Ўзбекистонда янги газ кони топилди: кунига 400 минг куб метргача газ олинди

Қашқадарё вилоятининг Ғузор туманидаги Шўртан ҳудудида «Бўрисой» янги газ кони аниқланди. Дастлабки синовларда қудуқдан бир кеча-кундузда 300–400 минг куб метр табиий газ ва конденсат оқими олинди.

Қидирув ишлари 5 августда бошланган. Қудуқ 3159 метр чуқурликкача бурғиланган.

Ҳозирда мутахассислар коннинг имкониятларини баҳоламоқда. Режага кўра, синовлар якунлангач, 15 октябрдан газни қайта ишлашга юбориш кўзда тутилган.

Telegram I Facebook I YouTube I Instagram

Қурилишда 3 166 та қоидабузарлик бартараф этилди

2026 йил 1 октябрь ҳолатига кўра, республика бўйича назоратга олинган 28 708 та қурилиш объектида 301 мингдан ортиқ мониторинг ўтказилди.

Аниқланган камчиликларни бартараф этиш учун 215 907 та мажбурий кўрсатма берилди. Қоидабузарликларни буздириш ишлари орқали бартараф этиш бўйича 3 166 та ҳолат қайд этилди.

Шунингдек, назорат талабларини бузган қурилиш иштирокчиларига нисбатан 348 та тақдимнома киритилди, сифатсиз қурилиш материаллари бўйича эса тегишли ташкилотларга 1 650 та тақдимнома юборилди.

Telegram I Facebook I YouTube I Instagram

Боланинг ўлимига сабаб бўлган жиноятлар учун берилган жазо асло енгиллаштирилмайди — Саида Мирзиёева

Педофиллар учун энди умрбод қамоқ жазоси ҳам кучга киради.

👉 https://effect.uz/n/287

Telegram I Facebook I YouTube I Instagram

CITY TOWER – Тошкентдаги муаммолар минораси

Тошкент шаҳри Мирзо Улуғбек туманидаги «CITY TOWER» лойиҳаси атрофидаги можаро бир неча йилдан бери давом этмоқда. Бир томонда — хонадон учун маблағ тўлаган ва уйига кўчиб киришни кутаётган фуқаролар.

Иккинчи томонда — қурилишни амалга оширган «IQBOL ZAMIN SERVIS» МЧЖ. Кейинчалик ишга банк кредитлари, гаровдаги мол-мулк, судлар, прокуратура ва жиноят иши ҳам қўшилди.

EFFECT.UZ аввалроқ 1700 нафар фуқаронинг мурожаатлари асосида ушбу мавзуни ёритган эди. Шундан кейин Мирзо Улуғбек тумани ҳокимлигида фуқаролар билан учрашув ўтказилиб, масала ишчи гуруҳ томонидан ўрганилаётгани маълум қилинган. Бироқ орадан вақт ўтиши билан саволлар камайиш ўрнига кўпайди.

👉 https://youtu.be/wLq5DnB91eM

Шавкат Мирзиёев Озарбайжонга жўнаб кетди

Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиевнинг таклифига биноан 14 октябрь куни амалий ташриф билан Боку шаҳрига жўнаб кетди.

Давлат раҳбари Осиёда ҳамкорлик ва ишонч чоралари бўйича кенгашнинг еттинчи саммитида иштирок этади. Хорижий делегациялар раҳбарлари билан қатор учрашув ва музокаралар ўтказилиши ҳам кўзда тутилган.

Telegram I Facebook I YouTube I Instagram

Болаларга жинсий тажовуз қилганлар умрбод қамалиши мумкин

Президент Шавкат Мирзиёев болаларни зўравонликдан ҳимоя қилиш ва уларга қарши жиноятлар учун жазони кучайтиришга қаратилган қонунни имзолади.

Янги қонунга кўра, 14 ёшга тўлмаган болаларга нисбатан жинсий зўравонлик учун 25 йилгача ёки умрбод озодликдан маҳрум қилиш жазоси қўлланилиши мумкин. Бундай жиноятлар бўйича жавобгарликка тортиш муддати ҳам бекор қилинади.

Шунингдек, боланинг ўлимига сабаб бўлган жиноятларда енгиллаштирувчи ҳолатлар жазони камайтириш учун асос бўлмайди.

Ҳужжат билан бешта кодекс ва олтита қонунга ўзгартиришлар киритилди.

Telegram I Facebook I YouTube I Instagram

Фарғонада BMW ҳайдовчиси юқори тезлик сабаб вафот этди

Ҳайдовчилик гувоҳномаси бўлмаган 28 ёшли ҳайдовчи воқеа жойида ҳалок бўлган.

👉 https://effect.uz/n/288

Telegram I Facebook I YouTube I Instagram

Хоразмда онасининг синфдошлари билан жанжаллашган йигит 16 йилга қамалди

Хоразм вилоятининг Хонқа туманида 21 ёшли йигит онасининг синфдошлари билан юзага келган можаро оқибатида бир кишининг ўлимига сабабчи бўлди. Суд унга 16 йил озодликдан маҳрум қилиш жазосини тайинлади.

Telegram I Facebook I YouTube I Instagram

Гувоҳномасиз рулга ўтирган ўсмир BMW’да ҳалок бўлди

Ҳайдовчилик гувоҳномаси бўлмаган ўсмир бошқарган BMW ЙТҲга учради. Ҳалокат оқибатида у ҳаётдан кўз юмди.

Фарғона вилоятининг Фурқат туманида ҳайдовчилик гувоҳномаси бўлмаган ўсмир бошқарувидаги BMW автомобили йўл-транспорт ҳодисасига учради. Оқибатда ўсмир ҳалок бўлди.

Бу ҳақда Йўл ҳаракати хавфсизлиги хизмати хабар берди.

Telegram I Facebook I YouTube I Instagram

Иситиш ва коммунал муаммолар бўйича мурожаат каналлари ишга тушди

Ўзбекистонда куз-қиш мавсумига тайёргарликдаги камчиликлар ва коммунал муаммолар ҳақида хабар бериш учун махсус мурожаат каналлари ишга туширилди.

Энди аҳоли @Kommunalmurojaat_bot ёки вазир ўринбосари Озода Жўраеванинг расмий Telegram каналидаги изоҳлар бўлими орқали мурожаат қилиши мумкин.

Келиб тушган мурожаатлар вазирликнинг ишчи гуруҳи томонидан ўрганилиб, аниқланган муаммоларни бартараф этиш чоралари кўрилади.

Telegram I Facebook I YouTube I Instagram

Янги уй сотиб олаётганда алданиб қолмаслик учун нималарни текшириш керак?

Олий суд матбуот хизмати маълум қилишича, кейинги пайтларда инсофсиз қурувчилар сабаб уй-жой сотиб олиш жараёнида алданиб қолган фуқаролар сони ортиб, судларда етказилган моддий зарарни ундириш билан боғлиқ жиноят ишлари ҳам кўпаймоқда.

Шу муносабат билан фуқароларга янги уй харид қилишдан олдин, аввало, қурилиш объектининг қонунийлигини текшириш тавсия этилмоқда.

Бунинг энг замонавий усулларидан бири — қурилиш объектидаги QR-кодни телефон орқали сканер қилиш. У орқали бинонинг ҳуқуқий ва техник ҳолати ҳақида расмий маълумот олиш мумкин.

Telegram I Facebook I YouTube I Instagram

Тошкент — Нурафшон йўлида 280,8 млрд сўмлик йўл ўтказгич қурилди

Тошкент — Нурафшон йўналишида, Food City савдо мажмуаси яқинида қурилган янги йўл ўтказгич расман фойдаланишга топширилди.

Давлат бюджети ҳисобидан барпо этилган иншоотнинг узунлиги 66 метрни ташкил этади. Қайд этилишича, лойиҳа қиймати июль ойида 240 млрд сўмга баҳоланган бўлса, ҳозирда 280,8 млрд сўмни ташкил этмоқда.

Telegram I Facebook I YouTube I Instagram

Шавкат Мирзиёев Бокуда

Ўзбекистон Президенти Шавкат Мирзиёев Озарбайжон пойтахти Боку шаҳрига амалий ташриф билан борди.

Telegram I Facebook I YouTube I Instagram

«Президент сиёсатига қаршимисиз?» — Урганчда “Яшил макон” учун ажратилган ерда иссиқхона қурилди

EFFECT.UZ’га мурожаат қилган Урганч шаҳри фуқаролари “Яшил макон” доирасида яшил боғ барпо этиш учун ажратилган ерда иссиқхона қурилганидан норози.

Расмий ҳужжатларда мазкур ер “Яшил боғ барпо этиш учун ажратилган ер майдони”, ердан фойдаланиш тури эса “Ҳудудни ободонлаштириш” сифатида кўрсатилган. Бироқ ҳудудда иссиқхона қурилган.

Санитария-эпидемиология соҳасидаги ҳужжатда иссиқхона Шовот каналидан 9 метр, турар жой биноларидан эса 25–30 метр масофада экани қайд этилган. Ҳужжатда иссиқхоналар учун аҳоли яшаш ҳудудларига нисбатан 100 метрлик санитария-муҳофаза масофаси талаби кўрсатилиб, мазкур жойлашув санитария талабларига мувофиқ эмаслиги қайд этилган.

Масала Урганч шаҳар ҳокими Бунёд Ражабов билан фуқаролар ўртасидаги суҳбатда ҳам муҳокама қилинган.
«Ҳеч қандай зарар бўлмайди», — деган ҳоким.

Фуқаролар эса санитария талабларига ишора қилган:

«Водоканалнинг СЭСи айтиб қўйибди: ... юз метр», — деган улар.

Фуқаролар аввалги расмий жавобни ҳам келтирган:

«Ҳақиқатда “Яшил макон” бу ер, бу ерда қуриш мумкин эмас».

Шунингдек, улар қурилишга сарфланган маблағлар ва ернинг кейинги тақдири юзасидан ҳам саволлар берган:

«Ҳозир шунча пул сарфланган... Ким растрата қилиб турибди? ... Эртага сотиб юборишса, бизлар — фуқаролар бердик».

Суҳбатда фуқаролар ҳокимга яна бир кескин саволни берган: «Сиз Президентнинг қарорига, ҳокимнинг қарорига қаршимисиз? Президентнинг сиёсатига қаршимисиз?»

👉 Батафсил ўқиш

Telegram I Facebook I YouTube I Instagram

15 ёшли қиз дафн маросимида тобут ичида уйғонди

Гватемалада 15 ёшли қиз ўзининг дафн маросимида кутилмаганда ҳушига келди. Оила аъзолари уни вафот этган деб ўйлаб, дафн маросимига тайёргарлик кўраётган эди. Бу ҳақда New York Post нашри хабар берди.

Telegram I Facebook I YouTube I Instagram

Тошкент шаҳар сув коммуникацияси бутунлай янгиланади — Хуршид Сотиев

Куни кеча Фавқулодда вазиятлар вазирлиги томонидан “Табиий офатлар хавфини камайтириш, фавқулодда вазиятларнинг олдини олиш ва аҳоли хавфсизлигини таъминлаш, куз-қиш мавсумига тайёргарлик ва устувор вазифалар” мавзусида матбуот анжумани бўлиб ўтди.

Ушбу анжуманда иштирок этган Effect.uz мухбири Муҳаммад Али Қозоқов Тошкент шаҳрида ёмғир мавсумида юзага келувчи муаммоларга доир савол билан мурожаат қилди.

Telegram I Facebook I YouTube I Instagram

Энди зўравонликдан жабр кўрган болалар давлат ҳисобидан юридик ёрдам олиш ҳуқуқига эга бўлади

Тегишли ўзгартиришлар президент имзолаган янги қонунда белгиланди.

👉 https://effect.uz/n/290

Telegram I Facebook I YouTube I Instagram