Хусусий мактаб ва олийгоҳларда профилактика инспекторлари пайдо бўлиши мумкин

Ички ишлар вазирлиги хусусий таълим муассасаларида ҳуқуқбузарликлар, буллинг ва зўравонликнинг олдини олиш бўйича янги тартибни таклиф қилди.

Лойиҳага кўра, профилактика инспекторлари дарс қолдирадиган ўқувчиларни аниқлаш, тунги рейдларда иштирок этиш ҳамда талабаларнинг яшаш шароитларини текшириш билан шуғулланиши мумкин.

Ҳозирча бу ташаббус таклиф сифатида илгари сурилган.

Telegram I Facebook I YouTube I Instagram

Рубио: "Самарқанднинг жаҳон савдосидаги тарихий ўрни қайта тикланмоқда"

АҚШ Давлат котиби Марко Рубио видеомурожаат йўллади. У Самарқанд асрлар давомида жаҳон савдосининг муҳим марказларидан бири бўлганини қайд этиб, бугун бу ерда бўлиш унинг учун шараф эканини таъкидлади.

“Асрлар давомида жаҳон савдоси шу ердан ўтган. Бугун у яна қайтмоқда. Биз эса унинг бир қисми, кучли бир қисми бўлишни истаймиз”, деди Марко Рубио.

Telegram I Facebook I YouTube I Instagram

Доллар курси пасайди

Марказий банк хорижий валюталарнинг ўзбек сўмига нисбатан 20 октябрь куни амалда бўладиган қийматини белгилади. Унга кўра, долларнинг расмий курси 11,18 сўмга тушди ва 12044,72 сўмни ташкил қилди.

Евро курси 47,51 сўмга пасайиб, 13525,02 сўм этиб белгиланди.

Россия рубли 1,3 сўмга кўтарилди ва 145.46 сўмни ташкил қилди.

Хитой юани 0,18 сўмга пасайиб, 1802,89  сўм этиб белгиланди.

Олтиннинг 1 грамми учун нарх эса 2900 сўмга ошиб, 1808600 сўмни ташкил қилди.

Telegram I Facebook I YouTube I Instagram

Президент Марказий Осиё ТИВ раҳбарлари ва АҚШнинг йирик компаниялари вакилларини қабул қилди

Президент Шавкат Мирзиёев Туркманистон, Қозоғистон, Қирғизистон ва Тожикистон ташқи ишлар вазирлари, шунингдек, АҚШнинг етакчи Franklin Templeton, Wabtec ва Traxys компаниялари раҳбарларини қабул қилди.

Ташриф доирасидаги учрашувлар минтақавий ҳамкорлик ва америкалик инвесторлар билан алоқаларни ривожлантириш нуқтаи назаридан аҳамиятли.

Telegram I Facebook I YouTube I Instagram

«Тарихда янги саҳифа очяпмиз»
— Мирзиёев Марко Рубио билан учрашди

Telegram I Facebook I YouTube I Instagram

Тошкентда қизамиқ бўйича тарқалган хабарларга расмий изоҳ берилди

Ижтимоий тармоқларда Тошкентда қизамиққа гумон қилинган 290 та ҳолат қайд этилгани ва 10 мингдан ортиқ киши рўйхатга олингани ҳақидаги хабарлар юзасидан Санэпидқўмита муносабат билдирди.

Қўмита маълумотига кўра, келтирилган рақамлар 2026 йилнинг дастлабки тўққиз ойи давомидаги жамланма кўрсаткичлар бўлиб, уларни айни пайтдаги ҳолат сифатида талқин қилиш нотўғри. Мамлакатда қизамиқ бўйича эпидемиологик вазият барқарор экани маълум қилинди.

Шунингдек, жорий йилда қизамиқ билан касалланиш кўрсаткичи 2025 йилнинг мос даврига нисбатан 40 фоизга камайган.

Санэпидқўмита маълумотига кўра, йилнинг тўққиз ойида пойтахтда 47 494 нафар бир ёшли ва 42 767 нафар олти ёшли бола қизамиқ, эпидемик паротит ва қизилчага қарши КПК вакцинаси билан эмланган.

Telegram I Facebook I YouTube I Instagram

Мирзиёев ва Рубио 300 га яқин америкалик тадбиркор билан учрашди

Президент Шавкат Мирзиёев ва АҚШ Давлат котиби Марко Рубио 300 нафарга яқин америкалик бизнес вакили билан биргаликда суратга тушди.

Telegram I Facebook I YouTube I Instagram

Тошкентда учиб келган шар тўртта туманда электрни ўчирди

Тошкентда ҳавода учиб келган пуфак «Акса Тошкент» иссиқлик электр станциясининг очиқ тақсимлаш қурилмасига тушиб, пойтахтнинг тўртта туманида электр таъминоти узилишига сабаб бўлди.

Ҳодиса оқибатида ҳимоя тизими ишга тушган. Электр таъминоти 33 дақиқа ичида тўлиқ тикланган.

Telegram I Facebook I YouTube I Instagram

Кўп квартирали уйларда 9 мингдан ортиқ қонунбузилиш аниқланди

2026 йил 1 октябрь ҳолатига кўра, ҳудудий назорат инспекциялари томонидан республика бўйича 23 121 та кўп квартирали уйнинг техник ҳолати ўрганиб чиқилди.

Ўрганишлар давомида 9 804 та қонунбузилиш ҳолати аниқланиб, масъулларга бажарилиши мажбурий бўлган ёзма кўрсатмалар берилди.
Берилган кўрсатмалар ижроси доирасида аниқланган қоидабузарликларнинг 6 000 дан ортиғи бартараф этилди, қолган камчиликларни бартараф этиш бўйича ишлар босқичма-босқич давом эттирилмоқда.

Шунингдек, белгиланган талабларни бажармаган масъулларга нисбатан 1 457 та ҳолат бўйича судларга даъво аризалари киритилди. Кўп квартирали уйларнинг техник ҳолатини ўрганиш ва камчиликларни бартараф этишни таъминлаш бўйича назорат тадбирлари изчил давом этмоқда.

Telegram I Facebook I YouTube I Instagram