқандда овқатдан заҳарланиш шубҳаси билан шифохонага олиб келинган 15 ёшли қизнинг бачадонида 32–33 ҳафталик нобуд бўлган ҳомила аниқланди. Жабрланувчининг кўрсатмасига кўра, зўравонлик 2024 йил бошида бошланган бўлиб, унга ва оиласига ўлим билан таҳдид қилингани сабабли шу пайтгача жим келишга мажбур бўлган.

👉🏻ТЎЛИҚ ВИДЕО

EFFECT.UZ Самарқанд вилояти ИИБ, Прокуратура ва Суд органларидан ушбу ҳолат бўйича шошилинч расмий муносабат кутиб қолади.

Telegram I Facebook I YouTube I Instagram

21 октябрь — Ўзбек тили байрами куни

Бугун ўзбек тилининг қадри, миллий ўзлигимиз ва маънавиятимиз рамзи бўлган она тилимиз байрами нишонланмоқда.

Она тилимиз — миллатимизнинг руҳи, тарихимиз ва миллий ғуруримиз тимсоли. Уни асраб-авайлаш, бойитиш, ривожлантириш ва келажак авлодларга соф ҳолда етказиш ҳар биримизнинг бурчимиздир.

Она тилимизнинг қадри ҳамиша баланд, нуфузи янада юксак бўлсин!

Telegram I Facebook I YouTube I Instagram

Ўзбекистон параспортчилари Параосиё ўйинларини 23 та медаль билан бошлади

Японияда ўтаётган Аичи–Нагоя–2026 Параосиё ўйинларининг биринчи кунида Ўзбекистон терма жамоаси 6 та олтин, 10 та кумуш ва 7 та бронза — жами 23 та медаль қўлга киритди.

Шунингдек, ўзбекистонлик спортчилар мусобақанинг биринчи кунида тўртта рекорд ўрнатди.

Ўзбекистон делегацияси мусобақаларда спортнинг 11 та тури бўйича 149 нафар спортчи билан иштирок этмоқда.

Telegram I Facebook I YouTube I Instagram

Тошкентда 720 дан ортиқ кўп қаватли уй рухсатсиз қурилган

Тошкент шаҳрида архитектура органларининг рухсатисиз қурилган 720 дан ортиқ кўп қаватли турар жой аниқланган. Қурилиш вазири Шерзод Ҳидоятов бу муаммони «жуда оғриқли масала» деб атади.

Вазирнинг маълум қилишича, айрим уйларда болалар ва спорт майдончалари, автотураргоҳлар ҳамда бошқа зарур инфратузилма мавжуд эмас. Айрим қурувчилар эса лойиҳада белгиланган мажбуриятларини бажармаган.

Ҳозирда муаммоли қурилиш объектлари Бош прокуратура томонидан ўрганилмоқда. Уйларни фойдаланишга қабул қилишдан олдин уларнинг техник мустаҳкамлиги ва атрофидаги инфратузилма ҳолати текширилиши режалаштирилган.

720 дан ортиқ уй бузиладими ёки қонунийлаштириладими — ҳозирча аниқ эмас. Бу масала бўйича алоҳида тартиб ишлаб чиқилиши кутилмоқда.

Шунингдек, янги қурилиш лойиҳаларини текширишда сунъий интеллектдан фойдаланилмоқда. Инфратузилма объектларини қуриш ва таъмирлаш учун эса 520 миллиард сўм ажратиш кўзда тутилган.

Telegram I Facebook I YouTube I Instagram