Тошкент тумани ҳокими ўринбосари 25 минг доллар пора билан қўлга олинди

Тошкент вилояти Тошкент тумани ҳокими ўринбосари тадбиркорга қурилиш технологиялари ва композит эшиклар ишлаб чиқариш саноат мажумаси ташкил этиши учун туман ҳокимлиги балансида бўлган 1 гектар ер майдонини давлат активларини бошқариш тизимидаги танишлари орқали аукцион савдоларга чиқариб, олиб бериш эвазига 25 минг АҚШ доллари талаб қилган.

Давлат хавфсизлик хизматининг Тошкент вилояти бўйича бошқармаси ходимлари томонидан ўтказилган тезкор тадбирда ҳоким ўринбосари сўралган пул маблағини олган вақтида ашёвий далиллар билан ушланди.

Ҳолат юзасидан мазкур мансабдор шахсга нисбатан Жиноят Кодексининг 168-моддаси 4-қисми “г” банди ҳамда 28, 211-моддаси 3-қисми “а” банди жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Мирзиёев Лаос Президенти билан учрашди

Ўзбекистон Президенти Шавкат Мирзиёев ва Лаос Президентининг учрашуви бўлиб ўтди.

Telegram I Facebook I YouTube I Instagram

Тошкентда наркотик моддалар яширилган 13 та манзил аниқланди

Тошкент шаҳрининг Олмазор туманида гиёҳвандлик моддаларини тарқатишда гумонланган шахс қўлга олинди.

Ундан ташқари, яна 13 та манзилдан гиёҳвандлик воситалари топилган. Ҳолат юзасидан жиноят иши қўзғатилиб, гумонланувчи қамоққа олинган.

Telegram I Facebook I YouTube I Instagram

Энди зўравонликка учраган болаларга давлат ҳисобидан адвокат ажратилади

Қонунга кўра, Ўзбекистонда зўравонликдан жабрланган ёки зўравонликка гувоҳ бўлган болалар тегишли процессуал ҳаракатларга жалб этилган вақтдан эътиборан давлат ҳисобидан юридик ёрдам олиш ҳуқуқига эга бўлади.

Telegram I Facebook I YouTube I Instagram

Ойлик паст бўлса ҳеч ким бу ерга ишга келмайди — Хуршид Сотиев

Куни кеча Фавқулодда вазиятлар вазирлиги томонидан “Табиий офатлар хавфини камайтириш, фавқулодда вазиятларнинг олдини олиш ва аҳоли хавфсизлигини таъминлаш, куз-қиш мавсумига тайёргарлик ва устувор вазифалар” мавзусида матбуот анжумани бўлиб ўтди.

Ушбу анжуманда иштирок этган Effect.uz мухбири Муҳаммад Али Қозоқов тизимда ишлаб юрган шахслар нега коррупцияга доир ҳолатлар билан кўп ушланиб қолиши ҳақида савол берди.

Telegram I Facebook I YouTube I Instagram

Муддати ўтган дориларни сотишга уринишди

Наманган вилоятининг Поп ва Чуст туманларида яроқлилик муддати ўтган ҳамда сифати кафолатланмаган дори воситалари ва тиббий буюмларни сотишга уринган МЧЖ раҳбарлари ушланди.

Telegram I Facebook I YouTube I Instagram

Банк карталаридан миллионлар ўғирланди

Тошкент шаҳри ва вилоятида яшовчи беш нафар шахс Миробод туманида сохта колл-марказ ташкил этиб, фуқароларнинг банк карталаридаги пулларни ўзлаштирган ва уларнинг номига онлайн кредитлар расмийлаштирганликда гумонланмоқда.

Telegram I Facebook I YouTube I Instagram

АҚШ Давлат котиби Ўзбекистонга нега келади?

АҚШ Давлат котиби Марко Рубио яқин кунларда Ўзбекистонга ташриф буюради.

👉 https://effect.uz/n/300

Telegram I Facebook I YouTube I Instagram

10 йиллик айбловдан кейин оқлов: Аъзамжон Баратов реабилитация қилинди

Қашқадарё вилояти судининг тафтиш инстанцияси қаршилик Аъзамжон Баратовга нисбатан оқлов ҳукми чиқарди.

Маълум қилинишича, бундан 10 йил аввал фирибгарлик ва пора беришда иштирок этишда айбланган Аъзамжон Баратов реабилитация қилинган.

Telegram I Facebook I YouTube I Instagram

Такси нархлари кескин ошиши текширилмоқда: агрегаторларга талаблар қўйилди

Ўзбекистонда такси хизматлари нархининг, айниқса, тирбанд вақтларда бир неча баробарга ошиши юзасидан Рақобат қўмитаси ўрганиш бошлади.

Қўмита такси агрегаторларидан нархларни сунъий оширишнинг олдини олиш, ҳайдовчилар ҳисобидаги маблағлар билан боғлиқ носозликларни бартараф этиш, асоссиз блокланган ҳайдовчиларни тиклаш ва тўланмаган бонусларни ҳисоб-китоб қилиб беришни талаб қилди.

Шунингдек, ҳайдовчилар ва йўловчилар учун 24 соатлик техник ёрдам хизмати узлуксиз ишлаши кераклиги таъкидланди.

Қонунбузилишлар аниқланса, белгиланган тартибда текширув ўтказилиб, тегишли чоралар кўрилади.

Telegram I Facebook I YouTube I Instagram

«Э, сени рўйхатинггаям...» Россияда урушга боришдан бош тортган ўзбекистонлик депортация қилингани айтилмоқда

Россияда меҳнат қилаётган ўзбекистонлик муҳожирлар дуч келаётган босимлар ҳақида хабарлар тарқалмоқда.

Жумладан, Россия армияси сафида урушда қатнашишдан бош тортган ўзбекистонлик депортация қилингани айтилмоқда.

Эслатиб ўтамиз, Ўзбекистон қонунчилигига кўра, чет давлат ҳарбий хизматига кириш ва ёлланма асосда қуролли тўқнашувларда иштирок этиш жиноий жавобгарликка сабаб бўлиши мумкин.

Telegram I Facebook I YouTube I Instagram

22 млрд сўмлик коммунал қарз қайта ҳисобланди: 800 минг фуқаро манфаати ҳимоя қилинди

Ўзбекистонда вақтинча бошқа манзилда ёки хорижда бўлган қарийб 800 минг фуқарога асоссиз ҳисобланган 22 млрд сўмга яқин коммунал қарздорлик қайта ҳисоб-китоб қилинди.

Рақобат қўмитаси ўрганишларида айрим фуқароларга амалда фойдаланилмаган коммунал хизматлар учун тўловлар ҳисоблангани аниқланган.

Қўмита коммунал тўловлар тизимини миграция маълумотлари билан интеграция қилиш ва хорижда узоқ муддат бўлган фуқаролар учун қайта ҳисоб-китоб механизмини жорий этишни таклиф қилди.

Telegram I Facebook I YouTube I Instagram

Қишда эҳтиёжманд оилаларга 1 миллион сўмдан берилади

2026 йил ноябрь ойида 1 миллион 17 мингта эҳтиёжманд оилага бир марталик 1 миллион сўмдан моддий ёрдам ажратилиши кўзда тутилган. Шунингдек, аҳолини қиш мавсумида қўллаб-қувватлаш чоралари кенгайтирилади.

Янги тартибга кўра, давлат ёрдамини олиш учун даромад мезонлари ҳам кенгайтирилади. Марказлаштирилган иситиш тизимидан фойдаланувчи оилалар учун Тошкент шаҳрида 3 карра, бошқа ҳудудларда эса 2 карра базавий ҳисоблаш миқдоригача бўлган даромад мезони қўлланилиши назарда тутилган.

Электр энергияси ва табиий газ учун компенсациялар муддати 2028 йил 1 апрелгача узайтирилади. Табиий газ билан таъминланмаган ёки газ етказиб бериш қийин бўлган ҳудудларда қиш мавсуми учун электр энергиясининг базавий меъёри 200 кВт·соатдан 350 кВт·соатга оширилади.

Бундан ташқари, 2027–2028 йилларда яна 3 мингта эҳтиёжманд оиланинг уй-жойида энергия самарадорлигини ошириш ишлари амалга оширилиши режалаштирилган. Бунда уйларни иссиқликдан ҳимоялаш, энергия тежовчи технологиялар ва қайта тикланувчи энергия манбаларини жорий этишга эътибор қаратилади.

Telegram I Facebook I YouTube I Instagram

Фарруҳ Омонов Президент Халқ қабулхонаси бошлиғи лавозимидан озод этилди

Ўзбекистон Республикаси Президенти Администрацияси раҳбарининг фармойиши билан Фарруҳ Фарходжонович Омонов бошқа ишга ўтиши муносабати билан Президент Администрацияси Коммуникациялар департаменти бошлиғи ўринбосари — Ўзбекистон Республикаси Президенти Халқ қабулхонаси бошлиғи лавозимидан озод этилди.

Telegram I Facebook I YouTube I Instagram