Янги Тошкентга $200 миллиардлик инвестиция жалб қилиш имконияти бор

Президент Шавкат Мирзиёев Янги Тошкентда инвесторлар ва тадбиркорлар билан учрашиб, шаҳар қурилишини жадаллаштириш масалаларини муҳокама қилмоқда.

Қайд этилишича, ҳозиргача Янги Тошкентга 2 миллиард доллардан ортиқ инвестиция киритилган. Биринчи босқичда 6 минг гектар майдонда 50 миллиард долларлик лойиҳаларни амалга ошириш режалаштирилган. Янги аэропорт қурилиши билан ҳудуднинг инвестиция салоҳиятини 200 миллиард долларгача етказиш мумкин.

Давлат раҳбари хусусий секторни жалб қилиш суръатлари пастлигини таъкидлаб, ер ажратиш, рухсатномалар олиш ва тўловлар билан боғлиқ тўсиқларни бартараф этиш зарурлигини қайд этди. Инвесторлар учун қулай шароит яратиш ва лойиҳаларни амалга ошириш жараёнларини соддалаштириш вазифаси қўйилди.

Йил охиригача Янги Тошкентда 20 минг хонадонни фойдаланишга топшириш режалаштирилган. Шунингдек, 55 минг ўринли стадион қурилмоқда. Давлат идораларини ҳам босқичма-босқич Янги Тошкентга кўчириш белгиланган.

Telegram I Facebook I YouTube I Instagram

Вилоятлар Янги Тошкентда ўз ҳудудини барпо этади

Президент Шавкат Мирзиёев ҳар бир вилоятга Янги Тошкентдан 100 гектар ер ажратилишини маълум қилди.

Ҳокимлар ушбу майдонда барпо этиладиган ҳудуднинг лойиҳаси ва архитектурасини давлат раҳбарига тақдим этиб, тасдиқ олганидан кейин қурилишни бошлайди. Шунингдек, вилоят ҳокимлари ҳар ой беш кун Янги Тошкентда ишлайди.

«50 йил, 100 йилдан кейин одамлар “отасига раҳмат, ўша команда шундай замин яратиб кетган экан”, деган фикрда бўлиши керак», — деди Президент.

Telegram I Facebook I YouTube I Instagram

Янги Тошкент қурилишида ҳар ой очиқ мулоқот йўлга қўйилади

Президент Шавкат Мирзиёев Янги Тошкентда қурилиш ва шаҳарсозлик масалаларини муҳокама қилиш учун ҳар ой очиқ мулоқот ўтказилишини маълум қилди.

Давлат раҳбари лойиҳалаштириш ва архитектура соҳаларида ҳали кўп изланишлар олиб бориш зарурлигини таъкидлади. Унинг айтишича, бугунги қурилишлар келажак авлодлар томонидан ҳам муносиб баҳоланиши керак.

Telegram I Facebook I YouTube I Instagram

Янги Тошкентда 2 минг гектар яшил ҳудуд барпо этилади

Янги Тошкентнинг биринчи босқичида 50 миллиард долларлик замонавий технологик лойиҳалар амалга оширилади. Шунингдек, шаҳарда 2 минг гектар яшил майдон ва 500 гектар истироҳат боғлари ташкил этилади.

Президент Шавкат Мирзиёев яшил ҳудудларни кенгайтириш давлат сиёсатининг муҳим йўналишларидан бири эканини таъкидлаб, Янги Тошкент бу борада намуна бўлиши кераклигини қайд этди.

Telegram I Facebook I YouTube I Instagram

Самарқанддаги “Ширин” массиви қурилиши танқид қилинди

Президент Самарқанд шаҳридаги “Ширин” массиви қурилишига Янги Тошкент билан бир кунда старт берилганини эслатди. Бироқ бу ерда ишлар суст бораётгани танқид қилинди: тадбиркорларга атиги 19 гектар ажратилган, қолган майдонлар бўш турибди.

Массивни шаҳар маркази билан боғлайдиган кўприк 1 сентябргача ишга туширилиши керак эди. Вилоят ҳокимлиги ва бошқармалар биноларини кўчириш ҳали ҳам бошланмаган. Давлат идораларининг ўзи фаоллик кўрсатмаётгани тадбиркорларнинг сармоя киритиш қарорларига таъсир қилаётгани айтилди.

Шу боис, Янги Тошкент учун эълон қилинган имтиёз ва имкониятлар “Ширин” массивига ҳам татбиқ этилади. Бу ерда ҳам инвесторларга аниқ лойиҳалар ва ишлаш учун қулай шартлар таклиф қилиниши лозим.

Telegram I Facebook I YouTube I Instagram

Янги Тошкент лойиҳаларига чет эллик сармоядорлар қизиқиши катта

Янги Тошкент лойиҳаларига хорижлик сармоядорлар қизиқиши ҳам юқори. Улар учун дастлабки 50 та лот белгиланди. Уларнинг жойлашуви, лойиҳа имкониятлари, иқтисодий ҳисоб-китоблари ва янги енгилликларни ўз ичига олган аниқ таклифлар пакети элчиларга етказилади.

Хориждаги дипломатик ваколатхоналарга чет элдаги сармоядорларни Янги Тошкентдаги имкониятлар билан кенгроқ таништириш топширилди. Вазирларга хорижлик ҳамкорлар ва йирик компаниялар билан ҳар бир учрашувда Янги Тошкент имкониятларини тақдимот қилиб, уларни қўшма лойиҳаларга таклиф қилиш вазифаси қўйилди.

Президент эълон қилинган имкониятлар қоғозда қолмаслиги, улар ер участкалари, иқтисодий ҳисоб-китоблар ва амалга ошириш муддатлари кўрсатилган тайёр таклиф сифатида сармоядорга етиб бориши зарурлигини таъкидлади.

Telegram I Facebook I YouTube I Instagram

Ар-Риёддаги аеропортга қилинган ҳужумда икки ўзбекистонлик жароҳатланган

Бу ҳақда Ташқи ишлар вазири матбуот котиби Омонулла Файзиев хабар берди.

👉 https://effect.uz/n/266

Telegram I Facebook I YouTube I Instagram

Ўзбекистон 20 млн турист жалб қилишни мақсад қилган

Президент Тошкентнинг очиқлиги, хавфсизлиги ва яратилган шароитларни бутун дунё кўраётганини таъкидлади.

“Бу бошланиши. Бу ерда FIFA талабларига тўлиқ жавоб берадиган 55 минг ўринли стадион қуриляпти. Бу стадион келаси йили 20 ёшгача бўлган ёшлар ўртасида ўтказиладиган жаҳон чемпионатининг асосий ареналаридан бири бўлади.

Келган меҳмонлар учун меҳмонхона керак, кафе керак, ресторан керак. Энг катта нарса — кўнгилочар масканлар зарур”, - деди давлат раҳбари.

Telegram I Facebook I YouTube I Instagram

Ўзбекистонда ички авиачипталар 20 фоизгача арзонлашди

Ўзбекистонда ички авиақатновлар учун чипта нархлари 16 октябрдан бошлаб ўртача 20 фоизгача пасайтирилади.

Рақобат қўмитаси ва «Uzbekistan Airways» ҳамкорлигида ташиш харажатларини мақбуллаштириш имкониятлари ўрганилиб, тарифлар қайта кўриб чиқилди.

Янгилик ички туризмни ривожлантириш, ҳудудлар ўртасида қатновларни қулайлаштириш ва аҳоли учун авиасайёҳатларни ҳамёнбоп қилишга қаратилган.

Telegram I Facebook I YouTube I Instagram

Президент элчиларга ҳар ой камида битта инвестор олиб келиш вазифасини қўйди

Президент Шавкат Мирзиёев Ўзбекистоннинг хориждаги элчиларига ҳар ой камида биттадан инвестор жалб қилиш вазифасини топширди.

Давлат раҳбари янги инвестициялар ва сармоя олиб келаётган тадбиркорларга алоҳида муносабатда бўлинишини таъкидлади.

«Ҳар бир элчи бир ойда битта инвестор олиб келмагунча кабинетда ўтирмайди», — деди Президент.

Шунингдек, тадбиркорлар учун қулай шароит яратиш, уларнинг даромадларини ошириш ва фаолиятини қўллаб-қувватлаш муҳимлигини қайд этди.

Telegram I Facebook I YouTube I Instagram

13-14 октябрь кунлари Республикада кучли ёмғир кузатилиши эълон қилинди

Шунингдек, айрим ҳудудларда ёмғир сувлари тўпланиши эҳтимоли бор, бу эса ҳудудларни сув босишига олиб келиши мумкин.

👉 https://effect.uz/n/267

Telegram I Facebook I YouTube I Instagram

ФВВ қутқарувчилари “Катта Чимён” тоғида адашиб қолган фуқароларни қутқарди

Кеча, 11 октябрь куни 13:26 да Тошкент вилояти ФВББга “112” тизими орқали Бўстонлиқ тумани ҳудудида жойлашган "Катта Чимён” тоғига 7 нафар фуқаро сайр қилиш мақсадида бориб, йўлдан адашиб қолиши натижасида тоғдан тушолмай қолганлиги ҳақида хабар келиб тушган.

Хабарга асосан, қутқарувчилар айтилган манзилга етиб бориб, ҳудудда қидирув-қутқарув ишларини амалга оширган ва адашиб қолган фуқароларни топиб, соғ-саломат хавфсиз ҳудудга олиб чиқишган.

Ҳодиса оқибатида тан жароҳати олганлар йўқ.

Telegram I Facebook I YouTube I Instagram

Роналду Португалия терма жамоасига қайтади

Ҳужумчи Криштиану Роналду ноябр ойидаги халқаро танаффус вақтидаёқ Португалия терма жамоаси сафига қўшилади.

👉 https://effect.uz/n/268

Telegram I Facebook I YouTube I Instagram

Ўзбекистонда 9 ой давомида 207 минг нафар аҳоли илк бор марказлашган ичимлик суви билан таъминланди, 1,6 миллион нафар аҳолининг эса сув таъминоти яхшиланди

Жорий йил сентябрь ҳолатига кўра, аҳолининг марказлашган ичимлик суви билан таъминланганлик даражаси 83,3 фоизга, оқова сув қамрови эса 22,1 фоизга етказилди. Бу ҳақда «Ўзсувтаъминот» АЖ Ахборот хизмати раҳбари Акмал Муродов иштирокида ўтказилган «2026 йилнинг 9 ойида ичимлик суви таъминоти ва оқова сув хизматлари соҳасида амалга оширилган ишлар сарҳисоби» мавзусидаги брифингда маълум қилинди.

Шу даврда:

🔹 207 минг нафар аҳоли илк бор тоза ичимлик суви билан таъминланди;
🔹 1,6 миллион нафар аҳолининг ичимлик суви таъминоти яхшиланди;
🔹 мавжуд 8 992 та маҳалланинг 5 343 таси ичимлик суви билан тўлиқ, 3 116 таси қисман таъминланган.

Йил бошидан истеъмолчиларга 779 млн куб метр ичимлик суви етказиб берилган. Шунингдек, 390,1 млн куб метр оқова сув хизмати кўрсатилган. Сув ҳисоблагичлари билан таъминланганлик даражаси эса 90 фоизга етган.

Telegram I Facebook I YouTube I Instagram

ИИВ: 5 мингга яқин бедарак йўқолган фуқаро оиласи бағрига қайтарилди

2026 йилнинг 9 ойида Ўзбекистонда олдини олиш мумкин бўлган 24 828 та жиноят қайд этилди. Бу ўтган йилнинг мос даврига нисбатан 4 021 тага кам. Хусусан, ёшлар иштирокидаги жиноятлар 24 фоизга, аёллар томонидан содир этилган жиноятлар 20,7 фоизга камайди.

Ҳисобот даврида ички ишлар органлари ходимларининг ташаббуси билан 31 917 та жиноят аниқланди. Гиёҳвандлик воситаларининг ноқонуний муомаласи билан боғлиқ 13 293 та жиноят фош этилиб, 3 тонна 357 килограмм гиёҳвандлик воситаси ва 2 миллион 773 минг дона назорат остидаги дори воситаси мусодара қилинди.

Тезкор тадбирлар натижасида аввал содир этилган 20 мингдан ортиқ жиноят фош этилди, қидирувдаги қарийб 8 минг нафар шахс ушланди. Бундан ташқари, 4 863 нафар бедарак йўқолган фуқаро оиласига қайтарилди.

Ҳисобот даврида коррупцияга қарши курашиш йўналишида 6 293 та жиноят аниқланган.

Telegram I Facebook I YouTube I Instagram

Эркинжон Турдимов: Таълимдаги ҳар бир ўзгариш ёшлар ҳаётида сезилиши керак

Бугун Ўзбекистон Республикаси Бош вазирининг биринчи ўринбосари — таълим ва илм-фан вазири Эркинжон Турдимов вазирлик тизими ходимлари билан учрашув ўтказди.

Бола боғчага бориши, ўқувчи мактабда пухта билим олиши, талаба эса эгаллаган билими ва касби билан ҳаётда ўз ўрнини топиши керак. Шу мақсадда мактабгача таълим қамровини кенгайтириш, таълим сифатини ошириш, ёшларни касбга тайёрлаш ва илм-фанга қизиқишини қўллаб-қувватлаш масалалари муҳокама қилинди.

Ўқитувчининг жамиятдаги обрўси ва нуфузини юксалтириш, унинг меҳнати қадрланиши, ўз устида ишлаши ва бор эътиборини таълимга қаратиши учун муносиб шароит яратиш ҳам муҳим вазифалардан бири сифатида қайд этилди.

Эркинжон Турдимов муаммоларни санаб ўтиш билан чекланмасдан, ҳар бири бўйича амалий ечим қилиш зарурлигини таъкидлади. Ходимларга ўқувчи, талаба ва педагог ҳаётида ижобий ўзгариш берадиган аниқ таклифлар тайёрлаш вазифаси қўйилди.

Telegram I Facebook I YouTube I Instagram

«Таълимга бекорга энг ишонган кадримни олиб келмадим» — Шавкат Мирзиёев нега Эркинжон Турдимовни танлади?

Президент Шавкат Мирзиёев Янги Тошкентда тадбиркор ва инвесторлар билан учрашувда янги ташкил этилган Таълим ва илм-фан вазирлиги ҳамда уни бошқараётган Эркинжон Турдимов ҳақида гапирди. Президентнинг таъкидлашича, Турдимовнинг ушбу лавозимга келиши тасодифий эмас.

«Сон кўпайди, сифат эса кам. Бундан кейин ҳар бир университет ким учун қандай кадр тайёрлашини ўзи учун аниқ белгилаб олиши керак. Тўртта вилоятга ҳоким бўлган одамни Таълим вазирлигига бекорга олиб келмадим», — деди Шавкат Мирзиёев.

Бу гаплар Турдимовнинг янги лавозимига қандай вазифа ва масъулият юкланганини ҳам кўрсатади. У 9 октябрь куни Бош вазирнинг биринчи ўринбосари — Таълим ва илм-фан вазири этиб тайинланган. Шу билан бирга, Вазирлар Маҳкамаси тузилмасида биринчи ўринбосар — таълим ва илм-фан вазири лавозими жорий этилди.

Янги лавозим эгаси таълим, илм-фан ва соғлиқни сақлаш йўналишларида вазирликлар, қўмиталар, агентликлар ҳамда ҳудудлар раҳбарлари фаолиятини мувофиқлаштириш ваколатига эга бўлади.

Telegram I Facebook I YouTube I Instagram

Непалда сел уйлар ва кўприкларни вайрон қилди: беш киши бедарак

Непалнинг Горкха ҳудудида 11 октябрь куни содир бўлган кучли сув тошқини оқибатида ўнлаб уйлар, кўприклар ва инфратузилма объектлари вайрон бўлди.

Маълумотларга кўра, беш киши бедарак йўқолган, 49 киши эса қутқариб қолинган. Тошқинга кўчки оқибатида дарё ўзанининг тўсилиб қолиши сабаб бўлган.

Табиий офат Катмандудан тахминан 100 километр ғарбда юз берди. Бу Непал ва Хитой чегарасидаги йирик тошқиндан қарийб бир ярим ой ўтиб содир бўлди.

Telegram I Facebook I YouTube I Instagram

«Аҳолида кибержиноятларга қарши ҳуқуқий маданият ҳозирча етарли эмас» — мутахассис

Биргина сохта APK файлни очиш — телефондаги маълумотлар ва маблағлар хавфсизлигига жиддий таҳдид солиши мумкин.
Кибержиноятларга қарши курашиш департаменти бошлиғи ўринбосари Жаҳонгир Сагдуллаевнинг таъкидлашича, бугунги кунда фуқароларнинг 50 фоизи сохта APK файлларни очиш орқали киберҳужумга учрамоқда.

Унинг айтишича, бундай ҳолатларнинг асосий сабабларидан бири — аҳоли ўртасида кибержиноятларга қарши ҳуқуқий ва рақамли маданиятнинг етарли даражада шаклланмагани.

«Юртимиз аҳолисида кибержиноятларга оид ҳуқуқий маданият ҳали етарли эмас. Шу боис барча журналист ва блогерларни кибержиноятларнинг олдини олиш билан боғлиқ ҳуқуқий тарғиботларда фаол иштирок этишга чақирамиз», — деди Жаҳонгир Сагдуллаев.

У журналист ва блогерларни кибержиноятларнинг олдини олишга қаратилган ҳуқуқий тарғибот ишларида фаол иштирок этишга чақирди.

Telegram I Facebook I YouTube I Instagram

Сурхондарёда 16 ёшли ўқувчи онасининг машинасида аварияга учради: бир ўсмир ҳалок бўлди

9 октябрь куни Сурхондарё вилоятининг Термиз туманида 2010 йилда туғилган мактаб ўқувчиси онасига тегишли Cobalt автомобилини бошқариб, йўл-транспорт ҳодисасига учради.

Ҳодиса оқибатида автомобиль салонида бўлган унинг синфдоши воқеа жойида вафот этди.

Мазкур ҳолат юзасидан жиноят иши қўзғатилган.

Telegram I Facebook I YouTube I Instagram

Ўзбекистонда 3,4 миллион тонна пахта териб олинди

Қишлоқ хўжалиги вазирлиги маълум қилишича, 2026 йил 12 октябрь ҳолатига мамлакатда 3,4 миллион тонна пахта хомашёси йиғилган. Бу мавсум учун белгиланган 4,5 миллион тонналик шартномавий кўрсаткичнинг 76 фоизини ташкил этади.

Ҳосилнинг 2,6 миллион тоннаси машиналарда, 848 минг тоннаси қўлда терилган. Вазирлик қайд этишича, умумий теримнинг 75 фоизи механизациялашган терим ҳиссасига тўғри келмоқда.

Мавсумга 3 мингга яқин пахта териш машинаси жалб қилинган. Шундан мингдан зиёди жорий йилда фермер хўжаликлари ва агрокластерларга лизинг асосида етказиб берилган.

Telegram I Facebook I YouTube I Instagram